یوحنا موکاشیفَه 18:17 - کتاب مقدس به زبان تالشی شمالی

¹⁷ چوم اِشتِه دارایی ایی ساعتی دیلَه کا بِه وا شَه!» و ناخُدا اِن و هَر کَمیله اَوون کا که دائِم کَشتی نَه سفر بَکَردین، چِه مَلَوانِن و چِه کسونی که دریا راه نَه تِجارت بَکَردین، دُور بَمَندین.

کتاب مقدس به زبان تالشي - گویش مرکزی

¹⁷ اِمی خونه کن ایی ساعتیرا اِشتِه دارایی هیچ آبَه.» و ناخودا اِن و دیرا نوردِن و ملَوانِن و گِردِ اَیِنی کن چَوون کاسبی دَیرا کارینَه بَه، دوریکا پا بمندین.

یوحنا موکاشیفَه 18:17 Iomraidhean Croise

رَسولون اَعمال 27:11

امّا رومی یَه اَفسر، ناخدا گفون و کَشتی صاحابی گفون وِرتَر اَهمیت بَدای تا پولسی گَفون.

یوحنا موکاشیفَه 17:12

«و اَ دَه گِله شاخ که ویندِرَه، دَه گِله پاُتشااینَه که حَلا بِه سلطنت آرَستَه نینَه. امّا قَرارَه که اَوِن ایی ساعتی کا، اَ وحشی یَه حَیوونی نَه پاُتشا اون اِقتداری ویگِرِن.

یوحنا موکاشیفَه 17:16

و اَ دَه گِله شاخ و اَ وحشی یَه حَیوون که ویندِرَه، فاحیشه کا بیزار بَبین. اَوِن اَ فاحیشَه تَنخا بَناین و اَیی لُخت و سُوخت وِل آکَرِن. چَیی جانی گوشتی بَردین و اَیی آتشی دیلَه کا سونِن.

یوحنا موکاشیفَه 18:19

و اِشتَن سَری کا خاک ویکَرِن و شیون بَکَردین و ماتم بَگتین و خَرا خِلِع بَکردین و بَواتین: «وای، وای! اَ یالَ شهری را، شهری که تَمونِ کَشتی‌دارِن، چَیی دارایی کا پولدار بینَه، چوم که اَ، ایی ساعتَه ویگردِستَه!