یوحنا موکاشیفَه 20:4 - کتاب مقدس به زبان تالشی شمالی

⁴ دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

کتاب مقدس به زبان تالشي - گویش مرکزی

⁴ چَی بَه دومله تختِنی ویندِمه کن دیوون کردِ زاکینی، چَوون سری اَنِشی دوعَشون بَه. و آدَمون جانی ویندِمه کن چَوون کلَّه عیسی مسیح را شاهیدی دوعِه خونه و خدا کلامی شاهیدی دوعِه را، چَوون تنیکا جدا آبَه بَه. و کَسِنی ویندمه کن اَ اَشیا و چی موجَسمَشون پرستش نِکردَ، و چَی نشونَه اِشتَن پوشنو و اِشتَن بالیکا قِبولشون نِکردَ. اِمِن هَنی زندَ آبینَه و مَسیح نَه هَزار سال سلطنشون کردَ.

یوحنا موکاشیفَه 20:4 Iomraidhean Croise

مَتّی 19:28

عیسی جَواو دوشَه: «حقیقتن شِمَه نَه بَواتیم، وختی اِنسانی زوعَه اَ تازه دنیا کا، اِشتَن شکوهمندَه پاُتشایی تختی سَری کا بِنِشِه، شِمَه نی كه بَه مِن کا پِیروی کَردَرونَه، دونزَه گِلَه تَختون سَری کا نِشَه و اِسرائیلی دونزَه گِلَه قبیله داوری بَکَردیرون.

مَتّی 24:10

اَ روزون کا وِر کَسِن اِشتَن ایمانی کا آگَردِن و یَندی خیانت بَکَردین و یَندی کا بیزار بَبین.

مَرقُس 6:16

امّا وختی هیرودیس اِمی دَرَسِشَه، واتِشه: «اِم، هَ یحیی یَه که اَز چَیی سَری چَیی جانی کا جِدا آکَردِمه و حِسَه زِندَه آبَه!»

مَرقُس 6:27

پاُتشا اَلبَحَل ایلَه جَلادی ویسا آکَردِشه و دستور دوشَه یحیی سَری بواَرِه. جلاد نی شَه، زِندونی کا یحیی سَر آبِردِشه،

مَرقُس 9:11

اَوِن عیسی کا دَفَرسِشونَه: «چیرا توراتی معلِمِن بَواتین اوّل بَسی ایلیای پیغمبر با؟»

انجیل لوقا 1:17

یحیی اِشتَن خدمتی هَ روح و قدرتی نَه اَنجام بَدای که ایلیای پیغمبر اَنجام بَدای. اَ خِداوندی نارنارِه بومَی تا دَده اون دیلی بِه خِردَنون نِزدیک آکَرِه و یاغیون باموجِه که اِشتَن دَده اون شیوار خِداوندی نَه خِش بِبون، تا حاضیره قومی خِداوندی را آمادَه آکَرِه.»

انجیل لوقا 14:14

که تِه بَرکت ویگِری؛ چوم اَوِن نیمَشان که چَیی عَوضی تِه آدَن، و تِه اَ روزی کا که صالِحِن زِنده آبون، اِشتِه کاری عَوضی ویگِری.»

انجیل لوقا 22:30

تا شِمَه نی چِمِن پاُتشایی کا چِمِن سِفره سَری کا، بَرَه و بِنجَه و تَختون سَری کا بِنِشه و اِسرائیلی دونزَه گِلَه قبیله داوری بِکَرَه.

یوحنا 14:19

روکَته پَش دنیا دِ مِن نِوینِه، امّا شِمَه بَویندیرون. چوم که اَز زِنده‌ایمَه، شِمَه نی زندگی بَکَردیرون.

رومی کلیسارا نامه 11:15

چوم اَگم چَوون رَد آبییِه معنی، خِدا آشتی دنیا نَه یَه، چَوون قبول بییِه معنی چِه بَبی، مَرده اون دیلَه کا زِنده آبییِه غِیراز؟

رومی کلیسارا نامه 8:17

اَگم خِدا خِردَنویمونه، بَس وارثون نی اِستیمونه، یعنی خِدا وارثِن و مَسیح نَه اِرثی کا شریکیمونه. بِه شرطی که اَمَنی اَیی نه عذاب بِکَشَم، تا اَمَه نی اَیی نَه جلال بِگِرَم.

دِوُّمین نامَه تیموتائوسیرا 2:12

اَگَم تاو بواَرَم، اَیی نَه نی سلطنت بَکَردیمون. اَگَم اَیی هاشا بِکَرَم، اَ نی اَمَه هاشا بَکَردی.

یوحنا موکاشیفَه 1:2

و اَ، خِدا کلام و عیسایِ مسیح شهادتی، یعنی هَر چیی که ویندَش بَه، شهادتی بَدای.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 11:11

امّا سه روز و نیم که دَوییَردَه، زندگی نَفَس، خِدا طرفی نَه اَ دِ گِله پیغمبری دیلَه دَشَه و اَوِن پا مَندینَه، و کسونی که کارا دَیِسین بَرکَ ترسی اَوون گِتِشَه.

