نامَه فیلیپی کلیسا را 4:19 - کتاب مقدس به زبان تالشی شمالی

¹⁹ و چِمِن خِدا، شِمَه گِردِ اِحتیاجاتون طبق اِشتَنِش پُرجلال دولت، مسیحْ عیسی کا بَرطرف بَکَردی.

کتاب مقدس به زبان تالشي - گویش مرکزی

¹⁹ و چمن خدا، گردِ شِمَه نیازون اِشتَن پر جَلالَه دوُلَتی طبق، مَسیح عیسی دِلَکا رفع بَکَیَه.

نامَه فیلیپی کلیسا را 4:19 Iomraidhean Croise

مَتّی 6:32

چوم مردمی که بُت پرستی نَه گِرد اِم چییون دومله گَردِن، امّا شِمَه آسِمونی یَه دَده بَزنی شِمَه گِرد اِم چییون اِحتیاج دارَه.

یوحنا 20:17

عیسی اَیی نَه واتِشه: «بَه مِن دَس مَژَن، چوم حَلا دَده وَر کفا را شَه نیمَه. امّا بِش چِمِن بِرا اون وَر و اَوون نَه بوآج که چِمِن دَده وَر و شِمَه دَده وَر، چِمِن خِدا وَر و شِمَه خِدا وَر بَشیم کفا.»

یوحنا 20:27

اَ موقع عیسی، توما نَه واتِشه: «اِشتِه اَنگِشتی اییا کا بِنَه و چِمِن دَسون بِوین، و اِشتِه دَسی بوعَه پیش و چِمِن تَکی خِلی کا بِنَه و بی ایمان مَبِن، بَلکَم ایمان بِدار.»

رومی کلیسارا نامه 1:8

اَولاً که، چِمِن خِدا، عیسایِ مسیح واسطه نَه، شِمَه گِردِی واسی شُکر بَکَردیم، چوم که شِمَه ایمانی خَوَر گِردِ دنیا کا چُو دَلَکه.

رومی کلیسارا نامه 11:33

آه که خِدا دولتمندی، حکمت و دانایی چِندی عَمیقَه؛ چَیی داوریون نییَب سَربَروَردِه و چَیی راه اون نییَب فَهمِستِه.

رومی کلیسارا نامه 2:4

یا اِم که خِدا میهرَوونی، تاو و تحمل و چَیی بَرکَ صَبری روک بَزنیش و نیمَزنیش که خِدا میهرَوونی اِمی واسی یَه که تِه راهنمایی بِکَرِه تا توبَه بِکَری؟

رومی کلیسارا نامه 8:18

چِمِن نظر اِمَه که، اِم دنیا عَذابِن، اَ جلالی نَه که چَمَه دیلَه کا آشکار بَبی، نییَب مقایسه کَردِه.

رومی کلیسارا نامه 9:23

تا بِشا اِشتَن جلالی عظمتی، قَبونی را که رَحم کَردَشه نمایان بِکَرِه، قَبونی که اَوون پیشتری جَلالی را آمادَه آکَردَشَه-

دوومین نامه قرنتیانیرا 12:21

و اِمی کا تَرسِم که وختی هَنی بام شِمَه وَر، چِمِن خِدا شِمَه پیشی کا مِن فروتن بِکَرِه و از مجبور بِبوم بَعضیون واسی که قبلا گناه کَردَشونه و اِشتَن ناپاکی، و بی عفتی و عیاشی کا توبه کَردَه نیشونه، عزاداری بِکَرِم.

دوومین نامه قرنتیانیرا 4:17

چوم که چَمَه اِم روک و زو دَوییَرِن رَنجِن، اَمَه را اَبَدی یَه جلال بواَردی که اَ رَنجون نَه بَرابری نِکَرِه.

