یوحنا موکاشیفَه 15:1 - کتاب مقدس به زبان تالشی شمالی

¹ اَ موقع ایلَه دییَر یال و عجیبَ علامتی آسمونی کا ویندِمَه، هفت گِله ملائیکه که هفت گِله بَلا چَوون همراه بَه، اَوِن آخِرین بَلاان اینَه، چوم که اَوون نَه خِدا غَضب تمون آبو.

کتاب مقدس به زبان تالشي - گویش مرکزی

¹ اَموقه ایلَه بَرکَه یالَه عَجیبَه دییَرَ نشونَه ایی آستامونیکام ویندَ، هف گلَه فرشتَه بَه کن اَوونَّه هف گلَه غَر دَرِ بَه، اَیِن آخِرین غَرِّن بینَه، اِمی خاطر کن اَوونَّه خدا غَضَّب تَمون آرَبیَه.

یوحنا موکاشیفَه 15:1 Iomraidhean Croise

یوحنا موکاشیفَه 10:3

و ایلَه بِلندَه خِلِع نَه ایلَه شیری شیوار ناعرَه کَشِشَه و هِنتَه که ناعرَه ژَندِشَه، اَ هفت گِله گِرخونَه سَس بَراومَه و گَف ژَندِشونَه.

یوحنا موکاشیفَه 11:14

دوّمین’وای‘ دَوییَردَه. دَیِس، سوّمین ’وای‘ هِم زودیون بَسی با.

یوحنا موکاشیفَه 14:10

اَ نی خِدا غَضبی شَراوی کا بِنتی، اَ شَراوی که پُور مَلات و خالصَه، خِدا غَضبی قَدَرَه کا دَکَردَه بَه، و اَ، مقدّسَ ملائیکه اون پیشی کا و وَرَه پیشی کا آتش و گوگِردی نَه عذاب کَشِه.

یوحنا موکاشیفَه 14:19

بَس اَ ملائیکه اِشتَن دازّی زمینی سَری کا چَرخوندِشه و زمینی اَنگِرون جَمع آکَردِشَه و شَراوی دَکَردِشَه ایلَه یالَه چاچَه ای دیلَه کا که خِدا غَضب بَه.

یوحنا موکاشیفَه 16:1

دومله معبدی کا ایلَه بِلندَه خِلِع دَرَسِمَه که اَ هفت گِله ملائیکه نَه بَواتی: «بِشَه و خِدا غَضبی هفت گِله قَدَرَه زمینی سَری کا ویکَرَه.»

یوحنا موکاشیفَه 17:1

دومله ایلَه اَ هفت گِله ملائیکه کا که هفت گِله قَدرَه داری اومَه نار و مِنَه واتِشه: «بِری تا اَ یالَ فاحیشۀ داوری که وِرَه آوون سَری کا نِشتَه، تِه نیشون بِدَم.

یوحنا موکاشیفَه 19:15

و چَوون گَ کا تیجَ شمشیر بِرون بومَی تا اَیی نَه میلّتون بِژَنِه. «آهنی یَه عصا نَه چَوون سَر حکومت بَکَردی.» اَ، خِدای قادر مطلقی خشمی و غضبی اَنگِری، شَراوَه چاچَه کا، سِخلَمیش بَکَردی.

یوحنا موکاشیفَه 21:9

دومله ایلَه اَ هفت گِله ملائیکه کا که هفت گِله قَدَرَه پُر هفت گِله بَلا کا داری، اومَه و مِنَه واتِشه: «بِری! از وَیو یعنی وَرَه ژِنی بَه تِن نیشون بَدایم.»

یوحنا موکاشیفَه 8:13

دومله دَیشتیمَه، و دَرَسِمَه که ایلَه عقاب آسمونی کا هَتَه که پرواز بَکَردی بِلندَه سَسی نَه خِلِع ژَنی: «وای، وای، وای بَر زمینی مردم، چوم که چیی مَندَه نییَه که اَ سِه گِله ملائیکه شیپورون سَس بَرا.»

یوحنا موکاشیفَه 8:2

اَ موقع اَ هفت گِله ملائیکه ویندِمَه که خِدا پیشی کا بَمَندین، و اَوون هفت گِله شیپور آدوعَه بَه.

یوحنا موکاشیفَه 8:6

اَ هفت گِله ملائیکه که هفت گِله شیپور دارین، حاضیر آبین تا چَوون سَسی بِرون بواَرِن.

یوحنا موکاشیفَه 9:20

الباقی آدَمِن، که اِم سِه گِله بَلا نَه کِشتَه نِبینِه، نِه اِشتَن دَسی کارون کا توبه کَردِشونَه و نِه دیوون پرستش کَردِه کا و نِه طِلایی یَه بُتون و نقره ای و برنجی و سِنگی و چو یَه بُتون پرستشی کا، که نِه بَشاین بِوینِن و نِه دَرَسِن و نِه راه بَشین.