یوحنا موکاشیفَه 1:18 - کتاب مقدس به زبان تالشی شمالی

¹⁸ از که زِندَه ایمَه. مَردیمَه، و دَیِس، تا اَبَد زِنده ایمَه و مرگ و مَردَه اون دنیا اَچَرِن چِمِن دَسی کا اینَه.

کتاب مقدس به زبان تالشي - گویش مرکزی

¹⁸ اَز، کن زندَایمَه. مَردَ بیم، ولی ایسَه دیَس زیرون زندَایمه و مَردِ و مردَ اون دِنیا اَچَرِن بَمِنکارَ.

یوحنا موکاشیفَه 1:18 Iomraidhean Croise

مَتّی 11:23

و شِمَه اِی کَفَرناحومی اَهالی، شِمَه پیستِرونَه سَر بِه آسِمون بِکَشَه؟ هرگز، بَلکَم تا جهندمی تون سرنگون بَبیرون. چوم اَگم معجِزه اونی كه شِمَه را اَنجام بَه سُدومی شهری کا اَنجام بَبی، اَ شَهر تا اوری نَه روز باقی بَمَندی.

مَتّی 16:19

اَز آسِمونی پاُتشایی اَچَرون بَه تِن بَدایم و تِه هَر چیی که زَمینی کا دَوَسی، آسِمونی کا نی دَوَسَته بَبی و هَر چیی که زمینی کا آکَری آسِمونی کا نی آبو».

انجیل لوقا 24:5

هِنتَه که ژِنَکِن تَرسَه بینَه و اِشتَن سَری جیر وَردَشون بَه؛ اَ دِ گِله مِرد اَوون نَه واتِشونَه: «چیرا مَرده اون دیلَه کا، زِندَه دومله گَردَه؟

یوحنا 11:25

عیسی واتِشه: «قیامَت و زندگی اَزیمَه. کسی که بَه مِن ایمان بواَرِه، حتی اَگم بِمِرِه، هَنی زِنده آبو.

یوحنا 14:19

روکَته پَش دنیا دِ مِن نِوینِه، امّا شِمَه بَویندیرون. چوم که اَز زِنده‌ایمَه، شِمَه نی زندگی بَکَردیرون.

رومی کلیسارا نامه 6:9

اَمَه بَزنیمون که مسیح مَردَه اون دیلَه کا زِنده آبییَه، دِ هَرگز نِمِرِه و دِ مرگ چَیی سَری کا قدرتی نیشَه.

دوومین نامه قرنتیانیرا 13:4

چوم هَر چَن که اَ، ضَعفی کا مصلوب بَه، امّا خِدا قدرَتی نَه کارا زِندگی بَکَردی. چوم که اَمَه نی اَیی کا ضَعیفیمونَه، امّا شِمَه پیشی کا اَیی نَه، خِدا قدرتی نَه زِندگی بَکَردیمون.

نامه غلاطیَه کلیسارا 2:20

از مسیح نَه صلیبی سَری کا مصلوب بیمَه، و اِم دِ از نیمَه که زِندگی بَکَردیم، بَلکَم مسیح اِستَه که چِمِن دیلَه کا زندگی بَکَردی؛ و اِم زِندگی که حِسَه جِسمی کا بَکَردیم، خِدا زوعَه ایمانی نه یَه که مِنَه خِش بَه و اِشتَن جانی چِمن واسی فیدا کَردِشه.

نامَه کُولُسی کلیسا را 3:3

چوم شِمَه مَردیرونه و شِمَه زِندگی مَسیح نَه خِدا دیلَه کا نِینَه.

نامَه، عِبرانیه نَتاجَه مسیحیونرا 1:3

اَ، خِدا جَلالی نورَه و چَیی ذاتی تمام کمالَ نَخشَه، و اَ گِردِ چیون اِشتَن کلامی قوتی نَه پابَرجا غَم بَردی. اَ، گناه اون پاک آکَردِه بِه دومله، اَ کسی راستَ دَسی کا که با عظمتَه و عَرش بَرینی دیلَه کا، نِشتَه.

نامَه، عِبرانیه نَتاجَه مسیحیونرا 12:2

و چَمَه چِم فقط عیسی کا بِبو که چَمَه ایمانی پاکارَه و چَمَه ایمانی کامل آکَرِه، و اَ شادی واسی که چَیی ناری کا نوعَه بَه، صلیبی تاو وَردِشَه، چَیی خِفَت و خاری ندید گِتِشَه، و خِدا تختی راستَ دَسی طرفی کا نِشتَه.

