یوحنا موکاشیفَه 3:1 - کتاب مقدس به زبان تالشی شمالی

¹ «ساردِسی کلیسا ملائیکه را بینیویس: «اَ که خِدا هفت گِله روح و هفت گِله ستاره هِستِشَه، اِنتَه بَواتی: اِشتِه کارون کا خَوَرداریمَه. اِمی واسی سَرشِناسیش که زِندَه ایش، امّا مَردَه ایش.

کتاب مقدس به زبان تالشي - گویش مرکزی

¹ «ساردِسی کلیسا فرشتَرا بنوِس: «اَ کن خدا هف گلَه روح و هف گلَه اِسترَ دارِ، انترَ باتی: اِشتِه کارونکا باخبَریمه. تِه اِشتِه زندَ بِه خونه سَرشناسیشَه، ولی مَردَایش.

یوحنا موکاشیفَه 3:1 Iomraidhean Croise

انجیل لوقا 15:24

چوم چِمِن اِم زوعَه مَردَه بَه، هَنی زِنده آبَه؛ ژون آبَه بَه، پیدا بَه!“ بَس دَمَندینَه شادی کَردِه.

انجیل لوقا 15:32

امّا حِسَه اَمَه بَسی جَشن بِگِرَم و شادی بِکَرَم، چوم اِشتِه اِم بِرا مَردَه بَه، زِنده آبَه؛ ژون آبَه بَه، پیدا بَه!“»

یوحنا 1:16

چَیی پُوری کا اَمَه گِرد پُوری نَه ویگِتَمونَه، فیض فیضی سَر.

یوحنا 1:33

اَز اِشتَن نی اَیی آنِزونیم، امّا اَ کسی که مِن ویسا آکَردَشَه تا آوی نَه تعمید بِدَم، مِنَه واتِشه: ”هَر موقع ویندِرَه خِدا روح ایی نفری سَری کا نِشتَه و مَندَه، بِزون هَ اَ کسی یَه که روح القدسی نَه تعمید بَدای.“

یوحنا 20:22

وختی اِمی واتِشه، فو دَکَردِشه و واتِشه: «روح القدسی ویگِرَه.

یوحنا 3:34

کسی که خِدا طرفی نَه ویسا آبَه، خِدا کلامی بَواتی، چوم خِدا اِشتَن روح، بی اَندازه عَطا بَکَردی.

رَسولون اَعمال 2:33

عیسی بَردَه بَه کَفا خِدا راستَ دَسی را و آسِمونی یَه دَده کا، روح‌ القدسِ موعودی ویگِتِشه و ویکَردِشه چَمَه سَری کا، اِمی که حِسَه بَویندیرون و دَرَسَه.

نامَه اَفسوسی کلیسارا 2:1

شِمَه، شِمَه خَطا اون و گِناه اون دیلَه کا مَردَه بیرونه،

نامَه اَفسوسی کلیسارا 2:5

حتی وختی که چَمَه خَطااون دیلَه کا مَردَه بیمونَه، اَمَه مسیح نَه زِنده آکَردِشه- شِمَه فیضی راه نَه نجات پیدا کَردَرونه-

نامَه کُولُسی کلیسا را 2:13

و خِدا، شِمَه که شِمَه گناه اون و شِمَه خَتنَه نِبییَه جِسمی دیلَه کا مَردَه بیرونه، مَسیح نَه زِندَه آکَردِشه. اَ چَمَه خَطا اون گِردی بَخشِستِشه،

اوّلین نامَه تیموتائوسیرا 5:6

امّا اَگم ایلَه ویوَه ژِن عَیاشی نَه زندگی بِکَرِه، با اِمکه زِندَه یَه، مَردَه.

یعقوبی نامَه 2:26

هَتَه که بَدن روح کا جِدا آبو بَمَردی، ایمان نی اَعمالی کا جِدا آبو، بَمَردی.

پطروسی اوّلین نامَه 1:11

اَوِن تَقَّلا بَکَردین بِفهمِن وختی که مَسیح روح چَوون دیلَه کا مسیح جَلالون و عذابون که چَیی پَش بومیَ، پیشگویی بَکَردی، کِی یا چِه زمانی نیشون بَدای.

