یوحنا موکاشیفَه 19:12 - کتاب مقدس به زبان تالشی شمالی

¹² چَیی چِمِن وَش گِتَه آتشی شیواری نَه و چَیی سَری کا وِرَه تاجِن نوعی نَه. و ایلَه نیویشته نوم هِستِشَه که هیچ‌کس نیمَزنِه، چَیی اِشتَن غِیراز.

کتاب مقدس به زبان تالشي - گویش مرکزی

¹² چَی چَمِن کولوستارَ آرا اَمونیَه و چَی کلَّکا وِرَ تاج نابَه. و ایله نوشته آبه نوم داری کن غَیراَز اَ، کَسی نَزنییَه.

یوحنا موکاشیفَه 19:12 Iomraidhean Croise

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

مَتّی 21:5

«اورشلیمی نَه، صَحیونی کو کِلَه نَه بوآجَه، ”دَیِس اِشتِه پاُتشا بومَی اِشتِه وَر، فروتن و اُلاغی دَنِشته بومَی، اُلاغَ کُره سَری کا دَنِشته بومَی.“»

مَتّی 28:18

اَ موقع عیسی نار اومَه اَوون نَه واتِشه: «گِردِ قدرت، آسِمون و زمینی کا بَه مِن آدوعَه بییَه.

انجیل لوقا 10:22

چِمِن آسِمونی یَه دَده گِردِ چیون بَه مِن دَسپاردَشه. هیچکس نیمَزنِه زوعَه کییَه دَده غِیراز، و هیچکسی نی نیمَزنِه دَده کییَه زوعَه غیِراز، و اَ کسونی غِیراز که زوعَه اِنتخاب بَکَردی تا آسِمونی یَه دَده اَوون را آشکار آکَرِه.»

یوحنا 17:11

اِمی کا وِرتر دنیا کا نِمونِم، امّا اَوِن دنیا کااینَه؛ اَز بومَیم اِشتِه وَر. اِی دَده ی قدّوس، کسونی که تِه مِن دَسپاردَره، اَوون اِشتِه نومی کا حفظ بِکَه تا یَکی بِبون، اِنتَه که اَمَه یَندی نَه یَکی ایمونَه.

یوحنا 17:12

تا وختی که اَز اَوون نَه بیمَه، کسونی که مِن دَسپاردَره، اِشتِه نومی کا حفظ کَردِمَه. اَز اَوون کا محافظت کَردَمَه و هیچ گِله اَوون کا هلاک نِبَه، مَگم اَ هلاکتی زوعَه غِیراز، تا مقدّس نیویشته اون پیشگویی اِتِفاق دَلَکِه.

نامَه اَفسوسی کلیسارا 1:21

که هَر ریاست، اِقتدار و قوّتی و فرمانروایی کا، کفاتَرَه و کَفاتَر هَر نومی کا، نِه فقط اِم دورَه زمانه کا بَلکَم آینده زمانه کا نی هَتَه.

نامَه، عِبرانیه نَتاجَه مسیحیونرا 2:9

امّا اَمَه اَیی که روکَتِه زمان، ملائیکه اون کا پَست تَر بَه بَویندیمون، یعنی عیسی، که مرگی عذابی واسی، جلال و حُرمتی تاج چَیی سَری کا نوعَه بَه، تا خِدا فیضی واسطه نَه گِردی واسی مرگی مَزَه بِچَشِه.

یوحنا موکاشیفَه 1:14

چَیی سَری مو ایسبی بَه، پشمی شیوار ایسبی، وَری شیوار. چَیی چِمِن آتشی شعله شیوار بینَه.

یوحنا موکاشیفَه 12:3

دومله ایلَه دییَر نیشونَه ای آسمونی کا آشکار آبَه: دَیِس، ایلَه یالَه سِرَه اژدها که هفت گِله سَر و دَه گِله شاخ داری، و چَیی سَرون کا هفت گِله تاج نوعَه بَه.

یوحنا موکاشیفَه 13:1

دومله ویندِمَه ایلَه وحشی یَه حیوونی دریا کا بِرون بومَی. دَه گِله شاخ و هفت گِله سَر داری، دَه گِله تاج چَیی شاخون سَری کا نوعَه بَه؛ و چَیی هَر سَری کا ایلَه کفرآمیزَه نوم نیویشتَه بییَه بَه.

یوحنا موکاشیفَه 19:16

چَیی اَبا و رونی سَری کا ایلَه نوم نیویشته بییَه: ’شاه شاهان و خِداوندون، خِداوند.‘

یوحنا موکاشیفَه 3:12

هَر کسی که پیروز بِبو، چِمِن خِدا معبدی کا اَیی ایلَه ستونی بَکَردیم، و دِ هرگز آوا نَه نِشو. و از چِمِن خِدا نومی و چِمِن خِدا شهری نومی چَیی سَری کا بَنویشتیم یعنی تازَه اورشلیم که چِمِن خِدا طرفی کا آسِمونی کا بومَی، و چِمِن تازَه نومی نی چَیی سَری کا بَنویشتیم.

یوحنا موکاشیفَه 6:2

از دَیشتیمَه و دَیِس، ایلَه ایسبی یَه اَسبی بَه! و اَ کسی که اَ اَسبی سِوار بَه، ایلَه تیرکَمونی داری، و ایلَه تاج اَیی آدوشونَه و اَ کسی که پیروزی نَه اومَه بِرون تا فَتح بِکَرِه.