یوحنا موکاشیفَه 21:3 - کتاب مقدس به زبان تالشی شمالی

³ و تختی کا، ایلَه بِلندَه سَسی دَرَسِمَه که واتِشه: «دَیِس، خِدا مَنزِل آدَمون هَمراه یَه. و اَ، اَوون نَه بَمَندی، و اَوِون چَیی قوم بَبین، و خِدا اِشتَن اَوون نَه بَبی و چَوون خِدا بَبی.

کتاب مقدس به زبان تالشي - گویش مرکزی

³ و تختیکا، تَتَّه لَسَّه ایی دَرَستِمه کن اَواجیَه: «بوین، خدا منزل آدَمونَّه دَرِ. واَ، اَوونَّه بمَندیه؛ و اَیِن چَی قام بَبینَه، و خدا اِشتَن اَوونَّه بَبییَه و چَوون خدا بَبیَه.

یوحنا موکاشیفَه 21:3 Iomraidhean Croise

یوحنا 1:14

و کَلمه، اِنسان آبَه و چَمَه دیلَه کا ساکن آبَه. اَمَه چَیی شکوه و جلالی ویندِمونَه، شکوه و جلالی که اَ زوعَه یِ یِگانه شَئنی کایَه، که دَده طرفی نَه اومَه، فیض و حقیقتی نَه پُور.

یوحنا 14:23

عیسی جَواو دوشَه: «اَگم کسی مِنَه خِش بِبو، چِمِن کلامی عَمل بَکَردی، و چِمِن دَده اَیی نَه خِش بَبی، و اَمَه بومَیمون چَیی وَر و اَیی نَه بَمَندیمون.

دوومین نامه قرنتیانیرا 6:16

و خِدا معبد و بُتون را چِه سُلوکاتی اِستَه؟ چوم که اَمَه خِدای زِنده مَعبَدیمونه. هَتَه که خِدا، تورات و پِیغمبرون کیتابی کا بَواتی که: «از چَوون دیلَه کا بَمَندیم و چَوون دیلَه کا راه بَشیم، و اَز چَوون خِدا بَبیم و اَوِن چِمِن قوم بَبین.»

دوومین نامه قرنتیانیرا 6:18

«و از شِمَه را دَده بَبیم و شِمَه بَه مِرا زوعَه اون و کِلَه اون بَبیرون، خِداوندِ قادر مطلق اِمی بَواتی.»

اوّلین نامَه تَسالونیکی کلیسا را 3:11

حِسَه خِدا، چَمَه دَده اِشتَن، و چَمَه خِداوند عیسی، چَمَه راه، شِمَه طرفی را کَشوندَشَه.

نامَه، عِبرانیه نَتاجَه مسیحیونرا 11:16

امّا اِنتَه که بَویندیم، اَوِن ایلَه چاکتَرَه مملیکتی دومله بینَه، یعنی ایلَه آسِمونی یَه مملکیت. اِمی واسی، خِدا عار نیشَه چَوون خِدا واتَه بِبو، چوم اَوون را ایلَه شهری حاضیر آکَردِشه.

نامَه، عِبرانیه نَتاجَه مسیحیونرا 8:10

چوم که خِداوند بَواتی: اِمَه اَ عهدی که اَ روزون پَش اِسرائیلی خاندانی نَه دَوِندِم. چِمِن شریعتی چَوون فیکرون دیلَه کا بَنایم، و چَوون دیلون سَری کا بَنیویشتیم. و اَز چَوون خِدا بَبیم، و اَوِن چِمِن قوم بَبین.

نامَه، عِبرانیه نَتاجَه مسیحیونرا 8:2

مقدّس جِگااون خِدمتکار، اَ حقیقی یَه خیمۀ که خِداوند بَر پا کَردَشه، نِه اِنسان.

یوحنا موکاشیفَه 10:4

و هَتَه که اَ هفت گِله گِرخونَه گَف ژَندِشونَه، پیستِم بَه بینیویسِم، ولی آسمونی کا سَسی دَرَسِمَه که واتِشَه: «اَ چیی که اَ هفت گِله گِرخونَه واتِشونَه، مُهر و موم بِکَه و مَنیویس.»

یوحنا موکاشیفَه 10:8

دومله اَ سَس که آسمونی کا دَرَسَم بَه، هَنی مِنَه گف ژَندِشَه و واتِشَه: «بِش و اَ آکَردَه طوماری که اَ ملائیکه دَسی کایَه که دریا و خِشکی کا مَندَه، ویگِه.»

یوحنا موکاشیفَه 12:10

دومله ایلَه بِلندَه خِلِعی آسمونی کا دَرَسِمَه، که بَواتی: «حِسَه، چَمَه خِدا نجات و قدرت و پاُتشایی، و چَیی مسیح اِقتدار آرَستَه. چوم اَ که چَمَه بِرا اون اِفتِرا ژَنی، که شَو اَندَه روز چَمَه خِدا حضوری کا اَوون اِفتِرا ژَنِه، فِر آدوعَه بَه جیری را.

یوحنا موکاشیفَه 21:7

هَر کسی که پیروز بِبو اِمی بِه ارث بَبَردی، و از چَیی خِدا بَبیم و اَ چِمِن زوعَه بَبی.

یوحنا موکاشیفَه 22:3

و دِ هیچ لَعنتی اوآکا نییَه. بَلکَم خِدا تخت و وَرَه تخت اَیی کا بَمَندی و چَیی خادِمِن اَئی پرستش بَکَردین.

یوحنا موکاشیفَه 7:15

اِمی واسی یَه که: «اِمِن خِدا تختی پیشی کا مَندینَه، و چَیی معبدی کا شَو اَندَه روز اَیی خدمت بَکَردین؛ و اَ تخت‌نشین، اِشتَن حضوری نَه اَوون سَرپَناه آدَه.