یوحنا موکاشیفَه 21:2 - کتاب مقدس به زبان تالشی شمالی

² و مقدّسَ شهر، یعنی تازه اورشلیمی ویندِمَه که آسمونی کا خِدا وَری نَه بومَی جیر، ایلَه وَیویی شیوار که اِشتَن، اِشتَن شو را بَزَک کَردَشَه، حاضیر آبَه.

کتاب مقدس به زبان تالشي - گویش مرکزی

² و تازَ و موقدَسه شهر، یعنی تازَ اورشَلیمِم ویندَ کن خدا وَریکا آستامونیکا کایبَه ویرمِه، و هنته وَیو ایی کن اِشتَن شو را بَشتَنِش وَج آکَردیَه شیوار، خاص آبَیَه.

یوحنا موکاشیفَه 21:2 Iomraidhean Croise

یوحنا 3:29

وَیو زِما شِنَه، امّا زِما رَفِق که چَیی کَناری کا مَندَه و بَیی گوش بَدای، زِما سَسی دَرَسه کا وِر شادی بَکَردی. چِمِن شادی نی هَتَه کامل بییَه.

دوومین نامه قرنتیانیرا 11:2

چوم که از شِمَه را غیرت هِستِمَه و اِم غیرت خِدا کایَه، چوم که از شِمَه ایلَه مِردی نَه، یعنی مسیح نَه، پِیوَندی کَردِمَه، تا شِمَه، ایلَه پاکَه باکِرَه ایی شیوار دَسپارِم چَیی دَس.

نامَه، عِبرانیه نَتاجَه مسیحیونرا 11:10

چوم اَ شَهری چِم بِه راه بَه که پاکارون هِستِشَه، که چَیی معمار و بنّا خِدا یَه.

نامَه، عِبرانیه نَتاجَه مسیحیونرا 11:16

امّا اِنتَه که بَویندیم، اَوِن ایلَه چاکتَرَه مملیکتی دومله بینَه، یعنی ایلَه آسِمونی یَه مملکیت. اِمی واسی، خِدا عار نیشَه چَوون خِدا واتَه بِبو، چوم اَوون را ایلَه شهری حاضیر آکَردِشه.

نامَه، عِبرانیه نَتاجَه مسیحیونرا 12:22

ولی شِمَه صَهیونی کوه، و خِدای زِنده شهر، یعنی اومَیرونَه آسمونی یَه اورشلیمی دیلَه. شِمَه هَزارون هَزار گِله مَلائیکَه اون دیلَه کا که شادی بَکَردین اومَیرونَه،

نامَه، عِبرانیه نَتاجَه مسیحیونرا 13:14

چوم اَمَه اییا کا شَهری نیمونَه که بِجا بومونِه، بَلکَم ذوق و شوقی نَه اَ شهری چِم بِرا ایمونَه که بومَی.

یوحنا موکاشیفَه 1:1

عیسایِ مسیح مکاشفه، که خِدا اَیی آدوشَه تا اَ چیونی که بَسی هِم زودیون اِتِفاق دَلَکِه، اِشتَن نوکَرون نیشون بِدَه. اَ، اِمی اِشتَن ملائیکه ویسا آکَردِه نَه، اِشتَن نوکر یوحنا را، آشکار آکَردِشَه.

یوحنا موکاشیفَه 1:4

یوحنا طرفی کا، هفت گِله کلیسا را که آسیا ایالتی کا اینَه: فیض و صُلح و سلامتی شِمَه را با، چَیی طرفی کا که اِستَه و بَه و بومَی، و اَ هفت گِله روح طرفی کا که چَیی پاُتشایی تختی پیشی کا مَندینَه،

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 11:2

ولی معبدی صَحنی نَه که بِرونی کایَه کاریر مَبو و اَیی اَندازَه مَگِه، چومکه اَ، دَسپَردَه بَه میلّتون و اَوِن مقدّسَ شهری چِل و دِ مانگ لَگدمال بَکَردین.

یوحنا موکاشیفَه 21:10

و اَ، خِدا روح کا مِن بَردِشَه ایلَه یال و بِلندَه کو سَر و اورشلیمی مقدّس شهری مِن نیشون دوشَه که آسمونی کا خِدا وَری نَه بومَی جیر.

یوحنا موکاشیفَه 21:9

دومله ایلَه اَ هفت گِله ملائیکه کا که هفت گِله قَدَرَه پُر هفت گِله بَلا کا داری، اومَه و مِنَه واتِشه: «بِری! از وَیو یعنی وَرَه ژِنی بَه تِن نیشون بَدایم.»

یوحنا موکاشیفَه 22:17

خِدا روح و وَیو بَواتین: «بِری!» هَر کسی که اِمی دَرَسِه بوآجِه: «بِری!» هَر کسی که تِشی یَه با؛ و هَر کسی که پیستِشَه زندگی بَخشَ آوی کا مِفتَه ویگِرِه.

یوحنا موکاشیفَه 22:19

و اَگم کسی اِم کیتابی نبوّتی کلامی کا چیی کم آکَرِه، خِدا اَئی زندگی بَخشَ داری کا و مقدّسَ شهری کا، که اِم کتابی دیلَه کا نیویشتَه بییَه، بی‌نصیب بَکَردی.

یوحنا موکاشیفَه 3:12

هَر کسی که پیروز بِبو، چِمِن خِدا معبدی کا اَیی ایلَه ستونی بَکَردیم، و دِ هرگز آوا نَه نِشو. و از چِمِن خِدا نومی و چِمِن خِدا شهری نومی چَیی سَری کا بَنویشتیم یعنی تازَه اورشلیم که چِمِن خِدا طرفی کا آسِمونی کا بومَی، و چِمِن تازَه نومی نی چَیی سَری کا بَنویشتیم.