یوحنا موکاشیفَه 1:10 - کتاب مقدس به زبان تالشی شمالی

¹⁰ خِداوندی روزی کا، خِدا روح کا پُور آبیمَه، و ایلَه بِلَندَه سَسی، شیپوری سَسی شیوار چِمن پشتی کا دَرَسِمَه

کتاب مقدس به زبان تالشي - گویش مرکزی

¹⁰ خداوندی روجیکا، خدا روحکا پتلمه آبیم، و تَتَّه لسَه ایی کن هنته زِرنا سَسی شیوار بَه، پِشت آکَریکا درَستِم

یوحنا موکاشیفَه 1:10 Iomraidhean Croise

مَتّی 22:43

عیسی واتِشه: «بَس چِنتَه یَه كه داوود، خِدا روح واسطه نَه، مسیح نَه خِداوند بَواتی؟ چوم که داوود بَواتی:

یوحنا 20:19

هَ روزی مَغریبی را، که هفته اوّلین روز بَه، شاگِردِن یهودیون تَرسی کا بَرون قِفل کَردَشون بَه و کَ دیلَه کا جمع آبَه بینَه که عیسی اومَه و چَوون دیلَه کا مَندَه و واتِشه: «سلام بَر شِمَه!»

یوحنا 20:26

هَشت روزَه پَش، عیسی شاگِردِن هَنی کَ کا بینَه و توما اَوون نَه بَه. هَتَه که بَرِن قِفل بینَه، عیسی اومَه دیلَه و چَوون دیلَه کا مَندَه و واتِشه: «سلام بَر شِمَه!»

رَسولون اَعمال 20:7

هفته اوّلین روزی کا، نونی پَله کَردِه را جَمع آبیمونَه. پولس مردمی نَه گف ژَنی و چوم پیستِشَه صَبایی نَه روز اوآنَه بِشو، چَیی گف ژَندِه تا نِصبِ شَو طول کَشِشه.

اوّلین نامَه قورَنتیانیرا 12:3

بَس شِمَه نَه بَواتیم که هَر کسی که خِدا روح واسطه نَه گَف بِژَنه، هرگز نِواجِه لَعنت بِه عیسی، و هیچ‌کس روح القدسی واسطه غِیراز نیمَشا بوآجِه: «عیسی خِداوندَه.»

اوّلین نامَه قورَنتیانیرا 16:2

هَر هَفته اوّلین روزی کا، هَر کمیله شِمَه کا، بَسی اِشتَن درآمدی کا، روکَته ای بِنَه کنار و اِشتَن را غَم بَرِه، تا موقعی که از بومَیم شِمَه وَر، دِ لازِم مَبو هدیه اون جمع آکَرَه.

یوحنا موکاشیفَه 17:3

اَ ملائیکه مِن خِدا روح کا بَردِشَه ایلَه ویاوونی را. اوآ کا ایلَه ژِنی ویندِمَه که ایلَه سِرَه وحشی یَه حَیوونی کولی سَری کا نِشت بَه، اَ حَیوونی بَدَن کُفر آمیزَه نومون نَه پوشوندَه بییَه بَه، و هفت گِله سَر و دَه گِله شاخ داری.

یوحنا موکاشیفَه 21:10

و اَ، خِدا روح کا مِن بَردِشَه ایلَه یال و بِلندَه کو سَر و اورشلیمی مقدّس شهری مِن نیشون دوشَه که آسمونی کا خِدا وَری نَه بومَی جیر.