یوحنا موکاشیفَه 12:1 - کتاب مقدس به زبان تالشی شمالی

¹ و ایلَه یالَه نیشونَه ای آسمونی کا آشکار آبَه: ایلَه ژِنی که آفتاوی دَکَردَش بَه و مانگ چَیی پا جیر و ایلَه تاجی دونزَه گِله ستاره نَه چَیی سَری کا نوعَه بَه.

کتاب مقدس به زبان تالشي - گویش مرکزی

¹ اَموقه ایلَه بَرکَه نشونَه ایی آستامونیکا اَیر آبَه: ایلَه ژِن کن آختاوِش دَکردَ بَه و اِشتَن لِنگی بنیکا مانگی داری و ایلَه تاج دانزَ گِلَه اِسترَکا اِشتَن کَلَکا داری.

یوحنا موکاشیفَه 12:1 Iomraidhean Croise

مَتّی 12:38

اِم موقع عده ای توراتی معلِمِن و فریسییِن عیسی نَه واتِشونَه: «اِی اُستاد پیستِمونَه بَه تِه کا نیشونَه ای بِوینَم.»

مَتّی 24:30

اِم موقع اِنسانی زوعَه نیشونه، آسِمونی کا ظاهر آبو و زمینی قبیله اِن گِرد شیون بَکَردین و اِنسانی زوعَه بَویندین كه قدرت و بَرک جلالی نَه، آسِمونی خِرون سَری نَه بومَی.

مَرقُس 13:25

ستاره اِن آسِمونی کا وِیبون و اَ قدرتِنی که آسِمونی محکم غَم بَردین، لَرزِن.“

انجیل لوقا 21:11

یالَه زلزله اِن بومَین و جور بَه جوره جِگا اون کا قحطی و طاعون بومَی. تَرسناکَه چییِن اِتِفاق دَلَکِن و آسِمونی کا یالَه نیشونه اِن ویندَه بَبین.

انجیل لوقا 21:25

«آفتاو و مانگ و ستاره اون کا علامتونی آشکار بَبی. زمینی کا، میلّتِن، دریا جوش و خروشی کا پریشون و تشویش بَبین.

یوحنا 3:29

وَیو زِما شِنَه، امّا زِما رَفِق که چَیی کَناری کا مَندَه و بَیی گوش بَدای، زِما سَسی دَرَسه کا وِر شادی بَکَردی. چِمِن شادی نی هَتَه کامل بییَه.

رَسولون اَعمال 2:19

کَفا، آسِمونون کا، عجیبَ چیون، و جیری کا، زمینی سَری کا، معجزه اونی بَکَردیم، خون و آتش و دو کا.

رومی کلیسارا نامه 13:14

بَلکَم عیسایِ مسیحِ خِداوندی شخصیتی ایلَه خَلایی شیوار دَکَرَه و جِسم و هوا هَوسی را تدارک مَوینَه تا چَیی پیستَه اون بِه جا بواَره.

رومی کلیسارا نامه 3:22

اِم صالِحی ای که خِدا کایَه، عیسایِ مسیح ایمان داشتِه راه نَه، و گِردِ کسونی نصیب بَبی که ایمان بواَرِن. چوم هیچ فرقی نییَه.

دوومین نامه قرنتیانیرا 11:2

چوم که از شِمَه را غیرت هِستِمَه و اِم غیرت خِدا کایَه، چوم که از شِمَه ایلَه مِردی نَه، یعنی مسیح نَه، پِیوَندی کَردِمَه، تا شِمَه، ایلَه پاکَه باکِرَه ایی شیوار دَسپارِم چَیی دَس.

نامه غلاطیَه کلیسارا 3:27

چیرا که شِمَه گِرد که مسیح کا تعمید گِتَرونه، مسیح شِمَه بَدنی کا دَکَردَرونه.

نامه غلاطیَه کلیسارا 4:26

امّا کَفایی نَه اورشلیم آزادَه، که چَمَه گِردی نَنه یَه.

نامه غلاطیَه کلیسارا 6:14

امّا خِدا مَکَرِه که اَز هَرگز، چَمَه خِداوند عیسایِ مسیح صلیبی غِیراز، چیی را اِفتخار بِکَرِم، که چَیی واسطه نَه، دنیا بَه مِرا مصلوب بَه و اَز دنیا را.

نامَه اَفسوسی کلیسارا 5:32

اِم ایلَه بَرک یالَ سِرّی یَه- و اِمی که از بَواتیم مسیح و کلیسا درباره یَه.

یوحنا موکاشیفَه 1:20

اَ هفت گِله ستاره، که چِمِن راستَه دَسی کا ویندِرَه و اَ هفت گِله طِلا چِراپوعَه سِرّ اِمَه: اَ هفت گِله ستاره، اَ هفت گِله کلیسا ملائیکه اِنی نَه، و اَ هفت گِله چراپوعَه، هَ هفت گِله کلیسا.

یوحنا موکاشیفَه 11:19

دومله خِدا معبد، آسمونی کا آبَه؛ و خِدا عهدی صوندُق چَیی معبدی دیلَه کا آشکار آبَه؛ و ایی دَفعه آسمونی کا برق و گِرخونَه و بِلَندَه خِلِع و زلزله و تِندَه تَگرگ بَه که کارا بومَی.

یوحنا موکاشیفَه 12:3

دومله ایلَه دییَر نیشونَه ای آسمونی کا آشکار آبَه: دَیِس، ایلَه یالَه سِرَه اژدها که هفت گِله سَر و دَه گِله شاخ داری، و چَیی سَرون کا هفت گِله تاج نوعَه بَه.

یوحنا موکاشیفَه 15:1

اَ موقع ایلَه دییَر یال و عجیبَ علامتی آسمونی کا ویندِمَه، هفت گِله ملائیکه که هفت گِله بَلا چَوون همراه بَه، اَوِن آخِرین بَلاان اینَه، چوم که اَوون نَه خِدا غَضب تمون آبو.

یوحنا موکاشیفَه 21:14

و شهری حصار دونزَه گِله پِی داری، که چَوون سَری کا وَرَه دونزَه گِله رسولی نوم نیویشته بَه.

یوحنا موکاشیفَه 21:23

و شهر آفتاو و مانگی اِحتیاجی نیشَه که اَیی روشون آکَرِه. چوم خِدا جَلال، نور آدَه بَیی و وَرَه چَیی چِرا یَه.