یوحنا موکاشیفَه 11:1 - کتاب مقدس به زبان تالشی شمالی

¹ دومله ایلَه دِرازَه لَلَه ایی، که اَندازه‌گیری یَه چو شیوار بَه آدوشونَه بَه مِن و واتِشونَه: «پِرِز و قِربونگاه و خِدا معبدی اندازَه بِژَن و کسونی که اوآکا پرستش بَکَردین بیشمار،

کتاب مقدس به زبان تالشي - گویش مرکزی

¹ چَی بَه دوملَه ایلَه درازَ چوو ایی بَمِنِشون دوعَه کن مِترا کَرَ چو اَمونیَه و بَمِنِشون واتَه: «پِب و خدا مَعبد و قربونَه جِگا اندازَ بِژَن و اَیِنی کن اَجگاکا پَرستش بَکن بَشمَر،

یوحنا موکاشیفَه 11:1 Iomraidhean Croise

دوومین نامه قرنتیانیرا 6:16

و خِدا معبد و بُتون را چِه سُلوکاتی اِستَه؟ چوم که اَمَه خِدای زِنده مَعبَدیمونه. هَتَه که خِدا، تورات و پِیغمبرون کیتابی کا بَواتی که: «از چَوون دیلَه کا بَمَندیم و چَوون دیلَه کا راه بَشیم، و اَز چَوون خِدا بَبیم و اَوِن چِمِن قوم بَبین.»

پطروسی اوّلین نامَه 2:5

شِمَه اِشتَن نی زِنده سِنگون شیواری رونَه،که روحانی یَه عمارت شِمَه کا وَج آبو، تا مقدسَ کاهنون شیوار بِبییَه و عیسایِ مَسیح واسطه نَه، روحانی یَه قِربونیونی که خِدا اَوون قبول بَکَردی، تقدیم بِکَرَه.

پطروسی اوّلین نامَه 2:9

امّا شِمَه اِنتخاب بییَه نسل و کاهنونی اِستیرونَه که شاهانَه کاهنی بَکَردین. شِمَه مقدّسَ ملّت و مردمی اِستیرونَه که خِدا مِلکی نَه، تا چَیی چاکَه صِفَتون اِعلام بِکَرَه که تاریکی کا شِمَه دعوت کَردِشَه اِشتَن عجیبَ نوری دیلَه.

یوحنا موکاشیفَه 10:11

و مِنَه واتِشونَه: «تِه هَنی بَسی وِرَه قومون و وِرَه میلّتون و وِرَه زَوونون و وِرَه پاُتشا اون دربارَه نبوّت بِکَرِی.»

یوحنا موکاشیفَه 21:15

و اَ ملائیکه که مِنَه گَف ژَنی، ایلَه طِلایی یَه چویی اندازه‌گِری را اِشتَن دَسی کا داری تا شهری و چَیی دروازه اون و چَیی حَصارون اندازه‌ بِژَنِه.