یوحنا موکاشیفَه 2:22 - کتاب مقدس به زبان تالشی شمالی

²² دَیِس، از اَئی دَرَفَنِم مریضی یَه رختخوابی کا و کسونی که اَیی نَه زِنا بَکَردین بَرک یالَ مصیبتی کا دَرَفَنِم، مَگر اِمکه چَیی کارون کا توبه بِکَرِن.

کتاب مقدس به زبان تالشي - گویش مرکزی

²² بوین، اَز بَی آزاری آمَکَرد و لِفو جیگاکا دمَفَند و اَیِنی کن بَینه زینا اَکَرینَه برکَه یالَه غَریکا ویلاخنِم، مَگَم اِمکن اِشتَن کردَ کارونکا توبَه بکَن.

یوحنا موکاشیفَه 2:22 Iomraidhean Croise

انجیل لوقا 13:3

شِمَه نَه بَواتیم که اِنتَه نییَه! امّا اَگم توبه مَکَرَه، شِمَه نی گِرد چَوون شیوار نابود بَبیرون.

انجیل لوقا 13:5

شِمَه نَه بَواتیم که اِنتَه نییَه! امّا اَگم توبه مَکَرَه، شِمَه نی گِرد چَوون شیوار نابود بَبیرون.»

دوومین نامه قرنتیانیرا 12:21

و اِمی کا تَرسِم که وختی هَنی بام شِمَه وَر، چِمِن خِدا شِمَه پیشی کا مِن فروتن بِکَرِه و از مجبور بِبوم بَعضیون واسی که قبلا گناه کَردَشونه و اِشتَن ناپاکی، و بی عفتی و عیاشی کا توبه کَردَه نیشونه، عزاداری بِکَرِم.

یوحنا موکاشیفَه 17:2

اَ که زمینی پاُتشااِن اَیی نَه زِنا کَردِشونَه و کسونی که زمینی سَری کا بینَه چَیی زِنا شَراوی کا مست آبینَه.»

یوحنا موکاشیفَه 18:3

چوم که چَیی هَرزَگی هَوا و هَوسی شَراوی کا گِردِ میلّتون هِنتَشونَه. زمینی شاهِن اَیی نَه زِنا کَردَشونَه، و زمینی تاجِرن چَیی وِرَه تجمَلاتی کا پولدار بینَه.»

یوحنا موکاشیفَه 18:9

و زمینی پاُتشااِن که اَیی نَه زِنا کَردِشونَه و اَیی نَه تجمّلاتی کا زندگی کَردِشونَه، وختی چَیی سیستِه دو بِوینِن، اَیی را شیوَن و زاری بَکَردین و چَیی عزا سَری کا نِشِن.

یوحنا موکاشیفَه 2:5

بَس ویر بوعَه که کییا کا بَلَکه ایشَه، توبه بِکَه و اَ کارونی که اوّل بَکَردیش اَنجام بِدَه. اَگم مَکَری، بومَیم اِشتِه وَر و اِشتِه چراپوعَه چَیی جِگا کا پِگِرِم، مَگر اِمکه توبه بِکَری.