نامَه فیلیپی کلیسا را 2:9 - کتاب مقدس به زبان تالشی شمالی

⁹ بَس خِدا اَیی بَرک بِلَند آکَردِشه و ایلَه نومی اَیی آدوشَه که گِردِ نومون کا کَفاتَر بَه،

کتاب مقدس به زبان تالشي - گویش مرکزی

⁹ پس خدا نی بَرک بَی دَوراشتِشَه و گِرد نومونکا کَفاتر بَی ایلَه نوم آداشَه،

نامَه فیلیپی کلیسا را 2:9 Iomraidhean Croise

مَتّی 11:27

چِمِن آسِمونی یَه دَده گِردِ چیون بَه مِن دَسپاردَشَه. هیچکس دَده غِیراز زوعَه آنِزونِه، و هیچکس زوعَه غیراز دَده آنِزونِه، و اَ کسونی که زوعَه پیستِشَه دَده اَوون را آشکار آکَرِه.

مَتّی 28:18

اَ موقع عیسی نار اومَه اَوون نَه واتِشه: «گِردِ قدرت، آسِمون و زمینی کا بَه مِن آدوعَه بییَه.

انجیل لوقا 10:22

چِمِن آسِمونی یَه دَده گِردِ چیون بَه مِن دَسپاردَشه. هیچکس نیمَزنِه زوعَه کییَه دَده غِیراز، و هیچکسی نی نیمَزنِه دَده کییَه زوعَه غیِراز، و اَ کسونی غِیراز که زوعَه اِنتخاب بَکَردی تا آسِمونی یَه دَده اَوون را آشکار آکَرِه.»

یوحنا 13:3

عیسی که بَزنی دَده گِردِ چییون بَیی دَسپردَشه و اِم که خِدا وَری نَه اومَه و آگَردِه چَیی وَر،

یوحنا 17:11

اِمی کا وِرتر دنیا کا نِمونِم، امّا اَوِن دنیا کااینَه؛ اَز بومَیم اِشتِه وَر. اِی دَده ی قدّوس، کسونی که تِه مِن دَسپاردَره، اَوون اِشتِه نومی کا حفظ بِکَه تا یَکی بِبون، اِنتَه که اَمَه یَندی نَه یَکی ایمونَه.

یوحنا 17:12

تا وختی که اَز اَوون نَه بیمَه، کسونی که مِن دَسپاردَره، اِشتِه نومی کا حفظ کَردِمَه. اَز اَوون کا محافظت کَردَمَه و هیچ گِله اَوون کا هلاک نِبَه، مَگم اَ هلاکتی زوعَه غِیراز، تا مقدّس نیویشته اون پیشگویی اِتِفاق دَلَکِه.

یوحنا 17:5

بَس حِسَه تِه اِی دَده، مِن اِشتِه حضوری کا جلال بِدَه، بِه جلالی که پیش اَز اِم که دنیا بِه وجود با بَه تِنَه داریم.

رَسولون اَعمال 5:31

و خِدا اَیی بَردِشه کَفا اِشتَن راستَ دَسی وَر، و رهبر و نجات‌ دهنده کَردِشه و فُرصت دوشَه تا یهودی مردم توبه بِکَرِن و چَوون گناه اِن بَخشِسته بِبون.

نامَه اَفسوسی کلیسارا 1:10

خِدا نَخشه اِم بَه، هَتَه که اَ وخت آرَستِه گِردِ چییون، چِه آسِمونی کا و چِه زمینی سَری کا، یَندی نَه مسیح کا جمع آکَرِه.

نامَه کُولُسی کلیسا را 1:18

اَ بَدنی را سَرَه، یعنی کلیسا را. اَ شروع و اوّلین نفرَه که مَردَه اون دیلَه کا زِنده آبَه، تا گِردِ چییون کا، اَ سَر بِبو.

دوّمین نامَه تَسالونیکی کلیسا را 1:12

تا چَمَه خِداوند عیسی نوم شِمَه دیلَه کا جلال بِگِرِه، و شِمَه نی چَمَه خِدا و خِداوند عیسایِ مسیح فیضی واسی، چَیی دیلَه کا جلال بِگِرَه.

