یوحنا موکاشیفَه 17:1 - کتاب مقدس به زبان تالشی شمالی

¹ دومله ایلَه اَ هفت گِله ملائیکه کا که هفت گِله قَدرَه داری اومَه نار و مِنَه واتِشه: «بِری تا اَ یالَ فاحیشۀ داوری که وِرَه آوون سَری کا نِشتَه، تِه نیشون بِدَم.

کتاب مقدس به زبان تالشي - گویش مرکزی

¹ چَی بَه دوملَه ایلَه اَ هف گلَه فرشتَکا کن اَ هف گلَه قدرَ دارین، نَه آمَه و بَمِنِش واتَه: «بِه تا اَ یالَه فاحیشَه سَر دیوون کردِ کن وِرَ آوون سَردِرِ نشتَیَه بَتِه آمونم.

یوحنا موکاشیفَه 17:1 Iomraidhean Croise

انجیل لوقا 24:32

اَوِن یَندی نَه واتِشونَه: «ویندِرَه وختی راه کا اَمَه نَه گف ژَنی و مقدَس نیویشته اون اَمَه را توضیح بَدای، چِنتَه چَمَه دیل چَمَه سینه کا کارا بَروَزی!»

انجیل لوقا 9:30

دِ گِله مِرد عیسی نَه کارا گف ژَنین. اَ دِ نفر موسی پیغمبر و ایلیای پیغمبر بینَه.

یوحنا موکاشیفَه 1:1

عیسایِ مسیح مکاشفه، که خِدا اَیی آدوشَه تا اَ چیونی که بَسی هِم زودیون اِتِفاق دَلَکِه، اِشتَن نوکَرون نیشون بِدَه. اَ، اِمی اِشتَن ملائیکه ویسا آکَردِه نَه، اِشتَن نوکر یوحنا را، آشکار آکَردِشَه.

یوحنا موکاشیفَه 15:1

اَ موقع ایلَه دییَر یال و عجیبَ علامتی آسمونی کا ویندِمَه، هفت گِله ملائیکه که هفت گِله بَلا چَوون همراه بَه، اَوِن آخِرین بَلاان اینَه، چوم که اَوون نَه خِدا غَضب تمون آبو.

یوحنا موکاشیفَه 16:19

یالَ شهر سِه پَلَه بَه و میلّتون شَهرِن ویرونَه بینَه. و خِدا اَ یالَ بابِلی ویر وَردِشَه و ایلَه شراوی قَدَرَه کا، که اِشتَنِش غَضبی آتشی کا پُور بَه، اَیی هِنتونیشَه.

یوحنا موکاشیفَه 18:1

دومله ایلَه دییَر ملائیکه ویندِمَه که آسِمونی کا بومَی جیر. و ایلَه بَرکَ اِقتداری داری که زمین چَیی جلالی نَه نورانی آبَه.

یوحنا موکاشیفَه 19:2

چوم که چَیی داوری اِن حقّ و عدلی نَه. چوم اَ، اَ یالَ فاحیشۀ داوری کَردِشَه، اَ فاحیشَه که اِشتَن بی عفتی نَه زمینی فاسد کَردِشَه، و خِدا اِشتَن خادمون خونی قِصاصی اَیی کا ویگِتِشه.»

یوحنا موکاشیفَه 19:9

و اَ ملائیکه مِنَه واتِشه: «اِمی بینیویس: خَسَه بِبو اَ کسونی که اَ وَرَه عروسی یَه سوری را دعوتی نَه.» و واتِشه: «اِمِن خِدا حقیقی یَه کلامی نَه.»

یوحنا موکاشیفَه 21:15

و اَ ملائیکه که مِنَه گَف ژَنی، ایلَه طِلایی یَه چویی اندازه‌گِری را اِشتَن دَسی کا داری تا شهری و چَیی دروازه اون و چَیی حَصارون اندازه‌ بِژَنِه.

یوحنا موکاشیفَه 21:9

دومله ایلَه اَ هفت گِله ملائیکه کا که هفت گِله قَدَرَه پُر هفت گِله بَلا کا داری، اومَه و مِنَه واتِشه: «بِری! از وَیو یعنی وَرَه ژِنی بَه تِن نیشون بَدایم.»

یوحنا موکاشیفَه 4:1

چَیی پَش دَیِشتیمَه و ایلَه آواجَه بَری آسِمونی کا ویندِمَه، و اَ اوّلین سَسی که دَرَسَم بَه که ایلَه شیپوری سَسی شیوار مِنَه گَف ژَندَش بَه، هَنی واتِشَه: «بِری اییا کَفا، و از اَ چیی که چِمی پَش بَسی اِتفاق دَلَکِه، بَه تِه نیشون بَدایم.»