یوحنا موکاشیفَه 13:16 - کتاب مقدس به زبان تالشی شمالی

¹⁶ هَنتَه نی، گِردِ کسون، روکی نَه تا یال، دارا و نَدار، و نوکَر و آزادی، زور کَردِشه تا اِشتَن راستَ دَس یا اِشتَن تَقالی کا نیشونه ای بِنَن.

کتاب مقدس به زبان تالشي - گویش مرکزی

¹⁶ هنتَرکِه، گِچ و یال، ثیروتمند و دَسدَریس، وزییَر و آزادَ آدَمون گِردی دیم پِناشه تا اِشتَن راستَه بالی سَریکا و یا اِشتَن پوشنو کا ایلَه نشونَه بنَن.

یوحنا موکاشیفَه 13:16 Iomraidhean Croise

رَسولون اَعمال 26:22

تا اوری نَه روز خِدا مِن کمک کَردَشه و حِسَه اییا کا مَندَه ایمَه و گِردی را، روکی کا گِتَه تا یالی را، شهادتی بَدایم. چیی که بَواتیم چیی نییَه اَ چیی غِیراز که پِیغمبرون و موسی واتِشونَه که بَسی اِتِفاق دَلَکِه که:

اوّلین نامَه قورَنتیانیرا 12:13

چوم گِردِ اَمَه، چِه یهود و چِه یونانی، چِه نوکَر و چِه آزاد، ایلَه روح کا غُسل تعمید گِتَمونه تا ایلَه بَدَن بِبییَم؛ و گِردِ اَمَه ایلَه روح کا هِنتِه بَیمونه.

نامه غلاطیَه کلیسارا 3:28

دِ نِه یَهودی مَعنی هِستِشه نِه یونانی، نِه نوکَر نِه آزاد، نِه مِرد نِه ژِن، چوم شِمَه گِرد مسیحْ عیسی کا ایلَه ایرونه.

نامه غلاطیَه کلیسارا 6:17

چِمی پَش هیچکس مِن عذاب مَدَه، چوم اَز چِمِن بَدَنی کا داغونی هِستِمَه که نیشون بَدای از عیسی نوکریمَه.

نامَه اَفسوسی کلیسارا 6:8

چوم بَزنیرون هَر کسی که چاکَه کار بِکَرِه، چَیی عوضی خِداوندی کا ویگِرِه، چِه نوکر بِبو، چِه آزاد.

نامَه کُولُسی کلیسا را 3:11

اِم تازَه آدَمی کا، یونانی و یَهودی، خَتنه‌ بییَه و خَتنه‌ نِبییَه، بَربَر و سَکایی، نوکر یا آزاد دِ معنی نیشه، بَلکَم مَسیح گِردِ چیی یَه و گِردی دیلَه کایَه.

دِوُّمین نامَه تیموتائوسیرا 3:8

هَتَه که یَنّیس و یَمْبْریس موسی نَه مخالفت کَردِشونه، اِم مِردَکِن نی حقیقتی نَه مخالفت بَکَردین، که چَوون فیکرِن بَدی نَه و چَوون ایمان رَدَّه.

یوحنا موکاشیفَه 11:18

و میلّتِن عصبانی بینَه، ولی اِشتِه غَضَب آرَستَه، مَردَه اون داوری یَه روز آرَستَه، و اَ وخت آرَستَه که اِشتِه خِدمتکارِن، پیغمبرِن، مقدّسِن و کسونی که اِشتِه نومی حُرمتی غَم بَردین، یالی نَه تا روک، پاداش آدَی، و کسونی که زمینی نابود بَکَردین، نابود آکَری.»

یوحنا موکاشیفَه 15:2

و ایی چیی ویندِمَه که شیشَه ای یَه دریا شیوار بَه که آتشی نَه قاطی آبَه بَه، و هَم کسونی ویندِمَه که شیشَه ای یَه دریا وَری کا مَند بینَه و اَ وحشی یَه حَیوون و چَیی مجسمه و چَیی نومی شماره سَر پیروز بَه بینَه و خِدا چَنگَه سازِن چَوون دَسی کا بَه.

یوحنا موکاشیفَه 19:18

تا شاهون و فرماندَه اون و زورمندون گوشتی بَرَه، و چَوون اَسبون و سِوار کارون گوشتی، و هَر آدَمی گوشتی، روکی نَه تا یال، نوکر و آزادی گوشتی بَرَه.»

یوحنا موکاشیفَه 19:20

و اَ وحشی یَه حَیوون گیرفتار آبَه و اَیی نَه، اَ دوروعی نَه پیغمبر که اَ وحشی یَه حَیوونی پیشی کا علامت و معجزه اون انجام بَدای تا کسونی گول بِژَنِه که اَ وحشی یَه حَیوونی نیشونَه قبول کَردَشون بَه و چَیی مجسمه پرستش بَکَردین. اَوِن هَر دِگِله زِنده زِنده، آتشی دریاچه دیلَه کا دَرَفَندَه بینَه که گوگِردی نَه بَسیستی.

یوحنا موکاشیفَه 19:5

ایلَه سَسی تختی کا بومَی که بَواتی: «چَمَه خِدا ستایش بِکَرَه، اِی گِردِ چَیی خادِمِن، اِی کسونی که اَیی کا تَرسَه، روکی نَه تا یال.»

یوحنا موکاشیفَه 20:12

و مَردَه اون ویندِمَه، یالی نَه تا روک، که تختی پیشی کا مَندَه بینَه و دَفترِن آبینَه. دومله ایلَه دییَر دفتری آبَه که دفتر حیات بَه. مَردَه اِن اَ چیونی نَه که دَفترون دیلَه کا نیویشته بییَه بَه، طبق چَوون اَعمال، داوری بینَه.

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 6:15

دومله زمینی پاُتشااِن و یالَ آدَمِن، فرماندارِن و پولدارِن و قدرتمندِن، و هَر نوکَر و هَر آزادی، غارون دیلَه کا و کو و کَمَر و صخره اون دیلَه کا اِشتَن نِین آکَردِشونه.

یوحنا موکاشیفَه 7:3

واتِشه: «تا وختی که اَمَه چَمَه خِدا نوکرون تَقالی کا مُهر ژَندَه نیمونه، زمین یا دریا یا دارون ضَرر مَژَنَه.»