نامَه فیلیپی کلیسا را 1:27 - کتاب مقدس به زبان تالشی شمالی

²⁷ فَقَط بِدارَه شِمَه زِندگی رَوِش، مسیح اِنجیلی شَئنی کا بِبو، اَتَه که چِه بام شِمَه بِوینِم و چِه مام، شِمَه کا دَرَسِم که ایلَه روح کا پابَرجا ایرونه و یَک فیکر، یَندی نَه دوش بِه دوش، اِنجیل ایمانی واسی تَقّلا بَکَردیرون،

کتاب مقدس به زبان تالشي - گویش مرکزی

²⁷ تاکَه بَرزَ شمه زندَگی رَوش، مسیح اِنجیلی شَئنیکا ببو، تا چِه بام و شِمَه بِوینِم و چِه نام، شمَکا درَسِم کن شمه ایلَه روح کا آمبَستیرون و یَک فکر، دوش بَه دوش اِنجیلی ایمانیرا تقلا بَکَرون،

نامَه فیلیپی کلیسا را 1:27 Iomraidhean Croise

مَتّی 12:25

عیسی كه چَوون فیکری بَزنی اَوون نَه واتِشه: «هَر مَملیکتی كه اَیی کا دِ دَسته ای دَلَکِه از بِین بَشی، و هَر شهر یا کَ ایی کا که دِ دَسته ای دَلَکِه پا بَرجا نِمونِه.

رَسولون اَعمال 2:46

اَوِن هَر روز، معبدی کا یَندی نَه جَمع آبین و اِشتَن کَ اون کا نی نون پَله بَکَردین، خوشی نَه و دَس دیل بازَه دیلی نَه یَندی نَه غذا بَردین

رَسولون اَعمال 24:24

چَن روزَه پَش، فِلیکْس اِشتَن ژِن، دْروسیلا نَه که یَهودی بَه، اومَه و ویسا آکَردِشه پولسی دومله. اَ، پولسی گَفون که ایمان بِه عیسایِ مسیح درباره بَه،گوش دوشَه.

رَسولون اَعمال 4:32

گِردِ ایماندارِن یَکدیل و یَک جان بینَه و هیچکس چیی اِشتَن مال و مَنالی کا اِشتَن شِن نیمَزنی، بَلکَم گِردِ چیون کا یَندی نَه شریک بینَه.

رومی کلیسارا نامه 1:16

چوم از اِنجیلی کا عار نِدارِم، چیرا که اِنجیل خِدا قوّتَه، هَر کسی نجاتی را که ایمان بواَرِه، اوّل یَهود و دومله غِیریَهود.

رومی کلیسارا نامه 1:5

خِدا مسیح واسطه نَه اَمَه فیض دوشَه تا چَیی رسولون بِبییَم و گِردِ قومون راهنمایی بِکَرَم که مسیح نومی ایمان بواَرِن و اَیی کا اِطاعت بِکَرِن.

رومی کلیسارا نامه 1:9

چوم خِدایی که اَیی، چِمِن صِدقِ دیلی نَه، چَیی زوعَه اِنجیلی کاری کا خدمت بَکَردیم، چِمِن شاهدَه که چِنتَه هَمَش چِمِن دعا اون کا شِمَه ویر بواَردیم

رومی کلیسارا نامه 10:8

ولی اَ چِه بَواتی؟ اِم که «اِم کلامْ اِشتِه نِزدیکی کا، اِشتِه گَ کا، و اِشتِه دیلی کایَه.» اِم هَ ایمانی کلامَه که اَمَه اِعلام بَکَردیمون،

رومی کلیسارا نامه 15:16

که مسیحْ عیسی نوکر، غیریهودیون را بِبوم و خِدا اِنجیلی خدمت کَردِه را کاهِنَتی بِکَرِم، تا غیریهودیِن خِدا درگاه کا قابِلِ قبولَ هدیه ای بِبون که روح القدسی واسطه نَه تَقدیس بییَه.

رومی کلیسارا نامه 15:29

بَزنیم وختی که بام شِمَه وَر، مسیح بَرکتی نَه که فَت و فراوونَه بومَیم.

