یوحنا موکاشیفَه 1:5 - کتاب مقدس به زبان تالشی شمالی

⁵ و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

کتاب مقدس به زبان تالشي - گویش مرکزی

⁵ و عیسی مسیح طَرَفیکا، اَ اَمینَه شاهید کن اولین کَسی بَه کن مردَاون دلَکا زندَ آبَه و دِنیا سَردِرِ پادیشاهون حاکیمَه. اَ کن اَمه رَی بداشتی و اِشتَن خونینَه، اَمَش چَمَه گِناخونکا اَراخِمونیَشَه،

یوحنا موکاشیفَه 1:5 Iomraidhean Croise

مَتّی 20:28

حتی اِنسانی زوعَه نی اومَه نییَه تا اَیی خدمت بِکَرِن، بَلكَم اومَه تا مردمی خدمت بِکَرِه و اِشتَن جانی وِر کَسون آزادی را فیدا بِکَرِه.»

مَتّی 28:18

اَ موقع عیسی نار اومَه اَوون نَه واتِشه: «گِردِ قدرت، آسِمون و زمینی کا بَه مِن آدوعَه بییَه.

یوحنا 13:1

پِسَخ عیدی پیش، عیسی که بَزنی چَیی وخت آرَستَه تا اِم دنیا کا بِشو دَده وَر، اِشتَن شاگِردون که اِم دنیا کا اَوون نَه خِش بَه، بَرک محبت کَردِشه.

یوحنا 13:34

ایلَه تازه حُکمی آدَم شِمَه، و اَ اِمَه که یَندی نَه خِش بِبییَه. هَتَه که اَز شِمَه نَه خِش بیمَه، شِمَه نی بَسی یَندی نَه خِش بِبییَه.

یوحنا 15:9

هَتَه که دَده مِنَه خِش بَه، اَز نی شِمَه نَه خِش بیمَه؛ چِمِن محبتی کا بومونَه.

یوحنا 18:37

دومله پیلاتُس عیسی نَه واتِشه: «بَس تِه ایلَه پاُتشا ایش؟» عیسی جَواو دوشَه: «تِه بَواتیش که اَز پاُتشاایمه. اَز اِمی واسی متولد بَه ایمَه و اِمی واسی بِه اِم دنیا اومَیمَه تا حقیقتی را شهادت بِدَم. بَس هَر کسی که حقیقتی شِنَه، چِمِن گفی گوش بَدای.»

یوحنا 3:11

حقیقتن تِنَه بَواتیم، اَمَه اَ چیی کا که بَزنیمون گف ژَنَم و اَ چیی را که ویندَمونَه شهادتی بَدایمون، امّا شِمَه چَمَه شهادتی قبول نِکَرَه.

یوحنا 3:16

«چوم خِدا دنیا مردمی نَه هَدَه خِش بَه که اِشتَن ایلَه زوعَه فیدا کَردِشه تا هَر کسی که اَیی ایمان بواَره هلاک مَبو، بَلکَم اَبَدی یَه زندگی بِداره.

یوحنا 3:32

اَ، اَ چیی را که ویندَه و دَرَسَشه شهادتی بَدای، امّا هیچکس چَیی شهادتی قبول نِکَرِه.

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

رَسولون اَعمال 26:23

مسیح بَسی رَنج بِکَشه و اَوّلین کسی بِبو که مَردَه اون دیلَه کا زِندَه آبو، تا هَم اِم قومی را و هَم دییَر قومون را، نوری اِعلام بِکَرِه.»

رومی کلیسارا نامه 3:25

خِدا، عیسایِ مسیح گناه اون کفاره شیوار نوشَه، اَ کفّاره‌ای که چَیی خونی نَه و ایمانی راه نَه بِه دَس بومَی. اِم، خِدا عِدالتی نیشون دوعِه واسی بَه، چوم اَ اِشتَن الهی یَه صبری نَه، اَ گناهونی که پیشتری اِتفاق دَلَکه بینَه، نَدید گِتِشه.

رومی کلیسارا نامه 8:37

نِه، گِردِ اِم کارون کا اَمَه کسونی کا که پیروزی نَه سَرتریمونه، چَیی واسطه نَه که اَمَه محبت کَردِشه.

اوّلین نامَه قورَنتیانیرا 6:11

بعضی شِمَه کا پیشتری اِنتَه بیرونه. امّا عیسایِ مسیحِ خِداوندی نومی کا و چَمَه خِدا روح واسطه نَه شوشتَه بیرونه، تقدیس بیرونَه و صالح حساب بَییرونَه.

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

نامَه اَفسوسی کلیسارا 2:4

امّا خِدایی که چَیی رَحم بَرک وِرَه، اِشتَن بَرکَ محبتی واسی اَمَه نَه خِش بَه،

نامَه اَفسوسی کلیسارا 5:2

و محبتی نَه رفتار بِکَرَه، هَتَه که مسیح اَمَه محبت کَردِشه و اِشتَن جانی چَمَه راه کا، ایلَه قِربونی و خوشبویَه هدیه‌ای شیوار خِدا تقدیم کَردِشه.

نامَه کُولُسی کلیسا را 1:18

اَ بَدنی را سَرَه، یعنی کلیسا را. اَ شروع و اوّلین نفرَه که مَردَه اون دیلَه کا زِنده آبَه، تا گِردِ چییون کا، اَ سَر بِبو.

