یوحنا موکاشیفَه 1:11 - کتاب مقدس به زبان تالشی شمالی

¹¹ که بَواتی: «اَ چیی که بَویندیش ایلَه کیتابی دیلَه کا بینیویس و اِم هفت گِلَه کلیسا: اَفِسُس، اِسمیرنا، پِرگاموم، تیاتیرا، ساردِس، فیلادِلفیَه و لائودیکیَه را ویسا آکَه.»

کتاب مقدس به زبان تالشي - گویش مرکزی

¹¹ کن اَواجیَه: «اَ چیی ایی کن کاش ویندِ ایلَه کیتاویکا بنوِس و هف گلَه کلیسا اِنِه اِفِسُس، اِسمیرنا، پِرگاموم، تیاتیرا، ساردِس، فیلادِلفیِه و لائودیکیَه را بَینِنن.»

یوحنا موکاشیفَه 1:11 Iomraidhean Croise

رَسولون اَعمال 16:14

چَوون دیلَه کا ایلَه ژِنی خِداپرست، تیاتیرا شهری کا اِستبَه که چَمَه گفون گوش بَدای. چَیی نوم لیدیَه بَه و اَرغوانَ پارچه اون فروشنده بَه که وِر گِرون بینَه. خِداوند چَیی دیلی آکَردِشه تا پولسی پَیغومی گوش بِدَه.

رَسولون اَعمال 18:24

اَ روزون کا، ایلَه یَهودی، که چَیی نوم آپولس بَه و اِسکندریه آدمون کا بَه، اومَه اَفِسُس. اَ، گفَ ژَنی کا اوستا بَه و مقدّس نیویشته اون کا وِر بَزنی؛

رَسولون اَعمال 20:17

پولس، میلیتوسی کا ایلَه پَیغومی اَفِسُسی را ویسا آکَردِشه و کلیسا مَشایخی دَخوندِشه اِشتَن وَر.

اوّلین نامَه قورَنتیانیرا 15:32

اَگم از اَفِسُسی شهری آدَمون نَه که وَحشی یَه حَیوونون مونِن، جنگ کَردِمَه، بَه مِرا چه فایده ایشی اِستبَه؟ آدَمی دیدی کا گف ژَنِم، اَگم مَردَه اِن زِنده آنِبون، «بایَه بَرَم و بِنجَم چوم که صَبا بَمَردیمون.»

اوّلین نامَه قورَنتیانیرا 16:8

امّا تا پِنتیکاستی عَید اَفِسُسی شهری کا بَمَندیم.

نامَه اَفسوسی کلیسارا 1:1

پولُسی طرفی کا کِه خِدا پیستَه نَه مسیحْ عیسی رسول اِستَه، مقدّسینی را که اَفِسُسی شهری کا مَندینه، کسونی را که مسیحْ عیسی کا وَفاداری نَه:

نامَه کُولُسی کلیسا را 2:1

پیستِمَه بِزونَه که شِمَه واسی و کَسونی واسی که لائودیکیه کا اِستینه، و گِردِ کسونی را که مِن ویندَه نیشونَه، چِنتَه تَقّلا بَکَردیم،

اوّلین نامَه تیموتائوسیرا 1:3

هَتَه که وختی کارا بَشیم مقدونیه منطقه را بَه تِه کا خواهیشت کَردِمَه، هَنی بَه تِه کا پیستِمَه اَفِسُسی شهری کا بومونی تا بَعضیون دستور بِدَی که هِی جور بَه جورَه تعلیم مَدَن.

یوحنا موکاشیفَه 1:17

هِنتَه که اَئی ویندِمَه مَردَه شیوار چَیی پااوون جیری کا بَلَکیمَه. امّا اَ اِشتَن راستَه دَسی نوشَه چِمِن سَر و واتِشَه: «مَتَرس، اوّل و آخِر اَزیمه؛

یوحنا موکاشیفَه 1:19

«بَس اَ چیی که ویندَرَه، اَ چیی که حِسَه اِستَه و اَ چیی که دومله بومَی، بینیویس.

یوحنا موکاشیفَه 1:2

و اَ، خِدا کلام و عیسایِ مسیح شهادتی، یعنی هَر چیی که ویندَش بَه، شهادتی بَدای.

یوحنا موکاشیفَه 1:20

اَ هفت گِله ستاره، که چِمِن راستَه دَسی کا ویندِرَه و اَ هفت گِله طِلا چِراپوعَه سِرّ اِمَه: اَ هفت گِله ستاره، اَ هفت گِله کلیسا ملائیکه اِنی نَه، و اَ هفت گِله چراپوعَه، هَ هفت گِله کلیسا.

یوحنا موکاشیفَه 1:4

یوحنا طرفی کا، هفت گِله کلیسا را که آسیا ایالتی کا اینَه: فیض و صُلح و سلامتی شِمَه را با، چَیی طرفی کا که اِستَه و بَه و بومَی، و اَ هفت گِله روح طرفی کا که چَیی پاُتشایی تختی پیشی کا مَندینَه،

یوحنا موکاشیفَه 1:8

خِداوندْخِدا بَواتی: «’الف‘ و ’ی‘ اَزیمَه؛ اَ قادر مطلق که اِستَه و بَه و بومَی.»

