یوحنا موکاشیفَه 21:8 - کتاب مقدس به زبان تالشی شمالی

⁸ ولی تَرسو اِن و بی ایمانِن و فاسِدِن و آدَمکِشِن و زِنا کارِن و جادوگرِن و بُت‌پرستِن و گِردِ دروعَه واجِن، چَوون گِردی سهم، دریاچه ای بَبی که گوگِرد و آتشی نَه وَش گِتَشه. اِم دوّمین مَرگَه.»

کتاب مقدس به زبان تالشي - گویش مرکزی

⁸ ولی تَرسو اِن و بی ایمانِن و فاسیدِن و آدَمَه کِشِن و زینا کارِن و جاودوگرِن و بُت‌ پرستِن و گِردِ درواَواجون رَسَت، کولستارَ دَیراچَه و آرا و گوگرد، بَبیَه. اِم دوومین مَرگَه.»

یوحنا موکاشیفَه 21:8 Iomraidhean Croise

مَتّی 10:28

کسونی کا که فقط بَشاین جِسمی بِکِشِن ولی نِیمَشان روحی بِکِشِن مَتَرسه. خِدا کا بِتَرسَه که بَشای هَم روح و هَم جِسمی جَهَندمی کا هلاک بِکَرِه.

مَتّی 25:25

بَس تَرسیمَه، شیمَه اِشتِه قنطاری زمینی کا نِین آکَردِمَه. بِفرما، اِم نی اِشتِه پول!“

مَتّی 8:26

عیسی واتِشه: «اِی كم‌ ایمانِن، چیرا اِنتَه تَرسَه؟» دومله پِرِشتَه وا و دریاچه را زِرَه گِتِشه و گِرد جِگا کامل آروم آبَه.

مَرقُس 9:44

جِگایی که چَوون بولیزگَه نِمِره و آتش دَنِکِشِه.

یوحنا 8:44

شِمَه، شِمَه دَده اِبلیسی شِنیرونَه و چَیی پیستَه چییون اَنجام بَدایرون. اَ صِفته نَه آدَمکِش بَه و حقیقتی نَه کاریش نییَه، چوم هیچ حقیقتی اَیی کا نییَه. هَر موقع دوروع بَواتی، اِشتَن شخصیتی کا بَواتی؛ چوم که دروعه واج و دوروعه واجون دَده یَه.

دوّمین نامَه تَسالونیکی کلیسا را 2:9

اَ بی دینَ مِردی اومِه، شیطانی کاری واسطه نَه، گِردِ قوّت و دورعَه نیشونه اون و معجزه اون نَه و عجیبَ چیونی که گمراه بَکَردی،

اوّلین نامَه تیموتائوسیرا 4:2

دروعَه واجِن و دِ دیمِن اِنتَه رَه تعلیمون بواَردین که چَوون وجدان مَردَه یَه.

نامَه تیتوسیرا 1:16

اَوِن اِدعا بَکَردین که خِدا آزونِن، امّا اِشتَن کارون نَه اَیی هاشا بَکَردین. اَوِن نِفرت اَنگیز و نافرمونی نَه، و هَر چاکه کاری را ناجوری نَه.

نامَه، عِبرانیه نَتاجَه مسیحیونرا 12:24

و عیسی که ایلَه تازه عهدی واسطه یَه، و اَ پِشَندَه خون، که هایبلی خونی کا چاکتَرَه، گَف ژَنِه.

نامَه، عِبرانیه نَتاجَه مسیحیونرا 13:4

بِدارَه اِزدواج گِردی دیلَه کا اِحترام بِدارِه و ژِن و شو رابطه پاک بِبو، چوم خِدا زناکارون و بی عفتون داوری بَکَردی.

یوحنا اوّلین نامَه 2:22

دروعَه واج کییَه، اَ کسی غِیراز که اِنکار بَکَردی عیسی، اَ مسیح موعودَه؟ اِنتَه رَه کسی هَ ’ضِدّمسیح‘ اِستَه که هَم دَده و هَم زوعَه اِنکار بَکَردی.

