یوحنا موکاشیفَه 2:9 - کتاب مقدس به زبان تالشی شمالی

⁹ اِشتِه عذاب و نَداری کا خَوَرداریمَه، ولی تِه دولتمَندیش! و اَ آدَمون اِفترا کا خَوَر دارِم. که بَواتین یهودی نَه ولی نینَه، بَلکَم شیطونی عِبادتگاه اینَه.

کتاب مقدس به زبان تالشي - گویش مرکزی

⁹ اِشتِه عذابونکا و دَس دَریسیکا باخَبریمَه، ولی تِه دولتمندیشَه. و اَ آدَمون ایفترا گَتِکا باخبَریمه، کن باتین یهودی اینَه ولی نینَّه، بَسکم شیطونی عیبادتگا اینَه.

یوحنا موکاشیفَه 2:9 Iomraidhean Croise

مَتّی 4:10

عیسی واتِشه: «دور آبو اِی شیطان! چوم توراتی کا نیویشته بییَه که: «”خِداوند، اِشتِه خِدا پرستش بِکَه و فقط اَیی عبادت بِکَه.“»

انجیل لوقا 12:21

اِم، اَ کسی آخِرعاقِبتَه که اِشتَه را ثروت جَمع آکَرِه، ولی خِدا وَری کا تِییَه دَسَه.»

انجیل لوقا 22:65

اَوِن عیسی نَه وِر بَد و بیرا بَواتین و فَش بَداین.

انجیل لوقا 4:18

«خِداوندی روح چِمِن سَری کایَه، چوم که اَ، مِن اِنتخاب کَردَشه تا فقیرون را خوشَ خَوَری اِعلام بِکَرِم، و مِن ویسا آکَردَشَه که اَسیرون را، آزادی اِعلام بِکَرِم، و کورون را، بینایی اِعلام بِکَرِم، و ستمدیده اون، آزاد آکَرِم،

انجیل لوقا 6:20

دومله عیسی اِشتَن شاگِردون دَیشتَه و واتِشه: «خَسَه شِمَه بِبو که فَقیریرونَه، چوم خِدا پاُتشایی شِمَه شِنَه.

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

رَسولون اَعمال 14:22

اَ شَهرون کا شاگِردون جانی قوّت دوشونَه، و اَوون تَشویق کَردِشونَه که اِشتَن ایمانی کا بومونِن و اَوون نصیحت کَردِشونَه که: «بَسی بَرکَ سختیون تاو بواَرَم تا خِدا پاُتشایی دیلَه دَشییَم.»

رَسولون اَعمال 26:11

چِندی کَرَه چَوون مجازات کَردِه را اِم عبادتگاه نَه بَشیم اَ عبادتگاه را و تَقَّلا بَکَردیم اَوون وادار بِکَرِم کُفر بوآجِن. جوری اَوون کا غِیض داریم که حتی تا دورَه شَهرون را نی چَوون دومله بَشیم.

رومی کلیسارا نامه 12:12

اُمیدْی کا شاد بِبییَه، مُصیبَتون کا صبور بِبییَه و همیشه دعا بِکَرَه.

رومی کلیسارا نامه 2:17

ولی تِه اِی که اِشتَن یَهودی بَزنیش و شریعتی کا تَکیه بَدایش و اِمی واسی که خِدا آزونی، بَه تِرا پوز بَدایش،

رومی کلیسارا نامه 5:3

نِه فقط اِم، بَلکَم سختییون کا نی شادی بَکَردیمون، چوم بَزنیمون که اِم سختی اِن صبر بِه بار بواَردین

رومی کلیسارا نامه 8:35

کییَه که اَمَه مسیح محبتی کا جِدا آکَرِه؟ مصیبت یا پریشونی، اذیت آزار، قحطی، لُختی، خطَر یا قَمَّه؟

رومی کلیسارا نامه 9:6

ولی منظور اِم نییَه که خِدا کلام اَنجام بَه نییَه، چوم گِردِ کسونی که قوم اِسرائیلی کا اینه، حَقیقتن اِسرائیلی نینَه؛

دوومین نامه قرنتیانیرا 6:10

اَمَه نَه غمگینون شیوار رفتار بَبی، با اِم حال هَمَش شادیمونه؛ اَمَه نَه نَدارون شیوار رفتار بَبی، با اِم حال وِرکَسون پولدار بَکَردیمون؛ اَمَه نَه جوری رفتار بَبی که اِنگاری هیچی نِدارَم، با اِم حال همه چیی صاحابیمونَه.

دوومین نامه قرنتیانیرا 8:2

چوم که اَوِن مصیبتی واسی، بَرک آزمایش بینَه، ولی بی حَد و اَندازه شادی نَه و با اِم که وِر فقیری نَه، ولی دَس دیل بازی نَه.

دوومین نامه قرنتیانیرا 8:9

چوم چَمَه خِداوند عیسایِ مسیح فیضی کا خَوَر دارَه که هَر چَن دولتمند بَه، شِمَه واسی نَدار آبَه تا شِمَه چَیی نَداری کا دولتمند بِبییَه.

اوّلین نامَه تَسالونیکی کلیسا را 3:4

چوم اَ موقع که شِمَه نَه بیمونَه، نارنارِه شِمَه نَه واتِمونَه که بَسی سختی بِکَشَم، و هَتَه که بَزنیرون، هِنتَه نی بَه.

اوّلین نامَه تیموتائوسیرا 1:13

با اِم که قبلا، کُفر بَواتیم، عذاب بَدایم و توهین بَکَردیم. ولی مِن رَحم بَه، چوم که بی ایمانی کا نادونی بَکَردیم،

اوّلین نامَه تیموتائوسیرا 6:18

اَوون دستور بِدَه که چاکی بِکَرِن و چاکَه کارون دیلَه کا دولتمند بِبون، دَس و دیل باز و بَخشندَه بِبون.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.

یوحنا موکاشیفَه 2:2

اِشتِه کارون بَزنیم و اِشتِه مقاومت و عذابون کا خَوَر داریمَه و بَزنیم که نیمَشای شَرورَه آدَمون تاو بواَری بَلکَم کسونی که اِشتَن رسول بَزنین ولی نینَه، اَوون اِمتحان کردَرَه و فَهمِستَرَه دروعَه واجی نَه.

یوحنا موکاشیفَه 2:24

امّا شِمَه الباقی تیاتیرا کا، شِمَه که اِم تعلیمی دَچیکَه نیرونَه و اَ چییونی که بعضی اِن بَواتین ”شیطونی عَمیقَ سِرّون“ آموتَه نیرونَه، شِمَه نَه بَواتیم که اِمی کا وِرتَر شِمَه دوشی سَری کا بار نِنَم.

یوحنا موکاشیفَه 3:9

دَیِس، از کسونی که شیطونی عبادتگاه کا اینَه و اِشتَن یهودی بَزنین ولی نینَه، بَلکَم دوع بَواتین، دَیِس از اَوون وادار بَکَردیم بان و اِشتِه پا جیری کا دَلَکِن تا بِزونِن که از تِنَه خِشیمَه.

یوحنا موکاشیفَه 7:14

از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.