اوّلین نامَه تیموتائوسیرا 6:13

از خِدا پیشی کا که گِردِ چییون زِندگی بَبَخشستی، و مسیح عیسی که پُنتیوس پیلاتُسی وَری کا چاک اِعتراف کَردِشه، بَرک، بَه تِن سفارش بَکَردیم،

اوّلین نامَه تیموتائوسیرا 6:15

که خِدا اَیی ایلَه مناسبِه وختی کا اَنجام بَدای، اَ که مُتِوارکَه و تنها حاکم و شاه شاهان و خِداوندون، خِداوندَه.

نامَه، عِبرانیه نَتاجَه مسیحیونرا 10:29

شِمَه خَیال بَکَردیرون اَ کسی حق که خِدا زوعَه پا جیر بِنَه، و اَ عهدی خون که اَیی را وقف بییَه بی حُرمت کَردَشَه، و فیضی روح بی عزّت کَردشَه، چِه چَتین تَرَه مجازاتی چَیی سَر بومَی؟

نامَه، عِبرانیه نَتاجَه مسیحیونرا 9:14

چِندی وِرتَر، مَسیح خون که اَ اَبَدی یَه روح واسطه نَه، اِشتَن بی‌عیب، خِدا را تقدیم کَردِشه. چَیی خون چَمَه وجدانی بیخودی یَه کارون کا پاک بَکَردی تا بِشایَم خدای زِنده خدمَت بِکَرَم!

پطروسی اوّلین نامَه 1:19

بَلکَم مسیح با اِرزِشَه خونی نَه خِریَه بَه، اَ بی عیب و بی نقصَ وَرَه نَه.

یوحنا اوّلین نامَه 1:7

امّا اَگم نوری کا زندگی بِکَرَم، هَتَه که خِدا نوری دیلَه کا یَه، یَندی نَه رَفاقَت اِستِمونه و چَیی زوعَه، عیسی خون، اَمَه گِردِ گناه اون کا پاک آکَرِه.

یوحنا اوّلین نامَه 4:10

محبت اِمَه، نِه اِم که اَمَه خِدا محبت کَردَمونه، بَلکَم اَ اَمَه محبت کَردَشه و اِشتَن زوعَه ویسا آکَردِشه تا چَمَه گناه اون کفّارَه بِبو.

یوحنا موکاشیفَه 11:15

دومله هفتمین ملائیکه اِشتَن شیپوری دیلَه کا فو دَکَردِشه، و بِلندَه خِلِع اونی آسمونی کا دَپیچستِشه که بَواتین: «دنیا پاُتشایی، چَمَه خِداوند و چَیی مسیح شِن بییَه. و اَ، تا اَبَد و تا اَبَد سلطنت بَکَردی.»

یوحنا موکاشیفَه 11:3

و از چِمِن دِ گِله شاهدی اِقتدار بَدایم که کیل دَکَرِن و هَزار و دویست و شصت روز نبوّت بِکَرِن.»

یوحنا موکاشیفَه 17:14

اَوِن وَرَه نَه جنگ بَکَردین، امّا اَ وَرَه پیروز بَبی، چوم که اَ خِداوندون خِداوند و پاُتشا اون پاُتشایَه- و کسونی که اَیی نَه مَندینَه، چَیی دَعوَتی اِن، و اِنتخاب بییَه اِن و و چَیی وفادارِه نی نَه.»

یوحنا موکاشیفَه 19:11

دومله ویندِمَه که آسمون آبَه و دَیِس، ایلَه ایسبی یَه اَسب! ایی نفر چَیی سِوارَه که چَیی نوم وفادار و حقّ اِستَه. اَ عادلانه داوری بَکَردی و جنگ بَکَردی.

یوحنا موکاشیفَه 19:16

چَیی اَبا و رونی سَری کا ایلَه نوم نیویشته بییَه: ’شاه شاهان و خِداوندون، خِداوند.‘

یوحنا موکاشیفَه 2:13

بَزنیم کییا کا ایش، اوآ که شیطانی پاُتشایی تختَه. با اِم حال مُحکم دَچیکیستَه ایش چِمِن نومی، و حتّی اَ روزونی کا که آنتیپاس، چِمِن اَ وفادارَه شاهِد که شِمَه دیلَه کا، اوآ که شیطان مَندَه، اَیی کِشتِشونَه، ایمانی که بَه مِن داری حاشا نِکَردِرَه.

یوحنا موکاشیفَه 3:14

«لائودیکیه کلیسا ملائیکه را بینیویس: «اَ که آمین اِستَه، اَ که وفادارَه و حقیقی یَه شاهِدَه، اَ که خِدا خِلقتی سَرچِشمَه یَه، اِنتَه بَواتی:

یوحنا موکاشیفَه 7:14

از جَواو دومَه: «اِی آقا، اِمی تِه بَزنیش.» و اَ مِنَه واتِشَه: «اِمِن هَ کسونی اِستینَه که اَ یالَ عذابی کا دوییَردَه اینَه و اِشتَن اَبااون وَرَه خونی دیلَه کا شوشتَشونَه و ایسبی آکَردَشونَه.