نامَه فیلیپی کلیسا را 2:30 - کتاب مقدس به زبان تالشی شمالی

³⁰ چوم که اَ، مسیح کاری واسی کارا مِریستِه و اِشتَن جانی خطری کا دَرَفَندِشه تا شِمَه خِدمتی کم و کَسری بَه مِن را جبران بِبو.

کتاب مقدس به زبان تالشي - گویش مرکزی

³⁰ اِمی خونِه کن اَ، مَسیح راکا کایبَه اَمِرییَه، اِشتَن جانی خَطَریکاش درفَندَ تا شِمَه خیدمَتی کم و کاستی جُبران ببو.

نامَه فیلیپی کلیسا را 2:30 Iomraidhean Croise

رَسولون اَعمال 20:24

ولی از هَم جان و هَم زندگی بَه مِرا بی‌ اِرزش بَزنیم، فقط اَگم بِشام چِمِن دُورَه تَمون آکَرِم و خدمتی که عیسایِ خِداوندی کا ویگِتَمه تا آخِر اَنجام بِدَم، و خِدا فیضی خوشَه خَوَری شهادتی بِدَم.

رومی کلیسارا نامه 16:4

اَوِن اِشتَن جانی چِمِن واسی خطری کا دَرَفَندِشونه، و نِه فقط اَز، بَلکَم غیریهودیون کِلیسااِن گِرد، اَوون کا تشکر بَکَردین.

اوّلین نامَه قورَنتیانیرا 15:53

چوم اِم بَدنی که از بِین بَشی بَسی اَ بَدَنی که از بِین نِشو دَکَرِه و اِم فانی یَه بَدَن بَسی اَ بَدَنی که اَبَدی یَه دَکَرِه.

اوّلین نامَه قورَنتیانیرا 16:10

وختی تیموتائوس اومَه، اَیینه جوری رفتار بِکَرَه که شِمَه دیلَه کا هیچ نِگرانی مَدارِه. چوم که اَ نی چِمِن شیوار خِداوندی کاری اَنجام بَدای؛

اوّلین نامَه قورَنتیانیرا 16:17

اِستِفاناس، فورتوناتوس و اَخائیکوسی اومِه کا شادیمَه، چوم شِمَه تِییَه جِگا پُور آکَردَشونه.

دوومین نامه قرنتیانیرا 12:15

از وِرَه شادی نَه شِمَه جانون را خرج بَکَردیم و چِمِن جانی نی بَنایم. اَگم از شِمَه نَه وِرتَر خِشیمَه، مَگم شِمَه بَسی مِنه کمتر خِش بِبییَه؟

دوومین نامه قرنتیانیرا 4:12

بَس مرگ چَمَه دیلَه کا کار بَکَردی، امّا زِندگی شِمَه دیلَه کا.

نامَه فیلیپی کلیسا را 2:17

حتی اَگم لازم بِبو چِمِن خون ایلَه هدیه‌ای شیوار، شِمَه ایمانی قِربونی را ویکَردَه بِبو، خوشحالیمَه و گِردِ شِمَه نَه شادی بَکَردیم.

نامَه فیلیپی کلیسا را 2:27

راس راسی که مریض بَه و کارا مِریسته. امّا خِدا اَیی رَحم کَردِشه، و نِه فقط اَیی، بَلکَم بَر مِن نی رَحم کَردِشَه، تا چِمِن غَمون سَر ایلَه دییَر غَمی اِضافه آمَبو.

نامَه فیلیپی کلیسا را 4:10

خِداوندی کا وِر شادیمَه که حِسَه هَنی چِمِن واسی نیگران بَییرونه. راس راسی که شِمَه چِمِن فیکری کا بَییرونه، امّا فُرصتِرون نِبَه.

نامَه فیلیپی کلیسا را 4:18

شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.

نامَه فیلیمونیرا 1:13

از خوشحال بَبیم که اَیی چِمِن وَری کا غَم بَرِم تا اِم مدتی که اِنجیلی واسی زندانی دیلَه کا ایمَه، اِشتَه عَوض اَ مِن خدمت بِکَرِه.

یوحنا موکاشیفَه 12:11

و اَوِن وَرَه خونی نَه و کلامی شهادتی نَه اَیی اَفجور بَیینَه. چوم که اَوِن اِشتَن جانی نَه خِش نِبینَه، حتی تا مَردِه موقع.