یوحنا موکاشیفَه 3:10 - کتاب مقدس به زبان تالشی شمالی

¹⁰ حِسَه که تِه چِمِن کلامی که مقاومتی دربارَه یَه، غَم هَردِرَه، از نی تِه اَ آزمایشی ساعتی کا غَم بَردیم، اَ ساعتی که تمون دنیا سَر بومَی تا زمینی مردمی، آزمایش بِکَرِه.

کتاب مقدس به زبان تالشي - گویش مرکزی

¹⁰ اِمی خونه کن تِه چمن کلام کن آمبَست گیری خونِه اَ، غَمِر هردَیَه، اَز نی وَرداورد بِه ساعَتیکا، اَ ساعت کن گردِ دِنیا کا بومیَه تا زَمینی سَردِرِ آدَمون وَرداورد بکرِ، بَتِه غَم بَردیمه.

یوحنا موکاشیفَه 3:10 Iomraidhean Croise

مَتّی 24:14

خِدا پاُتشایی خوشَ خَوَر گِردِ دنیا مردمی را اِعلام بَبی تا گِردِ میلتون را شهادتی بِبو. چَیی پَش دنیا بِه آخِر آرَستِه.

مَتّی 26:41

آگا بِبییَه و دعا بِکَرَه که وسوسه مَبییَه. حقیقتن که روح مشتاقَه، امّا جِسم ناتوان.»

مَتّی 6:13

اَمَه اِمتحانون کا مَدَرَن، بَلَکم اَمَه اَ شریری کا نجات بِدَه، [چوم پاُتشایی و قدرت و جلال تا اَبَد اِشتِه شِنَه. آمین.]

مَرقُس 14:9

حقیقتن شِمَه نَه بَواتیم، گِرد دنیا هر جِگا کا كه خِدا پاُتشایی شادَه خَوَر اِعلام بِبو، اِم ژِنی کار نی چَیی یاد بودی را واتَه بَبی.»

انجیل لوقا 2:1

اَ روزون کا، آگوستوس که رومی اِمپِراطور بَه، فرمان دوشَه که رومی اِمپِراطوری گِردی کا سَر شماری بِکَرن.

یوحنا 17:6

«اَز اِشتِه نومی مردمی را که دنیا کا بَه مِن بَخشِستَره، آشکار آکَردَمه. اَوِن اِشتِه شِن بینَه و تِه اَوون مِن بَخشِستَره، و اِشتِه کلامی اَنجام دوعَشونَه.

رومی کلیسارا نامه 1:8

اَولاً که، چِمِن خِدا، عیسایِ مسیح واسطه نَه، شِمَه گِردِی واسی شُکر بَکَردیم، چوم که شِمَه ایمانی خَوَر گِردِ دنیا کا چُو دَلَکه.

اوّلین نامَه قورَنتیانیرا 10:13

هیچ آزمایشی شِمَه را اومَه نییَه که اَلباقی مردمی را اومَه مَبو. خِدا وفادارَه؛ اَ نییَرزِه که شِمَه تَوانی کا وِرتَر آزمایش بِبییَه، بَلکَم آزمایشی موقع نی، ایلَه راهی دَوَشته را بَنای تا شِمَه چَیی تاو و تحملی بِدارَه.

نامَه اَفسوسی کلیسارا 6:13

بَس خِدا اَسلحه تَمام کمال دَکَرَه، تا شَرّه روزی کا بِشایَه مقاومت بِکَرَه، و بِشایَه گِردِ چییون اَنجام بییَه پَش، پابَرجا بومونه.

دِوُّمین نامَه تیموتائوسیرا 2:12

اَگَم تاو بواَرَم، اَیی نَه نی سلطنت بَکَردیمون. اَگَم اَیی هاشا بِکَرَم، اَ نی اَمَه هاشا بَکَردی.

یعقوبی نامَه 3:12

چِمِن بِرا اِن، مَگم بَبی اَنجیلَ دار، زیتون بواَرِه؟ یا اَنگِرَه رَز، اَنجیل بِدَه؟ هِنتَه نی سورَه خانی نیمَشا شیرین آو آدَه.

پطروسی اوّلین نامَه 4:12

اِی عزیزِن، اِم آتشی کا که شِمَه آزمایش کَردِه واسی شِمَه دیلَه کا دَلَکَه، تعجب مَکَرَه، اِنگاری که ایلَه عجیب غریبَه چیی شِمَه سَر اومَه.

پطروسی دومین نامه 2:9

بَس خِداوند بَزنی که چِنتَه صالحَ آدَمون آزمایشون کا نِجات بِدَه و آدَمی که صالِح نییَه داوریَ یَه روزی مکافاتی را غَم بَرِه،

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 11:10

کسونی که زمینی کا اینَه چَوون مَردِه کا ذوق بَکَردین و جَشن بَگتین یَندی را هدیه‌ اون ویسا آکَرِن، چوم اَ دِ گِله پیغمبر اَ کسونی که زمینی سَری کا بینَه عذاب دوعَشون بَه.

