یوحنا موکاشیفَه 17:16 - کتاب مقدس به زبان تالشی شمالی

¹⁶ و اَ دَه گِله شاخ و اَ وحشی یَه حَیوون که ویندِرَه، فاحیشه کا بیزار بَبین. اَوِن اَ فاحیشَه تَنخا بَناین و اَیی لُخت و سُوخت وِل آکَرِن. چَیی جانی گوشتی بَردین و اَیی آتشی دیلَه کا سونِن.

کتاب مقدس به زبان تالشي - گویش مرکزی

¹⁶ اَ اَشیا و اَ دَگلَه شاخ کن ویندِر، فاحیشَکا بیزار آنَّب. اَیِن بَی تاکَه آنَّهَشت و لوت وَر آنَدا. چَی گوژدی بَردینَه و بَی آرا دلَکا بَسوتینَه.

یوحنا موکاشیفَه 17:16 Iomraidhean Croise

یوحنا موکاشیفَه 12:3

دومله ایلَه دییَر نیشونَه ای آسمونی کا آشکار آبَه: دَیِس، ایلَه یالَه سِرَه اژدها که هفت گِله سَر و دَه گِله شاخ داری، و چَیی سَرون کا هفت گِله تاج نوعَه بَه.

یوحنا موکاشیفَه 16:12

شیشمین ملائیکه اِشتَن قَدَرَه اَ یالَه رِوار، فُراتی سَری کا ویکَردِشَه و چَیی آو ویسیستَه تا اَ پاُتشااونی را که مشرقی کا بومَین، راه آماده آکَرِه.

یوحنا موکاشیفَه 17:10

که هفت گِله پاُتشا اینَه که پنج گِله اَوون کا از بِین شَینه، و ایلَه مَندَه و ایلَه اَوون کا حَلا اومَه نییَه و وختی که با، بَسی بومونِه ولی روکَتِه زمان.

یوحنا موکاشیفَه 18:19

و اِشتَن سَری کا خاک ویکَرِن و شیون بَکَردین و ماتم بَگتین و خَرا خِلِع بَکردین و بَواتین: «وای، وای! اَ یالَ شهری را، شهری که تَمونِ کَشتی‌دارِن، چَیی دارایی کا پولدار بینَه، چوم که اَ، ایی ساعتَه ویگردِستَه!

یوحنا موکاشیفَه 18:8

اِمی واسی چَیی بَلااِن ایلَه روزی کا بومَین، مرگ و شیوَن و قحطی. و آتشی نَه بَسیستی. چوم خِداوندْخِدایی که اَیی داوری بَکَردی قادِرَه.»

یوحنا موکاشیفَه 19:18

تا شاهون و فرماندَه اون و زورمندون گوشتی بَرَه، و چَوون اَسبون و سِوار کارون گوشتی، و هَر آدَمی گوشتی، روکی نَه تا یال، نوکر و آزادی گوشتی بَرَه.»