یوحنا موکاشیفَه 20:8 - کتاب مقدس به زبان تالشی شمالی

⁸ و بومَی بِرون، تا میلّتون زمینی چهارگوشۀ کا گول بِژَنِه- یعنی جوج و مأجوج که چَوون تعداد دریا کَناری فورشی شیوارَه- تا اَوون جنگی را جمع آکَرِه.

کتاب مقدس به زبان تالشي - گویش مرکزی

⁸ و بِرِن آ تا قامِنی کن زَمینی سری چار گوشَکا مندین گول بژَنِه. یعنی جوج و ماجوجی کن چَوون تیعداد دَیرا فوشی اندازَیَه و اَوون جنگِستِرا گِرد آرَکَرد.

یوحنا موکاشیفَه 20:8 Iomraidhean Croise

نامَه، عِبرانیه نَتاجَه مسیحیونرا 11:12

و اِنتَه، ایلَه مِردکی کا، اَ نی کسی کا که ایلَه مَردَه ایی شیوار بَه، نسلونی بِه وجود اومَه، که آسمونی ستاره اون قَدَر، و دریا بی حد و حسابَه فورشی قَدَر، بینَه.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 16:14

چوم که اِمن دیوون ارواح اِستینَه که علامت و معجزه اونی بواَردین و گِردِ دنیا پاُتشااون وَر بَشین تا اَوون، خِدای قادر مطلقی یالَه روزی کا جَنگی را، جمع آکَرِن.

یوحنا موکاشیفَه 20:10

و اِبلیس، که اَوون گول ژَندَش بَه، آتش و گوگِردی دریاچه دیلَه کا دَرَفَنده بَه، جِگایی که اَ وَحشی یَه حَیوون و اَ دوروعی نَه پیغمبر دَرَفَندَه بینَه. اِمن شَو اَندَه روز تا اَبَد و تا اَبَد عذاب بَکَشدین.

یوحنا موکاشیفَه 20:3

و اَئی دَرَفَندِشَه هاویَه چاه دیلَه کا و چَیی بَری دَوَستِشَه و مُهرو موم کَردِشَه، تا دِ میلّتون گول مَژَنِه تا چَیی هَزار سال تَمون آبو. دومله اَ بَسی روکَتِه زمان آزاد آبو.

یوحنا موکاشیفَه 7:1

دومله، چار گِله مَلائیکَه ویندِمَه، زمینی چارگوشۀ کا مَند بینَه و زمینی چار گِله وا پیشی گِرین تا هیچ وایی زمینی سَر و دریا سَر و هیچ داری سَر مَوَزِه.