نامَه فیلیپی کلیسا را 3:2 - کتاب مقدس به زبان تالشی شمالی

² اَ اِسبه اون کا دوری بِکَرَه! اَ گناه کارون کا دوری بِکَرَه، کسونی کا که خَتنه کَرِده را جِسمی دَوِرِن، دوری بِکَرَه!

کتاب مقدس به زبان تالشي - گویش مرکزی

² اَ عِسبَه اونکا رَت آبَه! اَ گناخکارونکا رَت آبَه! اَیِنی کن سِنَت کردِ را جندَکی دَنَّبیرد، رَت آبَه!

نامَه فیلیپی کلیسا را 3:2 Iomraidhean Croise

مَتّی 24:10

اَ روزون کا وِر کَسِن اِشتَن ایمانی کا آگَردِن و یَندی خیانت بَکَردین و یَندی کا بیزار بَبین.

مَتّی 7:15

«دروعَه پیغمبرون کا دوری بِکَرَه. اَوِن گوسَندون خَلا کا بومَین شِمَه وَر، ولی باطنی کا وَرگونی اِستینَه که پِزارنِن.

مَتّی 7:6

«اَ چیی که مقدّس اِستَه، آمَدَه یَه اِسبه اون و شِمَه مِرواریون خو اون ناری کا مَویکَرَه، نَبادا اَوون پا بِنون کا بِنَن و آگَردِن شِمَه پِزارنِن.

رومی کلیسارا نامه 2:28

چوم که یهودی اَ کسی نییَه که بِه ظاهر یَهودی بِبو، و خَتنه نی کاری نییَه که جِسم و ظاهری کا بِبو.

دوومین نامه قرنتیانیرا 11:13

چوم اِنتَه رَه کسونی، دوروعی نَه رسولِن و دَقَلبازَه کارگرونی اِستینه که اِشتَن مسیح رسولون شیوار وَج آکَرِن.

نامه غلاطیَه کلیسارا 5:13

چوم که اِی بِرااِن، شِمَه آزادی را دَعوت بَییرونه. فقط شِمَه اِم آزادی، ایلَه فرصَتی شیوار جِسمی را اِستفاده مَکَرَه، بَلکَم مُحبتی نَه، یَندی خدمَت بِکَرَه.

نامه غلاطیَه کلیسارا 5:15

ولی اَگم یَندی بِگَزَه و ویبَره، ویرا بِبییَه که یَندی دَسی نَه اَز بین مَشَه.

نامه غلاطیَه کلیسارا 5:6

چوم مسیحْ عیسی کا نِه خَتنه بییِه مُهمَه نِه خَتنه‌ نِبییِه، بَلکَم مُهم اَ ایمانی یَه که محبتی واسطه نَه کار بَکَردی.

نامَه فیلیپی کلیسا را 3:19

چَوون عاقبت هَلاکتَه. چَوون خِدا چَوون اِشکَمَه و نَنگ‌آوَرَه چیون را فَخر بَکَردین، اَوِن زَمینی یَه چییون درباره فیکر بَکَردین.

نامَه فیلیپی کلیسا را 3:3

چوم خَتنَه بییَه، اَمَه ایمونه که خِدا روح نَه پرستش بَکَردیمون، و مسیح عیسی کا فخر بَکَردیمون و چَمَه تَکیَه جِسمی سَر نییَه-

اوّلین نامَه تیموتائوسیرا 1:19

ایمان و چاکَه وجدانی دَچیک. چیرا که بعضی اِن چِمون رَد آکَردِه نَه چَوون ایمانی کَشتی چَکَه.

نامَه تیتوسیرا 1:16

اَوِن اِدعا بَکَردین که خِدا آزونِن، امّا اِشتَن کارون نَه اَیی هاشا بَکَردین. اَوِن نِفرت اَنگیز و نافرمونی نَه، و هَر چاکه کاری را ناجوری نَه.

پطروسی دومین نامه 2:22

اِم مَثّل اَ چیی درباره گف ژَنِه که چَوون را پیش اومَه: «اِسبه آگَردِه اِشتَن قِی سَر»، و « شوشتَه بییَه خو، تِولی دیلَه کا غَلط ژَندِه را.»

یهودا نامه 1:4

چوم مردمونی که قدیمی نَه چَوون محکومیت تعیین بییَه، نِینَکی شِمَه دیلَه کا رَخنه کَردَشونه. اِمِن بی دینونی اِستینه که چَمَه خِدا فیضی تبدیل بِه عَیاشی بَکَردین و عیسایِ مسیح، تنها ارباب و چَمَه خِداوندی، هاشا بَکَردین.

یوحنا موکاشیفَه 2:9

اِشتِه عذاب و نَداری کا خَوَرداریمَه، ولی تِه دولتمَندیش! و اَ آدَمون اِفترا کا خَوَر دارِم. که بَواتین یهودی نَه ولی نینَه، بَلکَم شیطونی عِبادتگاه اینَه.

یوحنا موکاشیفَه 21:8

ولی تَرسو اِن و بی ایمانِن و فاسِدِن و آدَمکِشِن و زِنا کارِن و جادوگرِن و بُت‌پرستِن و گِردِ دروعَه واجِن، چَوون گِردی سهم، دریاچه ای بَبی که گوگِرد و آتشی نَه وَش گِتَشه. اِم دوّمین مَرگَه.»

یوحنا موکاشیفَه 22:15

اِسبَه اِن و جادوگرِن و زنا کارِن و آدَمکِشِن و بُت‌پرستِن و گِردِ کسونی که دوروع نَه خِشی نَه و اَیی انجام بَداین، شهری بِرونی کا بَمَندین.

یوحنا موکاشیفَه 3:9

دَیِس، از کسونی که شیطونی عبادتگاه کا اینَه و اِشتَن یهودی بَزنین ولی نینَه، بَلکَم دوع بَواتین، دَیِس از اَوون وادار بَکَردیم بان و اِشتِه پا جیری کا دَلَکِن تا بِزونِن که از تِنَه خِشیمَه.