یوحنا موکاشیفَه 16:14 - کتاب مقدس به زبان تالشی شمالی

¹⁴ چوم که اِمن دیوون ارواح اِستینَه که علامت و معجزه اونی بواَردین و گِردِ دنیا پاُتشااون وَر بَشین تا اَوون، خِدای قادر مطلقی یالَه روزی کا جَنگی را، جمع آکَرِن.

کتاب مقدس به زبان تالشي - گویش مرکزی

¹⁴ چون اِمِن پَریانون روحینَه کن نشونَه اِن و موعجیزَاِنی اَیر آنَّکرد و دِنیا گردِ پادیشاهون وَر بَشین تا موطلقَه قادِرَ خدا یالَه روجی جنگِستِرا، یَندِ وَر گِرد آکَن.

یوحنا موکاشیفَه 16:14 Iomraidhean Croise

مَتّی 24:14

خِدا پاُتشایی خوشَ خَوَر گِردِ دنیا مردمی را اِعلام بَبی تا گِردِ میلتون را شهادتی بِبو. چَیی پَش دنیا بِه آخِر آرَستِه.

مَتّی 24:24

چوم دروعَه مسیح اِن و دروعَه پیغمبرِن بومَین، و اِنتَه یالَ نیشونه اونی بواَردین و معجزه اونی بَکَردین که اَگم بِشان، حتی اَ کسونی که اِنتخاب بَیینَه نی گمراه بِکَرِن.

مَرقُس 13:22

چوم دروعَه مسیح اِن و دروعَه پیغمبرِن بومَین، و اِنتَه رَه نیشونه اونی بواَردین و معجزه اونی بَکَردین که اَگم بِشان، اِنتخاب بییَه اون گمراه بِکَرِن.

انجیل لوقا 2:1

اَ روزون کا، آگوستوس که رومی اِمپِراطور بَه، فرمان دوشَه که رومی اِمپِراطوری گِردی کا سَر شماری بِکَرن.

یوحنا 8:44

شِمَه، شِمَه دَده اِبلیسی شِنیرونَه و چَیی پیستَه چییون اَنجام بَدایرون. اَ صِفته نَه آدَمکِش بَه و حقیقتی نَه کاریش نییَه، چوم هیچ حقیقتی اَیی کا نییَه. هَر موقع دوروع بَواتی، اِشتَن شخصیتی کا بَواتی؛ چوم که دروعه واج و دوروعه واجون دَده یَه.

رومی کلیسارا نامه 1:8

اَولاً که، چِمِن خِدا، عیسایِ مسیح واسطه نَه، شِمَه گِردِی واسی شُکر بَکَردیم، چوم که شِمَه ایمانی خَوَر گِردِ دنیا کا چُو دَلَکه.

دوّمین نامَه تَسالونیکی کلیسا را 2:9

اَ بی دینَ مِردی اومِه، شیطانی کاری واسطه نَه، گِردِ قوّت و دورعَه نیشونه اون و معجزه اون نَه و عجیبَ چیونی که گمراه بَکَردی،

اوّلین نامَه تیموتائوسیرا 4:1

امّا خِدا روح، آشکارا بَواتی که آخِر زمانی کا، بعضی اِن اِشتَن، اَ روحونی که گول بَژَین و دیوون تعلیمون، وقف بَکَردین و ایمانی کا آگَردِن .

یعقوبی نامَه 3:15

اِنتَه رَه حکمتی آسِمونی کا نا، بَلکَم زَمینی و نَفسانی و شیطانی اِستَه.

یوحنا اوّلین نامَه 5:19

اَمَه بَزنیمون که خِدا کا ایمونه و گِردِه دنیا اَ شَریری قدرتی جیری کایَه.

یوحنا موکاشیفَه 12:9

و یالَ اِژدها فِرآدوعَه بَه جیری را، یعنی هَ قدیمی یَه نَلتی که اِبلیس یا شیطان دَخوندَه بَبی و گِردِ دِنیا گمراه بَکَردی. اَ فِرآدوعَه بَه زمینی سَر و چَیی ملائیکه اِن نی اَیی نَه فِرآدوعَه بینَه جیر.

یوحنا موکاشیفَه 13:3

اَ وحشی یَه حَیوونی ایلَه سَرون کا، اِنگاری ایلَه کُشندَه زخمی پِگِتَش بَه، امُا اَ کُشندَه زخم وَج آبَه و گِردِ زمین مات آبیینه و اَ وحشی یَه حَیوونی کا پیروی کَردِشونَه.

یوحنا موکاشیفَه 16:16

و اَ سِه گِلَه پلیدَه روح، زمینی پاُتشااون ایی جِگا کا جَمع آکَردِشونَه، که عِبرانی زَوونی کا اَیی نَه بَواتین ’حارمَگِدّون‘.

یوحنا موکاشیفَه 16:7

و دَرَسِمَه که قِربونگاه بَواتی: «ها، اِی خِداوندْ خِدای قادر مطلق، اِشتِه داوری اِن حَقّ و عدلی نَه»

یوحنا موکاشیفَه 17:14

اَوِن وَرَه نَه جنگ بَکَردین، امّا اَ وَرَه پیروز بَبی، چوم که اَ خِداوندون خِداوند و پاُتشا اون پاُتشایَه- و کسونی که اَیی نَه مَندینَه، چَیی دَعوَتی اِن، و اِنتخاب بییَه اِن و و چَیی وفادارِه نی نَه.»

یوحنا موکاشیفَه 20:8

و بومَی بِرون، تا میلّتون زمینی چهارگوشۀ کا گول بِژَنِه- یعنی جوج و مأجوج که چَوون تعداد دریا کَناری فورشی شیوارَه- تا اَوون جنگی را جمع آکَرِه.

یوحنا موکاشیفَه 3:10

حِسَه که تِه چِمِن کلامی که مقاومتی دربارَه یَه، غَم هَردِرَه، از نی تِه اَ آزمایشی ساعتی کا غَم بَردیم، اَ ساعتی که تمون دنیا سَر بومَی تا زمینی مردمی، آزمایش بِکَرِه.

یوحنا موکاشیفَه 6:17

چوم که چَوون اَ یالَ غَضبی روز آرَستَه و کییَه که بِشا تاو بواَرِه؟»