یوحنا موکاشیفَه 21:7 - کتاب مقدس به زبان تالشی شمالی

⁷ هَر کسی که پیروز بِبو اِمی بِه ارث بَبَردی، و از چَیی خِدا بَبیم و اَ چِمِن زوعَه بَبی.

کتاب مقدس به زبان تالشي - گویش مرکزی

⁷ هر کَم پیروز ببو، اِمی اِرث بَبَیه، و اَز چَی خدا بَبیمه و اَ چمن زوعَه بَبیَه.

یوحنا موکاشیفَه 21:7 Iomraidhean Croise

مَتّی 19:29

و هَر کسی چِمِن نومی واسی اِشتَن کَ یا بِرا اون، یا اِشتَن خالا اون، یا اِشتَن دَده نَنه، یا خِردَنون و یا اِشتَن مِلک اَملاکی وِل آکَردَش بِبو، چَیی صد برابری ویگِرِه و اَبَدی یَه زِندگی بِه اِرث بَبَردی.

مَتّی 25:21

چَیی اَرباب واتِشه: ”اَحسَنت، اِی چاک و امّانتدارَه نوکَر! حِسَه که اِم روکَه کاری کا امّانتدار بیش، بَس وِرَه کارون نی تِه دَسپَرِم. بِری و اِشتِه اَربابی شادی کا شریک بِبو!“

مَتّی 25:34

دومله پاُتشا کسونی نَه که چَیی راست طرفی کا مَندینَه بَواتی: ”اِی کسونی که چِمِن دَده، شِمَه بَرکت دوعَشَه، بایَه و اَ پاُتشایی كه دنیا اول بُنیادی کا شِمَه را آمادَه بییَه، بِه اِرث بِبَرَه.

مَرقُس 10:17

وختی عیسی راه دَلَکه بَه، ایلَه مِردی ویریتِه ویریتِه اومَه، چَیی پیشی کا زِنگ ژَندِشَه و اَیی کا دَفَرسِشه: «چاکَ اُستاد، چِه بَسی بِکَرِم تا اَبَدی یَه زندگی وارث بِبوم؟»

رومی کلیسارا نامه 8:14

چوم کسونی که خِدا روح چَوون راهنمایَه، خِدا زوعَه اِنی نه.

رومی کلیسارا نامه 8:19

چوم که خِلقت، تمون اِشتیاقی نَه خِدا زوعَه اون ظاهر آبییِه منتظرَه.

دوومین نامه قرنتیانیرا 6:16

و خِدا معبد و بُتون را چِه سُلوکاتی اِستَه؟ چوم که اَمَه خِدای زِنده مَعبَدیمونه. هَتَه که خِدا، تورات و پِیغمبرون کیتابی کا بَواتی که: «از چَوون دیلَه کا بَمَندیم و چَوون دیلَه کا راه بَشیم، و اَز چَوون خِدا بَبیم و اَوِن چِمِن قوم بَبین.»

دوومین نامه قرنتیانیرا 6:18

«و از شِمَه را دَده بَبیم و شِمَه بَه مِرا زوعَه اون و کِلَه اون بَبیرون، خِداوندِ قادر مطلق اِمی بَواتی.»

نامَه، عِبرانیه نَتاجَه مسیحیونرا 8:10

چوم که خِداوند بَواتی: اِمَه اَ عهدی که اَ روزون پَش اِسرائیلی خاندانی نَه دَوِندِم. چِمِن شریعتی چَوون فیکرون دیلَه کا بَنایم، و چَوون دیلون سَری کا بَنیویشتیم. و اَز چَوون خِدا بَبیم، و اَوِن چِمِن قوم بَبین.

پطروسی اوّلین نامَه 3:9

بَدی، بَدی نَه و فَشی، فَشی نَه جَواو مَدییَه، بَلکَم چَیی عوض بَرَکت طلب بِکَرَه، چوم اِمی واسی دَعوت بَییرونَه تا بَرکت بِه دَس بواَرَه.

یوحنا موکاشیفَه 2:11

«اَ کسی که گوش هِستِشَه دَرَسِه، که خِدا روح کلیسا اون نَه چِه بَواتی. هَر کسی که پیروز بِبو، دوّمین مرگی کا چَیی سَر بَلایی نا.

یوحنا موکاشیفَه 2:17

«اَ کسی که گوش هِستِشَه دَرَسِه که خِدا روح کلیسا اون نَه چِه بَواتی. هَر کسی که پیروز بِبو، اَ نِین آکَردَه”مَنّا“ کا آدَم بَیی و ایلَه ایسبی یَه سِنگی آدَم بَیی، که چَیی سَری کا ایلَه تازه نومی نیویشتَه بییَه که هیچکس اَیی نیمَزنِه اَ کسی غِیراز که اَیی ویگِرِه.

یوحنا موکاشیفَه 2:25

فقط اِمکه، اَ چیی که هِستِرونَه مُحکم دَچیکه تا از بام.

یوحنا موکاشیفَه 2:7

«اَ کسی که گوش هِستِشَه دَرَسِه، که خِدا روح کلیسا اون نَه چِه بَواتی. هَر کسی که پیروز بِبو، اِمی بَبَخشِستیم بَیی تا زِندگی داری میوه کا بَرِه که خِدا بهشتی دیلَه کایَه.

یوحنا موکاشیفَه 21:3

و تختی کا، ایلَه بِلندَه سَسی دَرَسِمَه که واتِشه: «دَیِس، خِدا مَنزِل آدَمون هَمراه یَه. و اَ، اَوون نَه بَمَندی، و اَوِون چَیی قوم بَبین، و خِدا اِشتَن اَوون نَه بَبی و چَوون خِدا بَبی.