یوحنا موکاشیفَه 18:2 - کتاب مقدس به زبان تالشی شمالی

² ایلَه خَرا خِلِع ژَندِشَه که: «ویگَردِستَه، یالَ بابِل ویگَردِستَه! اَ، دیوون جِگا بییَه! و هَر ناپاکَ ارواحی مَقَر، و هَر ناپاکَ پرنده ای خومَه و هَر وحشی یَه حَیوونی لونَه که ناپاک و نفرت انگیزَه.

کتاب مقدس به زبان تالشي - گویش مرکزی

² اَ تَتَه لَسَّنه جِکَّلَه آداشَه کن: «ویریستَه، یالَه بابل ویریستَه! اَ، پَریانون کَه جِگا آبَه یه، و هر نا پاکَه روحون مندَ جِگا اَ، و هر نا پاکَه پرَندَایی خومَه و هر نا پاکَه اَشیایی لونه یَه کن نا پاک و نیفرَت اَنگیز.

یوحنا موکاشیفَه 18:2 Iomraidhean Croise

یوحنا موکاشیفَه 1:15

چَیی پا اِن مَفرقی شیوار که کورَه دیلَه کا خالِص بییَه بَه شَفق ژَنی، و چَیی سَس وِرَه آوون شیوار بَه.

یوحنا موکاشیفَه 10:3

و ایلَه بِلندَه خِلِع نَه ایلَه شیری شیوار ناعرَه کَشِشَه و هِنتَه که ناعرَه ژَندِشَه، اَ هفت گِله گِرخونَه سَس بَراومَه و گَف ژَندِشونَه.

یوحنا موکاشیفَه 11:8

و چَوون جَنازه اِن اَ یالَ شهری خیابونی کا که کینایَه نَه سُدوم و مصر واتَه بَبی زمینی سَری کا بَمَندی؛ اوآ که چَوون خِداوند، مصلوب بَه.

یوحنا موکاشیفَه 14:15

و ایلَه دییَر ملائیکه‌ای معبدی کا اومَه بِرون و بِلندَه خِلِع نَه اَ کسی نَه که خِری سَری کا نِشت بَه واتِشَه: «اِشتِه دازّی پِگِه و درو بِکَه، چوم که درو کَردِه ساعت آرَستَه و زمینی محصول کامل رَسَه.»

یوحنا موکاشیفَه 14:8

و ایلَه دییَر ملائیکه یعنی دوّمین ملائیکه چَیی پشتِ سَر اومَه و واتِشَه: «ویگَردِستَه! اَ یالَه بابِل ویگَردِستَه! اَ که اِشتَن زِناکاری شَراوی کا گِردِ میلّتون هِنتونیشَه.»

یوحنا موکاشیفَه 16:13

دومله ویندِمَه اِژدها گَ کا و اَ وحشی یَه حَیوونی گَ کا و دورعی نَه پیغمبری گَ کا سِه گِله پلیدَه روح که گوزگا شیوار بینَه بِرون اومینَه.

یوحنا موکاشیفَه 16:19

یالَ شهر سِه پَلَه بَه و میلّتون شَهرِن ویرونَه بینَه. و خِدا اَ یالَ بابِلی ویر وَردِشَه و ایلَه شراوی قَدَرَه کا، که اِشتَنِش غَضبی آتشی کا پُور بَه، اَیی هِنتونیشَه.

یوحنا موکاشیفَه 17:18

اَ ژِنی که ویندِرَه، هَ یالَ شهرَه، که زمینی پاُتشااون سَر حکومت بَکَردی.»

یوحنا موکاشیفَه 17:5

چَیی تَقالی سَری کا اِم مرموزَه نوم نیویشته بییَه بَه: «یالَ بابِل، فاحیشه اون و زمینی زِشتیون نَنه.»

یوحنا موکاشیفَه 18:10

چَیی عذابی تَرسی کا دُور بَمندین و بَواتین که: «وای، وای! اِی یالَ شهر، اِی بابِل، تِه اِی قدرتمندَه شهر! چوم که ایی ساعتی کا اِشتِه داوری اومَه!»

یوحنا موکاشیفَه 18:21

دومله ایلَه قَوی یَه ملائیکه، ایلَه یالَ تیکه سِنگی که آسیا سِنگی شیوار بَه پِگِتِشه و دَرَفَندِشه دریا دیلَه کا، و واتِشه: «بابل، اَ یالَ شهر، اِنتَه سخت و بی رحم، ویگَردِه، و دِ هیچ نیشونی اَیی کا پیدا نییَب.

یوحنا موکاشیفَه 5:2

و ایلَه قوّی یَه ملائیکه ای ویندِمَه که بِلندَه سَسی نَه اِعلام بَکَردی: «کییَه که لایق بِبو طوماری آکَرِه و چَیی مُهرون بِچاکِنِه؟»