یوحنا موکاشیفَه 11:17 - کتاب مقدس به زبان تالشی شمالی

¹⁷ واتِشونَه: «اِی خداوندْ خِدای قادر مطلق، تِه شُکر بَکَردیمون، اِی تِه که اِستبیش و اِستیش. چوم که تِه اِشتِه بَرکَه قدرتی اِشتِه دَس گِتَرَه و دَمَندیش سلطنت کَردِه.

کتاب مقدس به زبان تالشي - گویش مرکزی

¹⁷ واتشون: «اَی خداوند، مطلقه قادرَ خدا، بَتِه شِکر بَکمون، اَی تِه کن هِست بیشَه و هِستیش. اِمی خونه کن تِه اِشتِه یالَه زبقی، بالیکا گتَرَ و سلطَنتی شِروو کردَرَ.

یوحنا موکاشیفَه 11:17 Iomraidhean Croise

مَتّی 11:25

هَ موقع عیسی واتِشه: «اِی دَده، اِی آسِمون و زمینی خِداوند، تِه شُکور بَواتیم كه اِم چییون، دانایون و عاقل آدَمون کا نِین آکَردَرَه و خِردَنون را آشکار آکَردَرَه.

انجیل لوقا 10:21

هَ لَحظه عیسی روح القدسی کا شادی کَردِشه و واتِشه: «اِی دَده، اِی آسِمون و زمینی صاحاب، تِه شُکر بَواتیم که اِم چییون، دانایَه آدَمون و عاقلَ آدَمون کا نِین آکَردَرَه و روکَه خِردَنون را آشکار آکَردَرَه. ها، اِی دَده، اِشتِه پیستَه اِم بَه.

یوحنا 11:41

بَس سِنگی پِگِتِشونَه. اَ موقع عیسی آسِمونی دَیشتَه و واتِشه: «دَده، تِه شُکر بَواتیم که چِمِن گفی دَرَسِرَه.

دوومین نامه قرنتیانیرا 2:14

امّا خِدا را شُکر که، همیشه مسیح کا، اَ اِشتَن پیروزی کا اَمَه راهنمایی بَکَردی و چَیی دانای یَه عطری چَمَه واسطه نَه گِردِ جِگاکا پخش آکَرِه.

دوومین نامه قرنتیانیرا 9:15

خِداوندی شُکر بَکَردیم اَ هدیه ای واسی که زَوونی نَه نییَب واتِه!

اوّلین نامَه تیموتائوسیرا 1:12

چَمَه خِداوند مسیحْ عیسی شُکر بَکَردیم که مِن قوّت دوشَه، چوم مِن وفادار زونِستِشَه و مِن اِشتَن خدمَتی را مُعَین کَردِشه.

یوحنا موکاشیفَه 1:4

یوحنا طرفی کا، هفت گِله کلیسا را که آسیا ایالتی کا اینَه: فیض و صُلح و سلامتی شِمَه را با، چَیی طرفی کا که اِستَه و بَه و بومَی، و اَ هفت گِله روح طرفی کا که چَیی پاُتشایی تختی پیشی کا مَندینَه،

یوحنا موکاشیفَه 1:8

خِداوندْخِدا بَواتی: «’الف‘ و ’ی‘ اَزیمَه؛ اَ قادر مطلق که اِستَه و بَه و بومَی.»

یوحنا موکاشیفَه 11:15

دومله هفتمین ملائیکه اِشتَن شیپوری دیلَه کا فو دَکَردِشه، و بِلندَه خِلِع اونی آسمونی کا دَپیچستِشه که بَواتین: «دنیا پاُتشایی، چَمَه خِداوند و چَیی مسیح شِن بییَه. و اَ، تا اَبَد و تا اَبَد سلطنت بَکَردی.»

یوحنا موکاشیفَه 15:3

و اَوِن خِدا خِدمتکار موسی سرودی، و وَرَه سرودی بَخَندین و بَواتین: «اِشتِه کارِن یال و عجیبی نَه، اِی خِداوندْ خِدای قادر مطلق اِشتِه راه اِن چِندی عدل و حقّی نَه. اِی گِردِ میلّتون پاُتشا.

یوحنا موکاشیفَه 16:14

چوم که اِمن دیوون ارواح اِستینَه که علامت و معجزه اونی بواَردین و گِردِ دنیا پاُتشااون وَر بَشین تا اَوون، خِدای قادر مطلقی یالَه روزی کا جَنگی را، جمع آکَرِن.

یوحنا موکاشیفَه 16:5

و دَرَسِمَه اَ ملائیکه که آوون اِختیار اَیی آدوعَه بَه، واتِشَه: «اِی قدّوس، تِه عادلیش، تِه که اِستیش و اِستبیش، چوم که اِم مُجازاتون تِه وَردِرَه.

یوحنا موکاشیفَه 16:7

و دَرَسِمَه که قِربونگاه بَواتی: «ها، اِی خِداوندْ خِدای قادر مطلق، اِشتِه داوری اِن حَقّ و عدلی نَه»

یوحنا موکاشیفَه 18:8

اِمی واسی چَیی بَلااِن ایلَه روزی کا بومَین، مرگ و شیوَن و قحطی. و آتشی نَه بَسیستی. چوم خِداوندْخِدایی که اَیی داوری بَکَردی قادِرَه.»

یوحنا موکاشیفَه 19:11

دومله ویندِمَه که آسمون آبَه و دَیِس، ایلَه ایسبی یَه اَسب! ایی نفر چَیی سِوارَه که چَیی نوم وفادار و حقّ اِستَه. اَ عادلانه داوری بَکَردی و جنگ بَکَردی.

یوحنا موکاشیفَه 19:6

دومله ایلَه سَسی دَرَسِمَه که ایلَه یالَ جماعَتی غُلغُله سَسی شیوار بَه، و وِرَه آوون سَسی شیوار بَه، و بَرکَ گِرخونَه سَسی شیوار، که بَواتی: «هَلِلویا! چوم که خِداوند چَمَه خِدا، اَ قادر مُطلق سلطنت بَکَردی.