یوحنا موکاشیفَه 17:3 - کتاب مقدس به زبان تالشی شمالی

³ اَ ملائیکه مِن خِدا روح کا بَردِشَه ایلَه ویاوونی را. اوآ کا ایلَه ژِنی ویندِمَه که ایلَه سِرَه وحشی یَه حَیوونی کولی سَری کا نِشت بَه، اَ حَیوونی بَدَن کُفر آمیزَه نومون نَه پوشوندَه بییَه بَه، و هفت گِله سَر و دَه گِله شاخ داری.

کتاب مقدس به زبان تالشي - گویش مرکزی

³ اَ فرشتَه بَمِنِش خداروح نَه ایلَه وَیاوونیرا بردِش. اَ جِگاکا ایلَه ژِن کن ایلَه سِرَ اَشیا سَریکا نشت بَه و اَ اَشیا تَنیکا کِفرَ نومینَه پَتلمَه بَه و هف گلَه کَلَّه و دَ گِلَه شاخ دارییَه، ویندِمَه.

یوحنا موکاشیفَه 17:3 Iomraidhean Croise

مَتّی 27:28

اَوِن عیسی خَلااون بَروَردِشونَه و ایلَه اَرغوانی یَه اَبایی پِرَندِشونَه چَیی دوشی سَر.

رَسولون اَعمال 8:39

وختی آوی کا بِرون اومینَه، ایی دفعه خِداوندی روح فیلیپُسی پِگِتِشه و بَردِشه و خواجه دِ اَیی نِویندِشه، وَ شادی نَه اِشتَن راه شَه.

دوّمین نامَه تَسالونیکی کلیسا را 2:4

اَ، هَر چیی نَه که خِدا دَخونده بَبی یا پرستش بَبی، مخالفت بَکَردی و اِشتَن اَوون کا کَفاتر بَزنی، جوری که خِدا معبدی دیلَه کا بَنِشتی و اِعلام بَکَردی که اِشتَن خِدایَه.

یوحنا موکاشیفَه 1:10

خِداوندی روزی کا، خِدا روح کا پُور آبیمَه، و ایلَه بِلَندَه سَسی، شیپوری سَسی شیوار چِمن پشتی کا دَرَسِمَه

یوحنا موکاشیفَه 12:14

امّا اَ یالَ عقابی دِ گِله بال، آدوعَه بَه اَ ژِنَکی، تا جِگایی را پرواز بِکَرِه که ویاوونی کا چَیی را فَراهم بییَه بَه و اوآ کا، اَ نَلتی کا دور بومونِه، و ایی زَمانی و زَمانونی و نِصبَه زَمانی اَیی رَسیدگی بِبو.

یوحنا موکاشیفَه 12:3

دومله ایلَه دییَر نیشونَه ای آسمونی کا آشکار آبَه: دَیِس، ایلَه یالَه سِرَه اژدها که هفت گِله سَر و دَه گِله شاخ داری، و چَیی سَرون کا هفت گِله تاج نوعَه بَه.

یوحنا موکاشیفَه 12:6

و اَ ژِن دَوَشتَه ویاوونی را، اَ جِگایی که خِدا اَیی را فراهم کَردَش بَه، تا اوآ کا هَزار و دویست و شصت روز اَیی رَسیدگی بِکَرِن.

یوحنا موکاشیفَه 17:18

اَ ژِنی که ویندِرَه، هَ یالَ شهرَه، که زمینی پاُتشااون سَر حکومت بَکَردی.»

یوحنا موکاشیفَه 17:4

اَ ژِن، سِر و اَرغوانی یَه خَلا دَکَردَش بَه که طِلا، جواهرون و مِرواریون نَه خوشگیل آبَه بَه و ایلَه طِلایی یَه قَدَرَه اِشتَن دَسی کا داری که چَیی زِنا زِشتیون و ناپاکیون کا پُور بَه.

یوحنا موکاشیفَه 18:12

یعنی چَوون طِلا و نقرَه، جواهرون و مِرواری؛ نازِک و گِرونَه کَتان، ارغوان و اَوریشَم، سِرَه حَریری بار، جور بَه جورَه عَطری نَه چو اِن و جور بَه جورَه قَبون بار و جور بَه جورَه عاجِن و جور بَه جورَه گِرونَه چویَه قَبِن و مَفرَغ و آهن و مَرمری بار،

یوحنا موکاشیفَه 18:16

بَواتین که: «وای، وای! اِی یالَ شهر، که نازِکَ کتانَ و اَرغوانی و سِرَه پارچه ای یَه خَلا اون دَکَردَر بَه، طِلا و جواهر و مِرواری نَه اِشتَن بَزک کَردَر بَه!

یوحنا موکاشیفَه 21:10

و اَ، خِدا روح کا مِن بَردِشَه ایلَه یال و بِلندَه کو سَر و اورشلیمی مقدّس شهری مِن نیشون دوشَه که آسمونی کا خِدا وَری نَه بومَی جیر.

یوحنا موکاشیفَه 4:2

هَ لحظه خِدا روح مِن پُور آکَردِشَه و ایلَه تختی آسِمونی کا ویندِمَه که ایی نفر اَ تختی سَری کا نِشتَه بَه.