یوحنا موکاشیفَه 10:4

و هَتَه که اَ هفت گِله گِرخونَه گَف ژَندِشونَه، پیستِم بَه بینیویسِم، ولی آسمونی کا سَسی دَرَسِمَه که واتِشَه: «اَ چیی که اَ هفت گِله گِرخونَه واتِشونَه، مُهر و موم بِکَه و مَنیویس.»

یوحنا موکاشیفَه 14:13

و ایلَه سَسی آسمونی کا دَرَسِمَه که بَواتی: «اِمی بینیویس: خَسَه بِبو کسونی که چِمی پَش خِداواندی کا بَمَردین.» و خِدا روح بَواتی: «راس راسی خَسِه بِبو اَوون که اِشتَن زحمتون کا آسایش بَگتین، چوم که چَوون اَعمال چَوون دومله بومَی!»

یوحنا موکاشیفَه 19:9

و اَ ملائیکه مِنَه واتِشه: «اِمی بینیویس: خَسَه بِبو اَ کسونی که اَ وَرَه عروسی یَه سوری را دعوتی نَه.» و واتِشه: «اِمِن خِدا حقیقی یَه کلامی نَه.»

یوحنا موکاشیفَه 2:1

«اَفِسُسی کلیسا ملائیکه را بینیویس: «اَ که هفت گِله ستاره اِشتَن راستَه دَسی کا هِستِشَه و هفت گِله طِلا چِراپوعَه میانَه کا قدم ژَنِه، اِنتَه بَواتی:

یوحنا موکاشیفَه 2:12

«پِرگامومی کلیسا ملائیکه را بینیویس: «اَ که دِ دَمَه تیجَه شمشیری هِستِشَه، اِنتَه بَواتی:

یوحنا موکاشیفَه 2:18

«تیاتیرا کلیسا ملائیکه را بینیویس: خِدا زوعَه، که چَیی چِمِن آتَشی شعله شیواری نَه و چَیی پا اِن شَفق ژَنَه مَفرقی شیوار، اِنتَه بواتی:

یوحنا موکاشیفَه 2:24

امّا شِمَه الباقی تیاتیرا کا، شِمَه که اِم تعلیمی دَچیکَه نیرونَه و اَ چییونی که بعضی اِن بَواتین ”شیطونی عَمیقَ سِرّون“ آموتَه نیرونَه، شِمَه نَه بَواتیم که اِمی کا وِرتَر شِمَه دوشی سَری کا بار نِنَم.

یوحنا موکاشیفَه 2:8

«اِسمیرنا کلیسا ملائیکه را بینیویس: «اَ که اوّلَ و اَ که آخِرَه، اَ که مَردَه و زِندَه آبَه، اِنتَه بَواتی:

یوحنا موکاشیفَه 21:5

و اَ تخت‌نشین واتِشه: «دَیِس، از گِردِ چییون تازه آکَرِم.» و هَنی واتِشه: «اِمی بینیویس چوم اِم گَفِن راستی نَه و بَبی اَیی اِعتماد کَردِه.»

یوحنا موکاشیفَه 22:10

اَ مِنه واتِشه: «اِم کتابی نبوّتی کلامی مُهر و موم مَکَه چوم اَ وخت نِزدیکَه.

یوحنا موکاشیفَه 22:16

«از، عیسی، چِمِن ملائیکه ویسا آکَردِمَه شِمَه وَر تا اِم چییون کلیسا اون را شهادتی بِدَه. از داوودی ریشه ایمَه و صِبی ستارۀ ایمَه که دَتاوِه.»

یوحنا موکاشیفَه 3:1

«ساردِسی کلیسا ملائیکه را بینیویس: «اَ که خِدا هفت گِله روح و هفت گِله ستاره هِستِشَه، اِنتَه بَواتی: اِشتِه کارون کا خَوَرداریمَه. اِمی واسی سَرشِناسیش که زِندَه ایش، امّا مَردَه ایش.

یوحنا موکاشیفَه 3:14

«لائودیکیه کلیسا ملائیکه را بینیویس: «اَ که آمین اِستَه، اَ که وفادارَه و حقیقی یَه شاهِدَه، اَ که خِدا خِلقتی سَرچِشمَه یَه، اِنتَه بَواتی:

یوحنا موکاشیفَه 3:4

«با اِم حال حَلا، ساردِسی کا بعضیون هِستِرَه که اِشتَن خَلااوون چِرکین کَردَه نیشونَه و اَوِن ایسبی یَه خَلااون نَه، مِنَه قدم ژَنِن، چوم که لایِقی نَه.

یوحنا موکاشیفَه 3:7

«فیلادِلفیَه کلیسا ملائیکه را بینیویس: «اَ که قدّوسَه، اَ که حَقَّ، اَ که داوودی اَچَری هِستِشَه، اَ که آکَرِه و هیچکس نیمَشا دَوِندِه، و اَ که دَوِندِه و هیچکس نیمَشا آکَرِه، اِنتَه بَواتی: