یوحنا موکاشیفَه 11:3 - کتاب مقدس به زبان تالشی شمالی

³ و از چِمِن دِ گِله شاهدی اِقتدار بَدایم که کیل دَکَرِن و هَزار و دویست و شصت روز نبوّت بِکَرِن.»

کتاب مقدس به زبان تالشي - گویش مرکزی

³ و اَز اِشتَن دِ گلَه شاهیدی زاکین دَرِم تا باشلاق دَکَن و هَزار ودِویست و شِصت روج پیشگویی بِکَن.»

یوحنا موکاشیفَه 11:3 Iomraidhean Croise

مَتّی 11:21

عیسی واتِشه: «وای بَر شِمَه، اِی خورَزینی اَهالی! وای بَر شِمَه، اِی بِیت‌صِیدا اَهالی! چوم اَگم معجزه اونی كه شِمَه کا اَنجام بَه، صور و صیدونی شهرون کا اَنجام بِبی، اَ شهرون مردم خیلی زمان پیش کیل دَکَرین و خاکِستری کا نِشین و توبَه کَرین.

مَتّی 18:16

امّا اَگم اِشتِه گَفی گوش مَدَه، ایی نفر یا دِ نفری اِشتَن نَه بِبَه چَیی وَر تا ”هَر گفی که ژَندَه بَبی، دِ گِله یا سِه گِله شاهِدی گواهی نَه ثابت بِبو“.

انجیل لوقا 10:13

«وای بَر شِمَه اِی خورَزینی اَهالی! وای بَر شِمَه اِی بِیت‌صِیدا اَهالی! چوم اَگم معجزه اونی که شِمَه دیلَه کا اَنجام بَه صور و صیدونی کا اَنجام بِبی، اوآ مردم خَیلی زمان پیش کیل دَکَرین و خاکِستری کا نِشین و توبه کَرین.

انجیل لوقا 24:48

شِمَه اِم چییون شاهِدیرونَه.

یوحنا 15:27

و شِمَه نی شهادتی بَدایرون، چوم که صِفته نَه مِنَه مَند بیرونَه.

یوحنا 3:27

یحیی جَواو دوشَه: «اِنسان نیمَشا چیی بِه دَس بواَره، غِیر اَز اَ چیی که خِدا طرفی کا اَیی عطا بِبو.

رَسولون اَعمال 1:8

امّا وختی روح القدس شِمَه سَر نازِل بِبو، قدرت بَگتیرون و اورشلیمی شهری کا، گِردِ یهودیه ولایتی کا، سامِره منطقه و دنیا دورتَرین جِگا اون کا، چِمِن شاهِدون بَبیرون.»

رَسولون اَعمال 13:31

وِرَه روزونی عیسی اِشتَن، کسونی را که اَیی نَه جَلیلی کا اومَه بینَه اورشلیمی طرف، ظاهر آکَری و حِسَه نی اَوِن چَمَه قومی را چَیی شاهِدِن اِستینَه.

رَسولون اَعمال 2:32

خِدا هِم عیسی زِنده آکَردِشه و اَمَه گِرد چَیی شاهِدیمونَه.

رَسولون اَعمال 3:15

شِمَه، اَ کسی که زندگی سرچشمۀ بَه کِشتِرونَه، امّا خِدا اَیی مَردَه اون دیلَه کا زِنده آکَردِشه و اَمَه چَیی شاهِدونی مونَه،

اوّلین نامَه قورَنتیانیرا 12:28

خِدا کلیسا دیلَه کا، اوّل رسولون، دوّم پِیغمبرون، سوّم معلّمون؛ دومله معجزه اَنجام دوعِه قدرت، چَیی بِه دومله شفا دوعِه عطیه اِن و کمک کَردِه و مدیر بییِه و جور بَه جورَه زَوونون نَه گف ژَندِه، تعیین کَردِشَه.

دوومین نامه قرنتیانیرا 13:1

اِم سوّمین کَرَه یَه که شِمَه ویندِه را بومَیم. «هَر گَفی که ژَندَه بَبی، دِ یا سِه گِلَه شاهدی نَه ثابت بَبی.»

نامَه اَفسوسی کلیسارا 4:11

و اَ بَه که رسولون آدوشَه، پیغمبرون، مبَشرون، شوونَه اون و معلّمون آدوشَه،

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 11:2

ولی معبدی صَحنی نَه که بِرونی کایَه کاریر مَبو و اَیی اَندازَه مَگِه، چومکه اَ، دَسپَردَه بَه میلّتون و اَوِن مقدّسَ شهری چِل و دِ مانگ لَگدمال بَکَردین.

یوحنا موکاشیفَه 11:6

اَوِن اِم قدرتی دارِن که آسمونی دَوِندِن تا اَ روزون کا که نبوّت بَکَردین وارِش مَوارِه و قوّت دارِن که آوون خونی شیوار وَج آکَرِن و هَر چِندی کَرَه که بِپین هَر مُدل بَلایی زمینی سَر بواَرِن.

یوحنا موکاشیفَه 12:6

و اَ ژِن دَوَشتَه ویاوونی را، اَ جِگایی که خِدا اَیی را فراهم کَردَش بَه، تا اوآ کا هَزار و دویست و شصت روز اَیی رَسیدگی بِکَرِن.

یوحنا موکاشیفَه 13:5

اَ وحشی یَه حَیوونی ایلَه گَ آدوعَه بَه تا غرور و کُفری نَه گف بِژَنِه، و اَیی اِجازه دوعَه بَه تا اِشتَن اِقتداری چِل و دِ مانگ بِه‌کار بِبَرِه.

یوحنا موکاشیفَه 19:10

دومله چَیی پا پیشی کا بَلَکیمَه تا اَئی پرستش بِکَرِم. امّا اَ مِنَه واتِشه: «اِنتَه مَکَه! چوم که از، تِه و اِشتِه بِرااون نَه که عیسی شهادتی دوعِه مُحکم دَچیکَه ای نَه، هَم خِدمَتی ایمَه. خِدا پرستش بِکَه!» چوم عیسی شهادتی دوعِه، نبوّتی روحَه.

یوحنا موکاشیفَه 20:4

دومله تختونی ویندِمَه که چَوون سَری کا کسونی نِشت بینَه که داوری کَردِه اِقتدار اَوون آدوعَه بَه. آدَمون جانی ویندِمَه که، بِه عیسایِ مسیح شهادت دوعِه واسی و خِدا کلامی واسی چَوون سَرِن، بَدَنی کا جِدا آبَه بَه. کسونی نی ویندِمَه که اَ وحشی یَه حَیوونی و چَیی مجسمه پرستش نِکَردِشونَه و چَیی نیشونه اِشتَن تَقال یا دَسی سَری کا قبول کَردَشون نِبَه. اِمِن هَنی زِنده آبینَه و مسیح نَه هَزار سال سلطنت کَردِشونَه.