نامَه اَفسوسی کلیسارا 1:18

تا شِمَه دیلی چِمِن روشون آبون، تا اَ اُمیدی که خِدا شِمَه چَیی واسی دَخوندِشه آزونَه، و خِدا اَ بی حَدو اندازه و پُر جلال میراثی، مقدّسون دیلَه کا بِفهمَه،

نامَه اَفسوسی کلیسارا 1:7

اَمَه مسیح دیلَه کا چَیی خونی واسطه نَه آزادی هِستِمونه، که اِم هَ خَطا اون بخشِستِه یَه، که اَیی، اِشتَن بَرکَ فیضی قَدر،

نامَه اَفسوسی کلیسارا 2:7

تا اَ زمانونی کا که بومَی، اَ اِشتَن بَرکَ فیضی، اِشتَن میهروونی واسطه نَه نسبت بِه اَمَه مسیح عیسی کا نیشون بِدَه.

نامَه اَفسوسی کلیسارا 3:16

که بینا بَر اِشتَنِش جلالِ دولتمندی آدَه شِمَه تا خِدا روح واسطه نَه شِمَه باطِنی کا قوی و نیرومند بِبییَه،

نامَه اَفسوسی کلیسارا 3:8

هَر چَن که از گِردِ مقدّسون دیلَه کا گِردی کا کَمترینیمَه، اِم فیض بَه مِن آدوعَه بَه تا مسیح بَرکَه گنجون خَوَری غیریهودیون را اِعلام بِکَرِم،

نامَه فیلیپی کلیسا را 4:7

خِدا صُلح و سلامتی، که هَر فهمی کا کفاتَرَه، شِمَه دیلون و فیکرون مسیحْ عیسی کا مُحافظت بَکَردی.

نامَه کُولُسی کلیسا را 1:27

خِدا اِنتَه پیستِشَه که اَوِن آزونِن که اِم سِرّ غیریهودیون دیلَه کا، چِه بَرکَ جلالی هِستِشه. اَ سِرّ اِمَه که مَسیح شِمَه دیلَه کا جلالی اُمیدَه.

نامَه کُولُسی کلیسا را 3:16

مَسیح کلام، فَت و فراوون شِمَه دیلَه کا بومونِه؛ تَمون حِکمتی نَه یَندی پَند و تعلیم بِدییَه، مزامیر، سرودون و آوازونی نَه که خِدا روح کا یَه، شُکرکَردِه نَه و صِدق دیلی نَه خِدا را بوخونَه.

اوّلین نامَه تَسالونیکی کلیسا را 2:12

اَمَه هَر کمیله شِمَه، ایلَه ایلَه تشویق کَردِمونه و تَسلی دومونه و سفارش کَردِمونه تا اَتَه که خِدا شئنی کایَه زِندگی بِکَرَه، که شِمَه دعوت بَکَردی اِشتنِش پاُتشایی و جلالی را.

اوّلین نامَه تیموتائوسیرا 6:17

اِم دنیا پولدارون نَه بوآج که مغرور مَبون و اِشتَن اُمیدی اِم دنیا مالی سَری کا مَنَن که نِمونِه، بَلکَم چَوون اُمید بِه خِدایی بِبو که گِردِ چییون فَت و فَراوون بَمون را آمادَه آکَردَشَه تا اَوون کا کِیف بِکَرَم.

نامَه فیلیمونیرا 1:4

از چِمِن دعا اون کا تِه ویر بواَردیم، هَمیشه چِمِن خِدا شُکر بَکَردیم،

پطروسی اوّلین نامَه 5:1

اَز که اِشتَن ایلَه مشایخون کا ایمَه و مسیح رَنجون شاهد بیمَه و اَ جلالی کا که آشکار بَبی شَریکیمَه، اَ مشایخی که شِمَه دیلَه کا اینَه سفارش بَکَردیم:

پطروسی اوّلین نامَه 5:10

و دومله روکَتِه رنج و عذاب کَشِه پَش، خِدای پُور فیض،که شِمَه مسیح کا دَعوت کَردشَه، تا چَیی اَبَدی یَه جلالی کا شریک بِبییَه، شِمَه از نو بینا بِکَردی و پایدار و پُور قدرت و پابَرجا بَکَردی.