یوحنا موکاشیفَه 19:14 - کتاب مقدس به زبان تالشی شمالی

¹⁴ آسمونی قوشونِن، نازِک کَتانَ خَلا که ایسبی و پاک بَه دَکَردَشون بَه و ایسبی یَه اَسبی سِوار بینَه و چَیی دومله کارا بومَین.

کتاب مقدس به زبان تالشي - گویش مرکزی

¹⁴ آستامونی لشکَرِن کن ایسبیَه اسبون سَردِرِ نِشت بینَه و نازِک و پاجا و ایسبی و گِرونَه کتانَه شندِرِشون دَکَردَ بَه، کایبین چَی دوملَه آمِه.

یوحنا موکاشیفَه 19:14 Iomraidhean Croise

مَتّی 21:5

«اورشلیمی نَه، صَحیونی کو کِلَه نَه بوآجَه، ”دَیِس اِشتِه پاُتشا بومَی اِشتِه وَر، فروتن و اُلاغی دَنِشته بومَی، اُلاغَ کُره سَری کا دَنِشته بومَی.“»

مَتّی 26:53

خیال بَکَردیش كه اَز نیمَشام چِمِن آسِمونی یَه دَده کا بِپیم که ایی لحظه کا دونزَه گِله قُشونی کا نی وِرتَر، چِمِن کمکی را ملائیکه وَیسا آکَرِه؟

مَتّی 28:3

اَ ملائیکه دیم آسِمونی برقی شیوار شَفق ژَنی و چَیی خَلا، وَری شیوار اِسبی بَه.

دوّمین نامَه تَسالونیکی کلیسا را 1:7

و شِمَه که عذاب کَشَرونه و هَتَه اَمَه نی راحتی بَدای، اَ موقع که خِداوند عیسی اِشتَن نیرمندَه ملائیکه اون همراه، آسِمونی کا ظاهر آبو،

یهودا نامه 1:14

خَنوخ، که هفت نسل آدَمَ پَش بَه، چِمون دربارَه پیشگویی کَردِشه، که: «دَیِس، خِداوند اِشتَن هَزارون هَزار گِله مقدّسون نَه بومَی

یوحنا موکاشیفَه 14:1

دومله دَیشتیمَه و دَیِس، اَ وَرَه صَهیونی کو سَری کا مَندَه بَه، و اَیی نَه صد و چِل و چار هَزار نفر دَبینَه که اِشتَن تَقالی سَری کا چَیی نوم و چَیی دَده نومی نیویشتَشون بَه.

یوحنا موکاشیفَه 14:20

و اَنگِرِن اَ شَراوی چاچَه دیلَه کا که شهری بِرونی کا نوعَه بَه، سِخلَمیش بینَه و اَ چاچَه کا خون راه دَلکَه و خون تا اَسبون اوساری قَدَر، کَفا اومَه، و چَیی دِرازی، سیصد کیلومتر بَه.

یوحنا موکاشیفَه 17:14

اَوِن وَرَه نَه جنگ بَکَردین، امّا اَ وَرَه پیروز بَبی، چوم که اَ خِداوندون خِداوند و پاُتشا اون پاُتشایَه- و کسونی که اَیی نَه مَندینَه، چَیی دَعوَتی اِن، و اِنتخاب بییَه اِن و و چَیی وفادارِه نی نَه.»

یوحنا موکاشیفَه 19:11

دومله ویندِمَه که آسمون آبَه و دَیِس، ایلَه ایسبی یَه اَسب! ایی نفر چَیی سِوارَه که چَیی نوم وفادار و حقّ اِستَه. اَ عادلانه داوری بَکَردی و جنگ بَکَردی.

یوحنا موکاشیفَه 19:8

ایلَه نازِک کَتانَ خَلا که سوسو ژَنِه و پاکَه، اَیی آدوعَه بَه تا دَکَرِه.» چوم اَ نازِک کَتان، مقدسون صالِحَ اَعمالَه.

یوحنا موکاشیفَه 3:4

«با اِم حال حَلا، ساردِسی کا بعضیون هِستِرَه که اِشتَن خَلااوون چِرکین کَردَه نیشونَه و اَوِن ایسبی یَه خَلااون نَه، مِنَه قدم ژَنِن، چوم که لایِقی نَه.

یوحنا موکاشیفَه 4:4

اَ تختی دُور تا دُوری کا، بیست و چار گِلَه تخت نوعَه بَه و اَ تختون سَری کا بیست و چار گِله پیر نِشتَه بینَه که ایسبی یَه خَلا دَکَردَشون بَه و طِلا تاج سَری کا دارین.

یوحنا موکاشیفَه 7:9

دومله دَیشتیمَه و دَیِس، ایلَه یالَه جماعتی که هیچکس نیمَشای اَیی بیشماری، هَر میلّتی کا و هَر طایفه کا و هَر قوم و هَر زَوونی کا، گِرد اَ تخت و وَرَه پیشی کا مَند بینَه، ایسبی یَه اَبا دَکَردَشون بَه و نخلی لاخه اون اِشتَن دسی کا دارین.