نامَه فیلیپی کلیسا را 2:17 - کتاب مقدس به زبان تالشی شمالی

¹⁷ حتی اَگم لازم بِبو چِمِن خون ایلَه هدیه‌ای شیوار، شِمَه ایمانی قِربونی را ویکَردَه بِبو، خوشحالیمَه و گِردِ شِمَه نَه شادی بَکَردیم.

کتاب مقدس به زبان تالشي - گویش مرکزی

¹⁷ حتی اَگَم لازم ببو چمن خون هِنتَه خَلایی شیوار، شمه ایمانی قِربونی را ویبو، خَشیمَه و شِمَه گِردینَه خَشی بَکَم.

نامَه فیلیپی کلیسا را 2:17 Iomraidhean Croise

رَسولون اَعمال 20:24

ولی از هَم جان و هَم زندگی بَه مِرا بی‌ اِرزش بَزنیم، فقط اَگم بِشام چِمِن دُورَه تَمون آکَرِم و خدمتی که عیسایِ خِداوندی کا ویگِتَمه تا آخِر اَنجام بِدَم، و خِدا فیضی خوشَه خَوَری شهادتی بِدَم.

رَسولون اَعمال 21:13

امّا پولس جَواو دوشَه: «اِم چِه کاری یَه که بَکَردیرون؟ چیرا شِمَه داد کَردِه نَه چِمِن دیلی چاکِنَه؟ اَز حاضِریمه عیسایِ خِداوندی نومی واسی، نِه فقط بِشوم رومی زندان، بَلکَم اورشلیمی کا نی بِمِرِم.»

رومی کلیسارا نامه 12:1

بَس اِی بِرااِن، خِدا رَحمتون واسی، شِمَه کا خواهیشت بَکَردیم که شِمَه بَدنی زِندَه قِربونی شیوار، مقدّس و خِدا دیلی باب، تقدیم بِکَرَه که اِم شِمَه روحانی یَه عبادتَه.

رومی کلیسارا نامه 15:16

که مسیحْ عیسی نوکر، غیریهودیون را بِبوم و خِدا اِنجیلی خدمت کَردِه را کاهِنَتی بِکَرِم، تا غیریهودیِن خِدا درگاه کا قابِلِ قبولَ هدیه ای بِبون که روح القدسی واسطه نَه تَقدیس بییَه.

دوومین نامه قرنتیانیرا 12:15

از وِرَه شادی نَه شِمَه جانون را خرج بَکَردیم و چِمِن جانی نی بَنایم. اَگم از شِمَه نَه وِرتَر خِشیمَه، مَگم شِمَه بَسی مِنه کمتر خِش بِبییَه؟

دوومین نامه قرنتیانیرا 4:12

بَس مرگ چَمَه دیلَه کا کار بَکَردی، امّا زِندگی شِمَه دیلَه کا.

دوومین نامه قرنتیانیرا 6:10

اَمَه نَه غمگینون شیوار رفتار بَبی، با اِم حال هَمَش شادیمونه؛ اَمَه نَه نَدارون شیوار رفتار بَبی، با اِم حال وِرکَسون پولدار بَکَردیمون؛ اَمَه نَه جوری رفتار بَبی که اِنگاری هیچی نِدارَم، با اِم حال همه چیی صاحابیمونَه.

دوومین نامه قرنتیانیرا 7:4

از دیل و جرئتی نَه شِمَه نَه گف ژَنِم. بِه شِمَه وِر اِفتخار بَکَردیم. از وِر تَسَلی هِستِمَه. تمون مصیبتون دیلَه کا شادی کا پُوریمَه.

نامَه فیلیپی کلیسا را 1:20

هَتَه که اِشتیاقی نَه اِنتظار بَکَشدیم و اُمید هِستِمه که هیچی کا خِجِل نِبوم، بَلکَم جرئَت کامِلی نَه، حِسَه نی هَمیشه شیوار، چِه مرگی کا و چِه زِندگی کا، مسیح چِمِن بَدنی کا جلال بَگتی.

نامَه فیلیپی کلیسا را 2:18

و شِمَه نی بَسی هِنتَه خوشحال بِبییَه و مِنَه شادی بِکَرَه.

نامَه فیلیپی کلیسا را 2:30

چوم که اَ، مسیح کاری واسی کارا مِریستِه و اِشتَن جانی خطری کا دَرَفَندِشه تا شِمَه خِدمتی کم و کَسری بَه مِن را جبران بِبو.

نامَه فیلیپی کلیسا را 4:18

شِمَه کُمکِن کامل آرَستینَه چِمِن دَس و چِمِن اِحتیاجی کا نی وِرتَر هِستِمه. حِسَه که شِمَه کمکی که اِپافْرودیتوسی واسطه نَه بَه مِرا ویسا آکَردَرونَه، ویگتَمَه، حسابی تامینیمَه، شِمَه هدیه خوشبویَه عطر و مَقبولَه قِربونی یَه که خِدا راضی بَکَردی.

نامَه کُولُسی کلیسا را 1:24

حِسَه اَ زَجرونی کا که شِمَه واسی کَشِمَه شادیمَه و چَیی بَدنی واسی که کلیسا یَه، اَ چیی که مسیح عَذابون کا کَمَه، چِمن جِسمی کا تَلافی بَکَردیم.

اوّلین نامَه تَسالونیکی کلیسا را 2:8

اَمَه هَدَه شِمَه نَه خِش بیمونه که اِشتیاقی نَه حاضیر بیمونه نِه فقط خِدا اِنجیلی پَیغومی بِه شِمَه آرِساوونم، بَلکَم شِمَه راه کا چَمَه جانی کا نی دَوییَرَم، چوم که شِمَه اَمَه را وِر عزیز بیرونَه.

دِوُّمین نامَه تیموتائوسیرا 4:6

چوم که چِمِن خون، هِم حِسَه نی، ایلَه هدیه شرابی شیوار، کارا ویبو و چِمِن شییِه وخت اِم دنیا کا آرَستَه.

پطروسی اوّلین نامَه 2:5

شِمَه اِشتَن نی زِنده سِنگون شیواری رونَه،که روحانی یَه عمارت شِمَه کا وَج آبو، تا مقدسَ کاهنون شیوار بِبییَه و عیسایِ مَسیح واسطه نَه، روحانی یَه قِربونیونی که خِدا اَوون قبول بَکَردی، تقدیم بِکَرَه.

یوحنا اوّلین نامَه 3:16

محبتی اوآنه یاد گِتِمونه که اَ، اِشتَن جانی چَمَه راه کا فیدا کَردِشه، و اَمَه نی بَسی چَمَه جانی چَمَه بِرا اون راه کا فیدا بِکَرَم.