یوحنا موکاشیفَه 13:10

اَگم قرار بِبو کسی اَسیر بِبو، اَسیری را بَشی. اَگم قرارَه کسی شمشیری نَه کِشتَه بِبو، بَسی شمشیری نَه کِشتَه بِبو. و اِم، مقدّسون مقاومت و چَوون ایمانی پیستِشَه.

یوحنا موکاشیفَه 13:14

و علامتون و معجزه اون واسی که اِجازه داری اَ اوّلین وَحشی یَه حَیوونی عَوض بِه کار بگِرِه، کسونی که زمینی سَری کا اینَه گول ژَندِشَه و اَوون نَه واتِشه ایلَه مجسمه اَ وَحشی حَیوونی کا وَج آکَرَه که شمشیری نَه زخمی بییَه، ولی با اِم حال زِنده مَندَه.

یوحنا موکاشیفَه 13:8

و گِردِ کسونی که زمینی سَری کا اینَه و اَ وَحشی یَه حَیوونی پرستش بَکَردین- یعنی هَر کسی که چَیی نوم، وَرَه دفتر حیاتی دیلَه کا نیویشته بَه نییَه، هَ وَرَه ایی که دنیا صِفتَه نَه قربونی بییَه بَه.

یوحنا موکاشیفَه 14:12

اِم، مقدّسون مقاومتی پیستِشَه، اَوِن که خِدا حُکمون و بِه مسیح ایمان هِستِشونَه.

یوحنا موکاشیفَه 14:6

دومله ایلَه دییَر ملائیکه ای ویندِمَه که آسمونی کا پرواز بَکَردی و اَبَدی یَه اِنجیلی اِشتَن همراه داری تا اَیی کسونی را که زمینی سَری کا اینَه، و هَر ملّت و طایفه و زَوون و قومی را اِعلام بِکَرِه.

یوحنا موکاشیفَه 16:14

چوم که اِمن دیوون ارواح اِستینَه که علامت و معجزه اونی بواَردین و گِردِ دنیا پاُتشااون وَر بَشین تا اَوون، خِدای قادر مطلقی یالَه روزی کا جَنگی را، جمع آکَرِن.

یوحنا موکاشیفَه 17:2

اَ که زمینی پاُتشااِن اَیی نَه زِنا کَردِشونَه و کسونی که زمینی سَری کا بینَه چَیی زِنا شَراوی کا مست آبینَه.»

یوحنا موکاشیفَه 17:8

اَ وحشی یَه حَیوون که ویندِرَه اِستبَه، حِسَه دِ نییَه، هِم زودیون هاویَه چاه کا بِرون بومَی و بَشی هلاکتی طرفی را. و کسونی که زمینی سَری کا اینَه و چَوون نوم دنیا خَلق بییِه نَه دفتر حَیاتی دیلَه کا نیویشته بییَه نییَه، اَ وحشی یَه حَیوونی ویندِه کا مات بَبین، چوم که اَ اِستبَه، حِسَه نییَه، و بومَی.

یوحنا موکاشیفَه 2:10

اَ عذابونی کا که هِم زودیون کَشی، مَتَرس. دَیِس، هِم زودیون اِبلیس شِمَه کا بعضیون زندانی کا دَرَفَنِه تا آزمایش بِبییَه و دَه روز عذاب بِکَشَه. تِه تا مرگ وفادار بومون،که از زِندگی تاجی آدَم بَه تِن.

یوحنا موکاشیفَه 3:8

از اِشتِه کارون کا خَوَرداریمَه. دَیِس، ایلَه آواجَه بَری اِشتِه ناری کا نوعَمَه که هیچ‌کس نیمَشا اَیی دَوِندِه. بَزنیم که اِشتِه قُوّت کَمَه، امّا چِمِن کلامی غَم هَردِرَه و چِمِن نومی حاشا نِکَردِرَه.

یوحنا موکاشیفَه 6:10

اَوِن بِلند سَسی نَه خِلِع بَکَردین و بَواتین: «اِی خِداوندی که قادر و قدّوس و حَقّیش، تا کَینی داوری نِکَری و چَمَه خونی تقاصی زمینی مردمی کا، نِویگِری؟»

یوحنا موکاشیفَه 8:13

دومله دَیشتیمَه، و دَرَسِمَه که ایلَه عقاب آسمونی کا هَتَه که پرواز بَکَردی بِلندَه سَسی نَه خِلِع ژَنی: «وای، وای، وای بَر زمینی مردم، چوم که چیی مَندَه نییَه که اَ سِه گِله ملائیکه شیپورون سَس بَرا.»