نامَه فیلیپی کلیسا را 1:9 - کتاب مقدس به زبان تالشی شمالی

⁹ چِمِن دعا اِمَه که شِمَه مُحبت وِرتَر و وِرتَر آبو، دانایی و فهم کاملی نَه هَمراه بِبو،

کتاب مقدس به زبان تالشي - گویش مرکزی

⁹ چمن دِوا اِمَه کن شِمَه موحبَت ویشتَر و وِرتَر آبو و کامیلَه اَلمند گیری و فَهمینَه دَرِ ببو،

نامَه فیلیپی کلیسا را 1:9 Iomraidhean Croise

اوّلین نامَه قورَنتیانیرا 14:20

اِی بِرااِن، فیکر کَردِه کا خِردَنون شیوار مَبییَه، بَلکَم بَدی کَردِه کا خِردَنون شیوار بِبییَه. ولی فیکر کَردِه کا یالَه آدَم بِبییَه.

دوومین نامه قرنتیانیرا 8:7

ولی هَتَه که گِردِ چییون کا سَرتَریرونه- ایمانی کا، گَف ژَندِه کا، دانایی کا، دِ دیم نِبییِه کا، و شِمَه محبتی کا نسبت بِه اَمَه- بَس اِم خیرَه کاری کا نی گِردی کا سَرتَر بِبییَه.

نامَه اَفسوسی کلیسارا 5:17

بَس نادون مَبییَه، بَلکَم بِفهمَه که خِداوندی اِراده چَه.

نامَه کُولُسی کلیسا را 1:9

اِمی واسی، اَمَه نی اَ روزی نَه که اِمی دَرَسِمونه، شِمَه را دعا کَردِه کا دَس نِپِگتَمونه، بَلکَم هَمیشه خِدا کا پیستِمونَه تا چَیی اِرادَه آزونستِه نَه، هَر حِکمت و روحانی یَه فهمی کا پور بِبییَه؛

نامَه کُولُسی کلیسا را 3:10

و تازَه آدَمی خَلا دَکَردَرونه، که معرفت حقیقی کا هَر لحظه تازَه بَبی تا اِشتَن خالقی شیوار بِبو.

اوّلین نامَه تَسالونیکی کلیسا را 3:12

و هَتَه که چَمَه محبت، شِمَه را وِر آبو، خِداوند شِمَه محبتی یَندی نَه و گِردِ مردمی را وِر آکَرِه.

اوّلین نامَه تَسالونیکی کلیسا را 4:1

آخِرسَر بَس، اِی بِرااِن، اَمَه خِداوند عیسی کا شِمَه کا پیستِمونَه و مِنت بَکَردیمون، هَتَه که اَمَه کا شِمَه را آرَستَه که چِنتَه بَسی زِندگی بِکَرَه و خِدا راضی آکَرَه، هَتَه که کارا اَنجام بَدایرون، اِم کاری وِرتَر و وِرتَر بِکَرَه.

دوّمین نامَه تَسالونیکی کلیسا را 1:3

اِی بِرااِن، اَمَه بَسی همیشه خِدا شِمَه واسی شُکر بِکَرَم، دُرُست نی هِمَه، چوم شِمَه ایمان هِنتَه رُشد بَکَردی و شِمَه هَر کمیلَه محبت یَندی را وِرتَر بَبی.

نامَه فیلیمونیرا 1:6

و دعا بَکَردیم که اِشتِه ایمانی شریک بییِه، کمک بِکَرِه که هَر چاکَه چیی درباره که مسیح واسی چَمَه دیلَه کا دَرییَه، ایلَه تمام کمالَ آزونِستِه ثَمر بواَرِه.

نامَه، عِبرانیه نَتاجَه مسیحیونرا 5:14

امّا سَنگینَ غذا یالَ آدَمون شِنَه، کسونی را که وِرَه تمرین کَردِه نَه اِشتَن قدرت تشخیص دوعِه، تربیت کَردَشونَه تا بِشان چاک و بَدی تشخیص بِدَن.

پطروسی اوّلین نامَه 1:22

حِسَه که حقیقتی کا اِطاعت کَردِه نَه، شِمَه جانون پاک آکَردَرونه، تا بی ریایَه بِرااون نَه محبت بِدارَه، یَندی نَه خالِص و پاکَ دیلی نَه خِش بِبییَه.

پطروسی دومین نامه 3:18

بَلکَم چَمَه خِداوند و چَمَه نجات دهنده عیسایِ مسیح آزونِستِه و فیضی کا رُشد بِکَرَه، که حِسَه نَه تا اَبَد اَیی را جلال بِبو! آمین.