اوّلین نامَه قورَنتیانیرا 1:10

اِی بِرااِن، چَمَه خِداوند عیسایِ مسیح نومی واسی شِمَه کا خواهیشت بَکَردیم که یَندی نَه یَکدیل بِبییَه، و شِمَه دیلَه کا جِدایی مَبو، بَلکَم هَم فیکر کَردِه کا و هم رأی کا ایلَه بِبییَه.

اوّلین نامَه قورَنتیانیرا 15:58

بَس، چِمِن عَزیزَه بِرااِن، پابَرجا و بَرقرار بِبییَه، همیشه خِداوندی کاری وِرتَر و وِرتَر اَنجام بِدییَه، چوم که بَزنیرون خِداوندی کا شِمَه زحمت کَشِه اَلَکی نییَه.

دوومین نامه قرنتیانیرا 13:11

آخِرسَر، اِی بِرااِن، شاد بِبییَه. شِمَه فیکر اِم بِبو که هَنی قوت بِگِرَه، یَندی تَسلی بِدییَه، یَندی نَه همرأی بِبییَه، صلح و سلامتی کا زِندگی بِکَرَه؛ و خِدای محبت و صُلح و سلامتی، شِمَه نَه بَمَندی.

دوومین نامه قرنتیانیرا 4:4

اِم دورَه خِدا، بی ایمانون فیکری کور کَردَشه تا مسیح اِنجیلی جلالی نوری که خِدا دیمَه، مَوینِن.

دوومین نامه قرنتیانیرا 9:13

و اِم خِدمتی واسی مردم خِدا جلالی بَویندین، چوم که شِمَه نِه فقط اِعتراف بَکَردیرون مسیح اِنجیلی ایمان هِستِرونه، بَلکم اَوون و دییَرون اَ چیی دیلَه کا که هِستِرونه شریک بَکَردیرون.

نامه غلاطیَه کلیسارا 1:7

البته که ایلَه دییَر اِنجیلی نییَه، امّا کَسونی اِستینه که شِمَه پریشون بَکَردین و پیستِشونَه که مسیح اِنجیلی کا دَس بِبَرِن.

نامَه اَفسوسی کلیسارا 1:13

شِمَه نی اَیی کا، وختی که حقیقتی کلامی، که شِمَه هَ نجاتی اِنجیلَ دَرَسِرونَه و اَیی ایمان وَردِورنَه، روح‌ القدسِ موعودی نَه مُهر بیرونَه،

نامَه اَفسوسی کلیسارا 1:15

اِمی واسی هَتَه که از نی شِمَه تعریفی دَرَسِمَه که چِه ایمانی بِه عیسایِ خِداوند اِستِرونه و شِمَه محبتی بِه گِردِ مقدّسون دَرَسِمَه،

نامَه اَفسوسی کلیسارا 4:1

بَس از که خِداوندی واسی زِندانی کا ایمَه، خواهیشت بَکَردیم که شِمَه اَ دَعوتی شئنی کا که شِمَه کا بییَه، رفتار بِکَرِه،

نامَه فیلیپی کلیسا را 1:5

اَ همکاری واسی که مسیح اِنجیلی کاری دیلَه کا اوّلین روزی نَه تا بِه اوری هِستِرونه.

نامَه فیلیپی کلیسا را 2:12

بَس اِی عزیزِن، هَتَه که هَمیشه تابِع بَیرونه، حِسَه نِه فقط چِمِن پیشی کا، بَلکَم بَسی وِرتَر، چِمِن نِبییِه کا، شِمَه نجاتی را تَرس و لَرزی نَه عمل بِکَرَه،

نامَه فیلیپی کلیسا را 2:24

و خِداوندی کا مُطمئِنیمه که اِشتَن نی اَلبَحَل بومَیم.

نامَه فیلیپی کلیسا را 3:18

چوم که از چِندی کَرَه درباره چَوون شِمَه نَه واتِمَه، و حتی حِسَه نی اِسِرگ ویکَردِه نَه بَواتیم، وِر کَسِن، مسیح صلیبی دِشمنی شیوار رَفتار بَکَردین.

نامَه فیلیپی کلیسا را 3:20

حِسَه اَمَه آسِمونی شِنیمونه و خِداوند عیسایِ مسیح مُنتظریمونه که ایلَه نجات دَهنده یَه.

