یوحنا موکاشیفَه 12:11 - کتاب مقدس به زبان تالشی شمالی

¹¹ و اَوِن وَرَه خونی نَه و کلامی شهادتی نَه اَیی اَفجور بَیینَه. چوم که اَوِن اِشتَن جانی نَه خِش نِبینَه، حتی تا مَردِه موقع.

کتاب مقدس به زبان تالشي - گویش مرکزی

¹¹ اَیِن وَرَ خونینَه و اِشتَن شاهیدی کلامینه، چَی سَردِرِ پیروز آبین. اِمی خونه کن حتی تا مَردِ موقه، اِشتَن جانی خاجَتی نَزنینَه.

یوحنا موکاشیفَه 12:11 Iomraidhean Croise

انجیل لوقا 14:26

«هر کَسی با چِمِن وَر و اِشتَن دَده نَنه، ژِن و خِردَن، بِرا و خالا و حَتی اِشتَن جانی کا دَس مَپگِرِه، نیمَشا چِمِن شاگِرد بِبو.

یوحنا 16:33

اِم چییون شِمَه نَه واتِمَه تا بَه مِن کا آرامش بِدارَه. دنیا کا شِمَه را بَرکَ زحمت و بَرکَ اَذیت و آزار بَبی؛ امّا شِمَه دیلِن قُرص بِبون، چوم که اَز، دنیا سَر پیروز آبَییمَه.»

رَسولون اَعمال 20:24

ولی از هَم جان و هَم زندگی بَه مِرا بی‌ اِرزش بَزنیم، فقط اَگم بِشام چِمِن دُورَه تَمون آکَرِم و خدمتی که عیسایِ خِداوندی کا ویگِتَمه تا آخِر اَنجام بِدَم، و خِدا فیضی خوشَه خَوَری شهادتی بِدَم.

رَسولون اَعمال 21:13

امّا پولس جَواو دوشَه: «اِم چِه کاری یَه که بَکَردیرون؟ چیرا شِمَه داد کَردِه نَه چِمِن دیلی چاکِنَه؟ اَز حاضِریمه عیسایِ خِداوندی نومی واسی، نِه فقط بِشوم رومی زندان، بَلکَم اورشلیمی کا نی بِمِرِم.»

رومی کلیسارا نامه 16:20

خِدایی که صُلح و سلامتی هِستِشَه هِم زودیون شیطانی شِمَه پا جیری کا لِه بَکَردی. چَمَه خِداوند عیسی، فیض شِمَه نه بِبو.

اوّلین نامَه قورَنتیانیرا 15:57

امّا شُکر خِدا که چَمَه خِداوند عیسایِ مسیح واسطه نَه بَمون پیروزی آدوعَشَه.

یوحنا اوّلین نامَه 4:4

اِی روکَه خِردَنِن، شِمَه خِدا کا ایرونه و اَوون اَفجور بَیرونه، چوم اَیی که شِمَه دیلَه کا یَه، اَیی کا که دنیا کا یَه، یالتَرَه.

یوحنا اوّلین نامَه 5:5

کی بَشای دنیا اَفجور بِبو؟ اَ کسی غیراز که ایمان هِستِشه عیسی خِدا زوعَه یَه؟

یوحنا موکاشیفَه 1:2

و اَ، خِدا کلام و عیسایِ مسیح شهادتی، یعنی هَر چیی که ویندَش بَه، شهادتی بَدای.

یوحنا موکاشیفَه 1:9

از یوحنا، شِمَه بِرا، که عذابی کا و پاُتشایی و مقاومتی که عیسی کایَه، شِمَه نَه شریکیمَه، و خِدا کلام و عیسی شهادتی دوعِه واسی، ایلَه جزیرۀ کا بیمَه که اَیی نَه پاتموس بَواتین.

یوحنا موکاشیفَه 11:7

هَتَه که اَوِن اِشتَن شهادتی تَمون آکَردِشونَه، اَ وَحشی یَه حَیوون که هاویَه چاه کا بِرون بومَی، اَوون نَه جَنگ بَکَردی و اَوون اَفجور بَبی و اَوون کِشِه.

یوحنا موکاشیفَه 12:17

دومله اِژدها اَ ژِنَکی را عصبانی آبَه و شَه تا چَیی نسلی اَلباقی نَه جنگ بِکَرِه، یعنی کسونی نَه که خِدا اَحکامی کا اِطاعت بَکَردین و مُحکم دَچیکِستَه اینَه عیسی شَهادت دوعِه.

یوحنا موکاشیفَه 19:10

دومله چَیی پا پیشی کا بَلَکیمَه تا اَئی پرستش بِکَرِم. امّا اَ مِنَه واتِشه: «اِنتَه مَکَه! چوم که از، تِه و اِشتِه بِرااون نَه که عیسی شهادتی دوعِه مُحکم دَچیکَه ای نَه، هَم خِدمَتی ایمَه. خِدا پرستش بِکَه!» چوم عیسی شهادتی دوعِه، نبوّتی روحَه.

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.

یوحنا موکاشیفَه 2:17

«اَ کسی که گوش هِستِشَه دَرَسِه که خِدا روح کلیسا اون نَه چِه بَواتی. هَر کسی که پیروز بِبو، اَ نِین آکَردَه”مَنّا“ کا آدَم بَیی و ایلَه ایسبی یَه سِنگی آدَم بَیی، که چَیی سَری کا ایلَه تازه نومی نیویشتَه بییَه که هیچکس اَیی نیمَزنِه اَ کسی غِیراز که اَیی ویگِرِه.

یوحنا موکاشیفَه 2:26

«هَر‌ کسی که پیروز بِبو و چِمِن کارون تا آخِر اَنجام بِدَه، اَئی اِقتدار آدَم تا گِردِ میلتون سَر حکومت بِکَرِه،

یوحنا موکاشیفَه 2:7

«اَ کسی که گوش هِستِشَه دَرَسِه، که خِدا روح کلیسا اون نَه چِه بَواتی. هَر کسی که پیروز بِبو، اِمی بَبَخشِستیم بَیی تا زِندگی داری میوه کا بَرِه که خِدا بهشتی دیلَه کایَه.

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.

یوحنا موکاشیفَه 3:12

هَر کسی که پیروز بِبو، چِمِن خِدا معبدی کا اَیی ایلَه ستونی بَکَردیم، و دِ هرگز آوا نَه نِشو. و از چِمِن خِدا نومی و چِمِن خِدا شهری نومی چَیی سَری کا بَنویشتیم یعنی تازَه اورشلیم که چِمِن خِدا طرفی کا آسِمونی کا بومَی، و چِمِن تازَه نومی نی چَیی سَری کا بَنویشتیم.

یوحنا موکاشیفَه 3:21

«هَر‌ کسی که پیروز بِبو، اِمی آدَم اَئی که مِنَه تختی سَری کا بِنِشِه، هَتَه که از نی پیروز بیمَه و چِمن دَده نَه تختی سَری کا نِشتیمَه.

یوحنا موکاشیفَه 3:5

هَر کسی که پیروز بِبو، اِنتَه رَه ایسبی یَه خَلا دَکَرِه و از چَیی نومی هرگز دفتر حیاتی کا پاک آنِکَرَم، و چِمِن دَده و چَیی ملائیکه اون وَری کا چَیی نومی بَواتیم.

یوحنا موکاشیفَه 6:9

وختی که وَرَه پنجمین مُهری چاکِندِشه، از قِربونگاه جیری کا، اَ کسونی جانی ویندِمَه که خِدا کلامی واسی و اَ شهادتونی که دوعَشون بَه، کِشته بَه بینَه.