نامَه، عِبرانیه نَتاجَه مسیحیونرا 1:4

هَ اندازه که ملائیکه اون کا سَرتَرَه، اَ نومی نی که بِه اِرث بَردَشه چَوون نومی کا کَفاتَرَه.

نامَه، عِبرانیه نَتاجَه مسیحیونرا 1:9

تِه صالِح بییِه نَه خِشیش و شِرارتی کا بیزاریش؛ اِمی واسی خِدا، اِشتِه خدا، تِه اِشتِه همراه اون کا وِرتَر، شادی روعَنی نَه مَسح کَردَشه.»

نامَه، عِبرانیه نَتاجَه مسیحیونرا 12:2

و چَمَه چِم فقط عیسی کا بِبو که چَمَه ایمانی پاکارَه و چَمَه ایمانی کامل آکَرِه، و اَ شادی واسی که چَیی ناری کا نوعَه بَه، صلیبی تاو وَردِشَه، چَیی خِفَت و خاری ندید گِتِشَه، و خِدا تختی راستَ دَسی طرفی کا نِشتَه.

نامَه، عِبرانیه نَتاجَه مسیحیونرا 2:9

امّا اَمَه اَیی که روکَتِه زمان، ملائیکه اون کا پَست تَر بَه بَویندیمون، یعنی عیسی، که مرگی عذابی واسی، جلال و حُرمتی تاج چَیی سَری کا نوعَه بَه، تا خِدا فیضی واسطه نَه گِردی واسی مرگی مَزَه بِچَشِه.

پطروسی اوّلین نامَه 3:22

هَ عیسایِ مسیح که شَه آسِمون و حِسَه خِدا راستَ دَسی کایَه و ملائیکَه اِن و قدرتِن و قوّتِن چَیی مطیع بَیینَه.

پطروسی دومین نامه 1:17

چوم اَ موقع که اَ خدای دَده کا، جلال و اِحترام گِتِشه، و اَ شکوه و جلالی کا سَسی بَیی آرَستَه که، «اِم چِمِن عزیزَه زوعَه که اَیی کا راضیمَه.»

یوحنا سوّمین نامَه 1:7

چوم که اَوِن اَ نومی واسی سَفر کَردَشونه و غیریهودیون کا هیچ کمکی ویگِتَشون نییَه.

یوحنا موکاشیفَه 1:5

و عیسایِ مسیح طرفی کا، اَ وفادارَه شاهِد و اوّلین کسی که مَردَه اون دیلَه کا زِنده آبَه و پاُتشااون حاکِم، زمینی سَری کا. اَ که اَمَه نَه خِشَه و اِشتَن خونی نَه، اَمَه چَمَه گناه اون کا رَهایی دوشَه،

یوحنا موکاشیفَه 11:15

دومله هفتمین ملائیکه اِشتَن شیپوری دیلَه کا فو دَکَردِشه، و بِلندَه خِلِع اونی آسمونی کا دَپیچستِشه که بَواتین: «دنیا پاُتشایی، چَمَه خِداوند و چَیی مسیح شِن بییَه. و اَ، تا اَبَد و تا اَبَد سلطنت بَکَردی.»

یوحنا موکاشیفَه 19:16

چَیی اَبا و رونی سَری کا ایلَه نوم نیویشته بییَه: ’شاه شاهان و خِداوندون، خِداوند.‘

یوحنا موکاشیفَه 3:21

«هَر‌ کسی که پیروز بِبو، اِمی آدَم اَئی که مِنَه تختی سَری کا بِنِشِه، هَتَه که از نی پیروز بیمَه و چِمن دَده نَه تختی سَری کا نِشتیمَه.

یوحنا موکاشیفَه 5:12

بِلندَه سَسی نَه بَواتین: «اَ وَرَه که قِربونی بَه لایقَه که قدرت و ثروت و حکمت و قوّت، و حرمت و جلال و برکت چَیی تقدیم بِبو.»