یوحنا موکاشیفَه 13:17 - کتاب مقدس به زبان تالشی شمالی

¹⁷ تا هیچ‌کس مَشا بِخِرِه یا بِخرَشِه، اَ کسی غِیراز که اَ نیشونَه، یعنی اَ وَحشی یَه حَیوونی نومی یا چَیی نومی شمارۀ بِدارِه.

کتاب مقدس به زبان تالشي - گویش مرکزی

¹⁷ تا هیچ کَم مَشا بی اَ نشونَه کاسبی بکرِ غَیر ازاَ کن اَ نشونه، یعنی اَ اَشیا نومی یا چَی نومی شومارَ بدارِ.

یوحنا موکاشیفَه 13:17 Iomraidhean Croise

نامه غلاطیَه کلیسارا 6:17

چِمی پَش هیچکس مِن عذاب مَدَه، چوم اَز چِمِن بَدَنی کا داغونی هِستِمَه که نیشون بَدای از عیسی نوکریمَه.

یوحنا موکاشیفَه 13:16

هَنتَه نی، گِردِ کسون، روکی نَه تا یال، دارا و نَدار، و نوکَر و آزادی، زور کَردِشه تا اِشتَن راستَ دَس یا اِشتَن تَقالی کا نیشونه ای بِنَن.

یوحنا موکاشیفَه 13:18

اِم، حکمت پیستِشَه. هَر کسی که فهم هِستِشَه، بِدا اَ وَحشی یَه حَیوونی شماره حساب بِکَرِه، چیرا که اَ شماره، اِنسانی شماره یَه و اَ شماره شیشصد و شصت و شیش اِستَه.

یوحنا موکاشیفَه 14:11

و چَوون عذابی دو تا اَبَد تا اَبَد کَفا را بَشی. و کسونی که اَ وحشی یَه حَیوونی و چَیی مجسمه پرستش بَکَردین، و هَرکسی که چَیی نومی، نیشونَه قبول بَکَردی، نِه روزی کا آسایش دارِه نِه شوی کا.»

یوحنا موکاشیفَه 14:9

دومله ایلَه دییَر ملائیکه یعنی سوّمین ملائیکه اَ دِ گِله پِشتِ سَر اومَه و ایلَه بِلندَه خِلِع نَه واتِشه: «اَگم کسی اَ وَحشی یَه حیوونی و چَیی مجسمه پرستش بِکَرِه و اِشتَن تَقالی کا یا اِشتَن دَسی کا اَ نیشونَه قبول بِکَرِه،

یوحنا موکاشیفَه 15:2

و ایی چیی ویندِمَه که شیشَه ای یَه دریا شیوار بَه که آتشی نَه قاطی آبَه بَه، و هَم کسونی ویندِمَه که شیشَه ای یَه دریا وَری کا مَند بینَه و اَ وحشی یَه حَیوون و چَیی مجسمه و چَیی نومی شماره سَر پیروز بَه بینَه و خِدا چَنگَه سازِن چَوون دَسی کا بَه.

یوحنا موکاشیفَه 17:5

چَیی تَقالی سَری کا اِم مرموزَه نوم نیویشته بییَه بَه: «یالَ بابِل، فاحیشه اون و زمینی زِشتیون نَنه.»

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 22:4

اَوِن چَیی دیمی بَویندین و چَیی نوم چَوون تَقالی کا بَبی.

یوحنا موکاشیفَه 3:12

هَر کسی که پیروز بِبو، چِمِن خِدا معبدی کا اَیی ایلَه ستونی بَکَردیم، و دِ هرگز آوا نَه نِشو. و از چِمِن خِدا نومی و چِمِن خِدا شهری نومی چَیی سَری کا بَنویشتیم یعنی تازَه اورشلیم که چِمِن خِدا طرفی کا آسِمونی کا بومَی، و چِمِن تازَه نومی نی چَیی سَری کا بَنویشتیم.

یوحنا موکاشیفَه 7:3

واتِشه: «تا وختی که اَمَه چَمَه خِدا نوکرون تَقالی کا مُهر ژَندَه نیمونه، زمین یا دریا یا دارون ضَرر مَژَنَه.»