یهودا نامه 1:12

اِمن، بی هیچ تَرسی شِمَه پُور محبتَ میهمونیون کا، شِمَه نه هَرِن و هِنجِن ولی اَ نِینَ صَخرَه اونی شیواری نَه که آوی جیری کا اینَه و نییَب اَوون ویندِه؛ اَوِن شوونَه اونی اِستینه که فقط اِشتَن فیکری کا اینه؛ بی وارِشَ خِرونی شیواری نَه که وا اَوون بَبَردی، و پایئزی آخِری بی میوه دارونی نَه که دِ کَرَه مَردَه ای نَه و بِنه نَه بَر اومَه اینه.

یوحنا موکاشیفَه 1:11

که بَواتی: «اَ چیی که بَویندیش ایلَه کیتابی دیلَه کا بینیویس و اِم هفت گِلَه کلیسا: اَفِسُس، اِسمیرنا، پِرگاموم، تیاتیرا، ساردِس، فیلادِلفیَه و لائودیکیَه را ویسا آکَه.»

یوحنا موکاشیفَه 1:16

اَ اِشتَن راستَه دَسی کا هفت گِله ستاره داری و چَیی گَ کا ایلَه دِ دَمَه تیجَه شمشیر بِرون اومَه بَه، و چَیی دیم آفتاوی شیوار بَه که اِشتَن تَمون قوّتی نَه دَتاوی.

یوحنا موکاشیفَه 1:20

اَ هفت گِله ستاره، که چِمِن راستَه دَسی کا ویندِرَه و اَ هفت گِله طِلا چِراپوعَه سِرّ اِمَه: اَ هفت گِله ستاره، اَ هفت گِله کلیسا ملائیکه اِنی نَه، و اَ هفت گِله چراپوعَه، هَ هفت گِله کلیسا.

یوحنا موکاشیفَه 1:4

یوحنا طرفی کا، هفت گِله کلیسا را که آسیا ایالتی کا اینَه: فیض و صُلح و سلامتی شِمَه را با، چَیی طرفی کا که اِستَه و بَه و بومَی، و اَ هفت گِله روح طرفی کا که چَیی پاُتشایی تختی پیشی کا مَندینَه،

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.

یوحنا موکاشیفَه 2:19

از اِشتِه کارون کا، اِشتِه محبت و ایمان و خدمت و اِشتِه مقاومتی کا خَوَرداریمَه، و بَزنیم که اِشتِه آخِرین کارِن اِشتِه اوّلین کارون کا وِرتَری نَه.

یوحنا موکاشیفَه 2:2

اِشتِه کارون بَزنیم و اِشتِه مقاومت و عذابون کا خَوَر داریمَه و بَزنیم که نیمَشای شَرورَه آدَمون تاو بواَری بَلکَم کسونی که اِشتَن رسول بَزنین ولی نینَه، اَوون اِمتحان کردَرَه و فَهمِستَرَه دروعَه واجی نَه.

یوحنا موکاشیفَه 2:9

اِشتِه عذاب و نَداری کا خَوَرداریمَه، ولی تِه دولتمَندیش! و اَ آدَمون اِفترا کا خَوَر دارِم. که بَواتین یهودی نَه ولی نینَه، بَلکَم شیطونی عِبادتگاه اینَه.

یوحنا موکاشیفَه 3:15

اِشتِه کارون کا خَوَرداریمَه؛ که نِه سَردیش و نِه گرم. کَشکی یا سَرد بِبیش یا گرم.

یوحنا موکاشیفَه 3:2

پِرِز و اَچیی که باقی مَندَه و کارا بَمَردی، تقویت بِکَه! چوم که از اِشتِه کارون چِمِن خِدا وَری کا کامل نِویندِمَه.

یوحنا موکاشیفَه 3:8

از اِشتِه کارون کا خَوَرداریمَه. دَیِس، ایلَه آواجَه بَری اِشتِه ناری کا نوعَمَه که هیچ‌کس نیمَشا اَیی دَوِندِه. بَزنیم که اِشتِه قُوّت کَمَه، امّا چِمِن کلامی غَم هَردِرَه و چِمِن نومی حاشا نِکَردِرَه.

یوحنا موکاشیفَه 4:5

تختی کا، برق و بِلندَه خِلِع و گِرخونَه بومَی و هفت گِله وَش گِتَه مشعل تختی ناری کا نوعَه بَه، که خِدا هفت گِله روحی نَه.

یوحنا موکاشیفَه 5:6

و تختی وسطی کا اَ چار گِله مخلوق زِنده و پیرون دیلَه کا ایلَه وَرَه ویندِمَه مَندَه بَه که ایلَه قِربونی شیوار بَه، هفت گِله شاخ و هفت گِله چِم داری، که خِدا هفت گِله روحی نَه که گِردِ زمینی سَری را ویسا آبَینه.