یوحنا موکاشیفَه 14:5 - کتاب مقدس به زبان تالشی شمالی

⁵ و هیچ دروعی چَوون گَ کا پیدا نِبَه چوم که اَوِن بی عیبی نَه.

کتاب مقدس به زبان تالشي - گویش مرکزی

⁵ چَوون گَویکا هیچ دِرویی پَیدا آنیَبِن. اِمی خونه کن اَیِن بی عَیبینَه.

یوحنا موکاشیفَه 14:5 Iomraidhean Croise

مَتّی 12:34

اِی اَفعی کِتَه اِن، شِمَه كه شَرورَه آدَمونی اِستیرونَه، چِنتَه بَشایرون چاکَ گَف بِژَنَه؟ چوم زوون چیی کا گف ژَنِه که دیل اَیی کا لِبالِبَه.

انجیل لوقا 23:4

دومله پیلاتُس، سَران کاهِنون و جَماعتی نَه واتِشه: «اَز هیچ تَقصیری اِم مِردی محکوم کَردِه را نِوینِم.»

یوحنا 1:47

عیسی ویندِشه نَتَنائیل چَیی طَرفی را بومَی، چَیی درباره واتِشه: «دَیِسه، ایلَه اسرائیلی حقیقی که اَیی کا هیچ مَکر و حیله ای نییَه!»

نامَه اَفسوسی کلیسارا 5:27

تا کلیسا اَ شکوهی نَه که هِستِشَه بواَرِه اِشتَن وَر، بیدون هیچ لک و چین و چروکی یا هَر چیی دییَری، تا کلیسا مقدّس و بی‌عیب بِبو.

نامَه کُولُسی کلیسا را 1:22

حِسَه اَ، اِشتَن مرگی واسطه نَه، اِشتَن جِسمانی یَه بدنی کا شِمَه آشتی دوعَشَه، تا شِمَه مقدّس و بی‌عیب و بیدون هیچ سَرکوفتی، بواَرِه خِدا وَر.

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!

پطروسی اوّلین نامَه 1:19

بَلکَم مسیح با اِرزِشَه خونی نَه خِریَه بَه، اَ بی عیب و بی نقصَ وَرَه نَه.

پطروسی اوّلین نامَه 2:22

«اَ هیچ گناهی نِکَردِشه، و چَیی گَ کا هیچ حیلّه ای پیدا نِبَه.»

پطروسی اوّلین نامَه 3:10

چوم، «هَر‌ کسی که پیستِشَه زِندگی نَه خِش بِبو و چاکه روزون بِوینِه، بَسی اِشتَن زَوونی بَدی کا غَم بَرِه و اِشتَن لِوون گول ژَندِه کا دَوِندِه.

یهودا نامه 1:24

حِسَه اَیی که بَشای شِمَه بَلَکِه کا حفظ بِکَرِه و اِشتَن پُور جلالَ حضوری کا بی‌عیب، بَرکَ شادی نَه پُور آکَرِه،