نامَه، عِبرانیه نَتاجَه مسیحیونرا 7:16

اَ نِه شریعتی اِم حُکمی کا که چَیی نَسلی مربوطَه، بَلکَم اَ زِندگی قوّتی کا که از بِین نِشو، کاهِن بَبی.

نامَه، عِبرانیه نَتاجَه مسیحیونرا 7:25

بَس عیسی بَشای کسونی که چَیی واسطه نَه بِه خدا نِزدیک آبون، کاملاً نجات بِدَه، چوم که اَ هَمیشه زِنده یَه تا چَوون را شفاعت بِکَرِه.

یوحنا موکاشیفَه 10:6

و اَیی که تا اَبَد و تا اَبَد زِنده یَه و آسمون و هَر چیی که چَیی دیلَه کایَه و زمین و هَر چیی که چَیی دیلَه کایَه و دریا و هَر چیی که چَیی دیلَه کایَه خَلق کَردَشَه، قَسَم هَردِشِه که: «دِ اِمی کا وِرتَر عَری آنییَب.

یوحنا موکاشیفَه 15:7

و ایلَه اَ چار گِله مخلوق زِندَه کا، هفت گِله طِلایی یَه قَدَرَه که خِدا غَضبی کا پُور بَه، آدوشَه اَ هفت گِله ملائیکه، خِدایی که تا اَبَد و تا اَبَد زِندَه یَه.

یوحنا موکاشیفَه 2:8

«اِسمیرنا کلیسا ملائیکه را بینیویس: «اَ که اوّلَ و اَ که آخِرَه، اَ که مَردَه و زِندَه آبَه، اِنتَه بَواتی:

یوحنا موکاشیفَه 20:13

و دریا اَ مَردَه اونی که اِشتَن دیلَه کا داری، پَس آدوشَه؛ مرگ و مَردَه اون دنیا اَ مَردَه اون که چَوون دیلَه کا بَه پَس آدوشونَه، و هَر کس طبق کارونی که انجام دوعَش بَه، داوری بَه.

یوحنا موکاشیفَه 20:14

دومله مرگ و مَردَه اون دنیا دَرَفَنده بینَه آتشی دریاچه دیلَه کا. اِم آتشی دریاچه، دوّمین مرگَه.

یوحنا موکاشیفَه 3:7

«فیلادِلفیَه کلیسا ملائیکه را بینیویس: «اَ که قدّوسَه، اَ که حَقَّ، اَ که داوودی اَچَری هِستِشَه، اَ که آکَرِه و هیچکس نیمَشا دَوِندِه، و اَ که دَوِندِه و هیچکس نیمَشا آکَرِه، اِنتَه بَواتی:

یوحنا موکاشیفَه 4:9

هَر وَخت که اَ زِندَه مخلوقِن، اَ تخت نِشینی را، اَیی که تا اَبَد و تا اَبَد زِندَه یَه، جلال و حُرمت و شُکری تقدیم بَکَردین،

یوحنا موکاشیفَه 5:14

و اَ چار گِله مخلوق زِنده واتِشونَه: «آمین»، و اَ پیرِن دیمی سَر زمین بَلَکینَه و اَیی پرستش کَردِشونَه.

یوحنا موکاشیفَه 6:8

و از دَیشتیمَه، و دَیِس، ایلَه اَسبی که چَیی رَنگ و روخ پَرِستَه بَه و اَ کسی که اَ اَسبی سِوار بَه چَیی نوم مرگ بَه و مَردَه اون دنیا، چَیی دومله کارا بومَی. و اَوون اِقتدار آدوعَه بَه تا زمینی یِک چارُمی، شمشیر و قحطی و کُشَندَه مَرَضون و زمینی وَحشی یَه حَیوون نَه، بِکِشِن.

یوحنا موکاشیفَه 9:1

و پنجمین ملائیکه اِشتَن شیپوری دیلَه کا فو دَکَردِشه، و از ایلَه ستاره‌ای ویندِمَه که آسمونی کا بَلَکه زمینی سَر و هاویَه چاه اَچَری که تون نیشَه، اَیی آدوعَه بَه.