یوحنا موکاشیفَه 16:17 - کتاب مقدس به زبان تالشی شمالی

¹⁷ هفتمین ملائیکه اِشتَن قَدَرَه هوا کا ویکَردِشَه و ایلَه بِلندَه سَسی اَ تخت و معبدی کا اومَه که بَواتی: «تَمون آبَه!»

کتاب مقدس به زبان تالشي - گویش مرکزی

¹⁷ هفتومین فرشتَه اِشتَن قدرَ هوا کاش پِشَندَ و اَ تختیکا کن مَعبدی دلَکا بَه تَتَه لَسَّه ایی راست آبَه کن: « تَمون آبه!»

یوحنا موکاشیفَه 16:17 Iomraidhean Croise

یوحنا 19:30

وختی عیسی تِرشِسَه شراوی چَشِشه، واتِشه: «تمون آبَه.» دومله اِشتَن سَری جیر وَردِشه و جان دوشَه.

نامَه اَفسوسی کلیسارا 2:2

و زمانی چَوون دیلَه کا زِندگی بَکَردیرون، اَ موقع که اِم دنیا راه اون کا و قدرت هوا رئیسی کا یعنی اِبلیسی کا اِطاعت بَکَردیرون، هَ روحی کا که حِسَه نی نافرمونی خِردَنون کا کار بَکَردی.

نامَه اَفسوسی کلیسارا 6:12

چوم که چَمَه جنگ جسم و خونی نَه یعنی آدَمی نَه نییَه، بَلکَم اَمَه رئیسون ضِد، قدرتون ضِد، و اَ تاریکی نیرواون ضِد که اِم دنیا سَری کا حاکمی نَه، شَریری روحانی یَه قُشونی ضِد، که آسِمونی یَه جِگا اون کا اینه، بَجَنگِستیمون.

یوحنا موکاشیفَه 11:15

دومله هفتمین ملائیکه اِشتَن شیپوری دیلَه کا فو دَکَردِشه، و بِلندَه خِلِع اونی آسمونی کا دَپیچستِشه که بَواتین: «دنیا پاُتشایی، چَمَه خِداوند و چَیی مسیح شِن بییَه. و اَ، تا اَبَد و تا اَبَد سلطنت بَکَردی.»

یوحنا موکاشیفَه 11:19

دومله خِدا معبد، آسمونی کا آبَه؛ و خِدا عهدی صوندُق چَیی معبدی دیلَه کا آشکار آبَه؛ و ایی دَفعه آسمونی کا برق و گِرخونَه و بِلَندَه خِلِع و زلزله و تِندَه تَگرگ بَه که کارا بومَی.

یوحنا موکاشیفَه 14:15

و ایلَه دییَر ملائیکه‌ای معبدی کا اومَه بِرون و بِلندَه خِلِع نَه اَ کسی نَه که خِری سَری کا نِشت بَه واتِشَه: «اِشتِه دازّی پِگِه و درو بِکَه، چوم که درو کَردِه ساعت آرَستَه و زمینی محصول کامل رَسَه.»

یوحنا موکاشیفَه 14:17

دومله ایلَه دییَر ملائیکه‌ای ایلَه معبدی کا که آسمونی دیلَه کا بَه اومَه بِرون و اَ نی ایلَه تیجَ دازّ داری.

یوحنا موکاشیفَه 16:1

دومله معبدی کا ایلَه بِلندَه خِلِع دَرَسِمَه که اَ هفت گِله ملائیکه نَه بَواتی: «بِشَه و خِدا غَضبی هفت گِله قَدَرَه زمینی سَری کا ویکَرَه.»

یوحنا موکاشیفَه 21:6

و اَ مِنَه واتِشه: «انجام بَه! از ’الف‘ و ’ی‘ و اوّل و آخِریمَه. هَر کسی که تِشیش بِبو، از زندگی خانی آوی کا مِفتَه آدَم بَیی.