یوحنا موکاشیفَه 11:15

دومله هفتمین ملائیکه اِشتَن شیپوری دیلَه کا فو دَکَردِشه، و بِلندَه خِلِع اونی آسمونی کا دَپیچستِشه که بَواتین: «دنیا پاُتشایی، چَمَه خِداوند و چَیی مسیح شِن بییَه. و اَ، تا اَبَد و تا اَبَد سلطنت بَکَردی.»

یوحنا موکاشیفَه 11:3

و از چِمِن دِ گِله شاهدی اِقتدار بَدایم که کیل دَکَرِن و هَزار و دویست و شصت روز نبوّت بِکَرِن.»

یوحنا موکاشیفَه 11:7

هَتَه که اَوِن اِشتَن شهادتی تَمون آکَردِشونَه، اَ وَحشی یَه حَیوون که هاویَه چاه کا بِرون بومَی، اَوون نَه جَنگ بَکَردی و اَوون اَفجور بَبی و اَوون کِشِه.

یوحنا موکاشیفَه 12:11

و اَوِن وَرَه خونی نَه و کلامی شهادتی نَه اَیی اَفجور بَیینَه. چوم که اَوِن اِشتَن جانی نَه خِش نِبینَه، حتی تا مَردِه موقع.

یوحنا موکاشیفَه 14:11

و چَوون عذابی دو تا اَبَد تا اَبَد کَفا را بَشی. و کسونی که اَ وحشی یَه حَیوونی و چَیی مجسمه پرستش بَکَردین، و هَرکسی که چَیی نومی، نیشونَه قبول بَکَردی، نِه روزی کا آسایش دارِه نِه شوی کا.»

یوحنا موکاشیفَه 15:2

و ایی چیی ویندِمَه که شیشَه ای یَه دریا شیوار بَه که آتشی نَه قاطی آبَه بَه، و هَم کسونی ویندِمَه که شیشَه ای یَه دریا وَری کا مَند بینَه و اَ وحشی یَه حَیوون و چَیی مجسمه و چَیی نومی شماره سَر پیروز بَه بینَه و خِدا چَنگَه سازِن چَوون دَسی کا بَه.

یوحنا موکاشیفَه 17:8

اَ وحشی یَه حَیوون که ویندِرَه اِستبَه، حِسَه دِ نییَه، هِم زودیون هاویَه چاه کا بِرون بومَی و بَشی هلاکتی طرفی را. و کسونی که زمینی سَری کا اینَه و چَوون نوم دنیا خَلق بییِه نَه دفتر حَیاتی دیلَه کا نیویشته بییَه نییَه، اَ وحشی یَه حَیوونی ویندِه کا مات بَبین، چوم که اَ اِستبَه، حِسَه نییَه، و بومَی.

یوحنا موکاشیفَه 2:26

«هَر‌ کسی که پیروز بِبو و چِمِن کارون تا آخِر اَنجام بِدَه، اَئی اِقتدار آدَم تا گِردِ میلتون سَر حکومت بِکَرِه،

یوحنا موکاشیفَه 20:6

مقدّس و مِوارکَه اَ کسی که اوّلین زِنده آبییِه کا سهم دارِه. دوّمین مَرگ چَوون سَری کا هیچ قدرتی نیشَه بَلکَم اَوِن خِدا و مسیح کاهِنِن بَبین و اَیی نَه هَزار سال سلطنت بَکَردین.

یوحنا موکاشیفَه 22:5

و دِ شوی نییَه و اَوِن چِرا یا آفتاوی نوری اِحتیاجی نیشونه، چوم خِداوندْخِدا چَوون نور بَبی. و اَوِن تا اَبَد و تا اَبَد سلطنت بَکَردین.

یوحنا موکاشیفَه 3:21

«هَر‌ کسی که پیروز بِبو، اِمی آدَم اَئی که مِنَه تختی سَری کا بِنِشِه، هَتَه که از نی پیروز بیمَه و چِمن دَده نَه تختی سَری کا نِشتیمَه.

یوحنا موکاشیفَه 4:4

اَ تختی دُور تا دُوری کا، بیست و چار گِلَه تخت نوعَه بَه و اَ تختون سَری کا بیست و چار گِله پیر نِشتَه بینَه که ایسبی یَه خَلا دَکَردَشون بَه و طِلا تاج سَری کا دارین.

یوحنا موکاشیفَه 6:9

وختی که وَرَه پنجمین مُهری چاکِندِشه، از قِربونگاه جیری کا، اَ کسونی جانی ویندِمَه که خِدا کلامی واسی و اَ شهادتونی که دوعَشون بَه، کِشته بَه بینَه.

یوحنا موکاشیفَه 7:3

واتِشه: «تا وختی که اَمَه چَمَه خِدا نوکرون تَقالی کا مُهر ژَندَه نیمونه، زمین یا دریا یا دارون ضَرر مَژَنَه.»