نامَه فیلیپی کلیسا را 4:1

بَس، اِی چِمِن بِرااِن که از شِمَه نَه خِشیمَه و مُشتاقیمه شِمَه بِوینِم، اِی که شِمَه چِمِن شادی و چِمِن سَری تاجییرونه، اِی عَزیزِن، اِنتَه خِداوندی کا قُرص بِبییَه.

نامَه کُولُسی کلیسا را 1:10

تا شِمَه رفتار، خِداوندی شَئنی کا بِبو و بِشایَه اَیی کاملا خوشحال آکَرَه: هَر چاک کاری کا ثمر بواَرَه و خِدا آزونستِه کا رُشد بِکَرَه

نامَه کُولُسی کلیسا را 1:4

چوم که اَمَه شِمَه ایمانی درباره مسیحْ عیسی کا و محبتی که گِردِ مقدّسون را هِستِرونه، دَرَسَمونه.

اوّلین نامَه تَسالونیکی کلیسا را 3:6

امّا حِسَه که تیموتائوس شِمَه وَری نَه آگَردِستَه چَمَه وَر و اَمَه را، شِمَه ایمان و محبتی خوشَ خَوَری وَردَشه و خَوَر دوشَه که شِمَه همیشه اَمَه چاکی نَه ویر بواَردیرون و چَمَه ویندِه را مشتاقی رونَه، هَتَه که اَمَه نی شِمَه ویندِه را مَشتاقی مونَه-

اوّلین نامَه تَسالونیکی کلیسا را 4:1

آخِرسَر بَس، اِی بِرااِن، اَمَه خِداوند عیسی کا شِمَه کا پیستِمونَه و مِنت بَکَردیمون، هَتَه که اَمَه کا شِمَه را آرَستَه که چِنتَه بَسی زِندگی بِکَرَه و خِدا راضی آکَرَه، هَتَه که کارا اَنجام بَدایرون، اِم کاری وِرتَر و وِرتَر بِکَرَه.

اوّلین نامَه تیموتائوسیرا 1:11

اَ تعلیمی که طبق خِدای متِوارکی پُرجلالَ اِنجیل، بَه مِن دَسپَرده بییَه.

اوّلین نامَه تیموتائوسیرا 1:19

ایمان و چاکَه وجدانی دَچیک. چیرا که بعضی اِن چِمون رَد آکَردِه نَه چَوون ایمانی کَشتی چَکَه.

دِوُّمین نامَه تیموتائوسیرا 4:7

از چاکَه جنگی کا جَنگِستَه ایمَه، چِمِن مسابقه تمون آکَردَمه و چِمِن ایمانی حفظ کَردَمه.

نامَه تیتوسیرا 2:10

دِزدی مَکَرِن، بَلکَم اِشتَن چاکَه ایمانی تمام کمال نیشون بِدَن تا هَر چیی کا چَمَه نجات دَهنده خِدا تعلیمی خوشگیلی، چاک نیشون بِدَن.

نامَه فیلیمونیرا 1:5

چوم از اِشتِه محبت و ایمانی درباره که خداوندْ عیسی و گِردِ مقدّسون را هِستِرَه، دَرَسِم،

یعقوبی نامَه 3:18

صالِح بییِه، محصولی اِستَه که صُلح و صفا کا، و صَلح جویَه آدَمون دَسی نَه کاشته بَبی.

پطروسی دومین نامه 3:11

اِمی واسی که گِردِ اِم چییِن کارا نابود بَبین، شِمَه بَسی چِنتَه رَه آدَمونی بِبییَه؟ شِمَه بَسی ایلَه مقدّس و دیندارَه زندگی بِدارَه،

پطروسی دومین نامه 3:14

بَس اِی عَزیزِن، حِسَه که اِم چییون مُنتظریرونه، تَقَّلا بِکَرَه تا چَیی نظری کا بی لَکه و بی عیب بِبییَه و صُلح و سلامتی کا بومونَه.

یهودا نامه 1:3

اِی عزیزِن، هَر چَن وِر اِشتیاقِم اِستبَه تا اَ نجاتی درباره که اَمَه گِرد اَیی کا سهم هِستِمونه شِمَه را بینیویسِم، امّا لازم ویندِمَه اِم چَند خطی نیویشته نَه، شِمَه کا بِپیم که اَ ایمانی کا که ایی کَرَه همیشه را دَسپَرده بییَه بِه مقدّسین، تَقَّلا بِکَرَه.