یوحنا اوّلین نامَه 3:15

هَر کسی که اِشتَن بِرا کا بیزارَه، قاتلَه و شِمَه بَزنیرون که هیچ قاتلی دیلَه کا اَبَدی یَه زندگی دَری نییَه.

یوحنا اوّلین نامَه 5:10

هَر کسی که خِدا زوعَه ایمان هِستِشه، اِم شهادتی اِشتَن دیلَه کا هِستِشه. امّا اَ کسی که خِدا شهادتی باوَر نِکَرِه، اَئی دروعَه واج حِساب بَکَردی، چوم شهادتی که خِدا اِشتَن زوعَه درباره دوعَشَه، قبول کَردَه نیشه.

یوحنا موکاشیفَه 14:10

اَ نی خِدا غَضبی شَراوی کا بِنتی، اَ شَراوی که پُور مَلات و خالصَه، خِدا غَضبی قَدَرَه کا دَکَردَه بَه، و اَ، مقدّسَ ملائیکه اون پیشی کا و وَرَه پیشی کا آتش و گوگِردی نَه عذاب کَشِه.

یوحنا موکاشیفَه 19:20

و اَ وحشی یَه حَیوون گیرفتار آبَه و اَیی نَه، اَ دوروعی نَه پیغمبر که اَ وحشی یَه حَیوونی پیشی کا علامت و معجزه اون انجام بَدای تا کسونی گول بِژَنِه که اَ وحشی یَه حَیوونی نیشونَه قبول کَردَشون بَه و چَیی مجسمه پرستش بَکَردین. اَوِن هَر دِگِله زِنده زِنده، آتشی دریاچه دیلَه کا دَرَفَندَه بینَه که گوگِردی نَه بَسیستی.

یوحنا موکاشیفَه 2:11

«اَ کسی که گوش هِستِشَه دَرَسِه، که خِدا روح کلیسا اون نَه چِه بَواتی. هَر کسی که پیروز بِبو، دوّمین مرگی کا چَیی سَر بَلایی نا.

یوحنا موکاشیفَه 2:2

اِشتِه کارون بَزنیم و اِشتِه مقاومت و عذابون کا خَوَر داریمَه و بَزنیم که نیمَشای شَرورَه آدَمون تاو بواَری بَلکَم کسونی که اِشتَن رسول بَزنین ولی نینَه، اَوون اِمتحان کردَرَه و فَهمِستَرَه دروعَه واجی نَه.

یوحنا موکاشیفَه 21:27

امّا هیچ ناپاکی و هیچ‌کسی که چَیی کارِن دوروع کا و نفرت اَنگیز بِبون، اَصلا نان چَیی دیلَه، بَلکَم فقط کسونی که چَوون نوم وَرَه دفتر حیاتی دیلَه کا نیویشته بییَه، بومَین چَیی دیلَه.

یوحنا موکاشیفَه 22:15

اِسبَه اِن و جادوگرِن و زنا کارِن و آدَمکِشِن و بُت‌پرستِن و گِردِ کسونی که دوروع نَه خِشی نَه و اَیی انجام بَداین، شهری بِرونی کا بَمَندین.

یوحنا موکاشیفَه 9:17

اَسبون و چَیی سِوارونی که چِمِن رؤیا کا ویندِمَه اِنتَه بینَه: چَوون زِرِه اون رنگ آتشی سِری و آبی کَئو و گوگِردی زردی داری. اَسبون سَر، شیری سَری شیوار بَه و چَوون گَ کا آتش و دو و گوگِرد بِرون بومَی.

یوحنا موکاشیفَه 9:21

اَوِن اِشتَن آدَمکِشیون و جادوگریون و بی‌عفتیون و دِزدیون کا نی توبه نِکَردِشونَه.