یوحنا موکاشیفَه 20:2 - کتاب مقدس به زبان تالشی شمالی

² و ملائیکه، اِژدها، اَ قدیمی یَه نَلتی، که هَ اِبلیس یا شیطونَه، گِتِشه و تا هَزار سال اَیی دَرَفَندِشَه زندانی کا

کتاب مقدس به زبان تالشي - گویش مرکزی

² فرشتَه اَ قدیمیَه نلَتی، اَژدِخاش، کن هه ابلیس یا شَیطونَه، گَتِشه و اَسیرِش کردَ.

یوحنا موکاشیفَه 20:2 Iomraidhean Croise

مَتّی 19:29

و هَر کسی چِمِن نومی واسی اِشتَن کَ یا بِرا اون، یا اِشتَن خالا اون، یا اِشتَن دَده نَنه، یا خِردَنون و یا اِشتَن مِلک اَملاکی وِل آکَردَش بِبو، چَیی صد برابری ویگِرِه و اَبَدی یَه زِندگی بِه اِرث بَبَردی.

مَتّی 8:29

اَوِن خِلِع کَردِشونَه و واتِشونَه: «تِه اَمَه نَه چِه كارِر اِستَه، اِی خِدا زوعَه؟ اومَه ایشَه اییا تا پیش- پیش اَمَه عذاب بِدَی؟»

مَرقُس 4:15

بعضی مردم، اَ دونه اونی شیواری نَه که راه کا ویبینَه، اوآ که خِدا کلام کاشته بَبی؛ وختی که اَوِن خِدا کلامی دَرَسِن، اَلبَحل شیطان بومَی و کلامی که چَوون دیلَه کا کاشته بییَه، دِزدِه.

مَرقُس 5:7

و بِلنده سَسی نَه خِلِع کَردِشَه: «اِی عیسی، خِدای متعالی زوعَه، تِه مِنه چِه کارِر اِستَه؟ تِه قَسَّم بَدایم بِه خِدا که مِن عذاب مَدَی!»

یوحنا 12:31

حِسَه اِم دنیا داوری موقع یَه؛ حِسَه اِم دنیا رَئیس، شیطان، بِرون فِر آدوعَه بَبی.

یوحنا 16:11

و داوری واسی، چوم اِم دنیا رئیس، مَحکوم بییَه.

رومی کلیسارا نامه 16:20

خِدایی که صُلح و سلامتی هِستِشَه هِم زودیون شیطانی شِمَه پا جیری کا لِه بَکَردی. چَمَه خِداوند عیسی، فیض شِمَه نه بِبو.

نامَه، عِبرانیه نَتاجَه مسیحیونرا 2:14

بَس اوآنَه که خِردَنِن جسم و خونی کا شریکی نَه، اَ اِشتَن نی اِم چیون دیلَه کا شریک بَه، تا مرگی راه دیلَه کا، اَیی که مرگی قوّتی هِستِشه یعنی اِبلیسی، نابود بِکَرِه.

پطروسی اوّلین نامَه 5:8

ویرا بِبیَه، شِمَه هَواس جمع بِبو، شِمه دِشمِن اِبلیس ایلَه شیری شیوار غُرِش بَکَردی و هَر طرفی را کارا بَگردِستی، ایی نفری بِتلَفِه که اَیی ویبَرِه.

پطروسی دومین نامه 2:4

چوم اَگم خِدا اَ ملائیکَه اونی را که گناه کَردَشونَه رَحم نِکَردِشه، بَلکَم اَوون دسپاردِشَه ظُلمات تاریکی دَس جَهَندمی سیاه چالی دیلَه کا تا داوری را غَم هَردَه بِبون؛

یهودا نامه 1:6

اَ، ملائیکه اونی که اِشتَن اَ اِقتدارَه جِگا دیلَه کا نِمَندینه، بَلکَم اِشتَن دُرستَ جِگا وِل آکَردِشونه، اَبَدی یَه زِنجیرون نَه دَوَستَشَه و ظُلماتی کا غَم هَردَشَه تا محاکمه را اَ یالَ روزی کا.

یوحنا موکاشیفَه 12:13

و اَ موقع که اژدها ویندِشَه که زمینی سَر فِرآدوعَه بَه جیر، شَه اَ ژِنی دومله که ایلَه زوعَه دنیا وَردَش بَه.

یوحنا موکاشیفَه 12:15

اَ نَلَتی اِشتَن گَ کا، ایلَه آوی رِواری آوی شیوار ویکَردِشَه بِرون تا اَ ژِنَکی دومله بِشو و سیل اَئی اِشتَن نَه بِبَرِه.

یوحنا موکاشیفَه 12:17

دومله اِژدها اَ ژِنَکی را عصبانی آبَه و شَه تا چَیی نسلی اَلباقی نَه جنگ بِکَرِه، یعنی کسونی نَه که خِدا اَحکامی کا اِطاعت بَکَردین و مُحکم دَچیکِستَه اینَه عیسی شَهادت دوعِه.

یوحنا موکاشیفَه 12:3

دومله ایلَه دییَر نیشونَه ای آسمونی کا آشکار آبَه: دَیِس، ایلَه یالَه سِرَه اژدها که هفت گِله سَر و دَه گِله شاخ داری، و چَیی سَرون کا هفت گِله تاج نوعَه بَه.

یوحنا موکاشیفَه 12:4

اِشتَن دُمی نَه آسمونی ستارَه اون یک‌سوّمی جمع آکَردِشَه و زمینی سَری کا ویکَردِشَه. اژدها اَ ژِنی ناری کا که کارا بَزَندی مَندَه، تا هِنتَه که چَیی خِردَن دنیا اومَه، اَیی ویبَره.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 13:2

اَ وحشی یَه حیوونی که از ویندِمَه پَلنگی شیوار بَه، و خِرسی پااون و شیری گَ داری. و اژدها اِشتَن قدرت و اِشتَن تخت و ایلَه بَرکَ اِقتداری، آدوشَه وحشی یَه حَیوونی.

یوحنا موکاشیفَه 13:4

مردم اِژدها پرستش بَکَردین، چوم اِشتَن اِقتداری آدوعَش بَه اَ وحشی یَه حَیوونی، و اَ وحشی یَه حَیوونی پرستش بَکَردین و بَواتین: «کییَه که بِشا اَ وحشی یَه حَیوونی شیوار بِبو؟ کییَه که بِشا اَیی نَه جنگ بِکَرِه؟»

یوحنا موکاشیفَه 20:10

و اِبلیس، که اَوون گول ژَندَش بَه، آتش و گوگِردی دریاچه دیلَه کا دَرَفَنده بَه، جِگایی که اَ وَحشی یَه حَیوون و اَ دوروعی نَه پیغمبر دَرَفَندَه بینَه. اِمن شَو اَندَه روز تا اَبَد و تا اَبَد عذاب بَکَشدین.

یوحنا موکاشیفَه 20:7

هِنتَه که اَ هَزار سال تَمون آبو، شیطون اِشتَن زندانی کا آزاد آبو

یوحنا موکاشیفَه 9:11

هاویَه چاه ملائیکه چَوون پاُتشا یَه، که عِبرانی زَوونی کا چَیی نوم ’اَبَدون‘، و یونانی زَوونی کا ’آپولیونَ‘ یعنی خَراوَه کَر.