نامَه فیلیپی کلیسا را 1:17 - کتاب مقدس به زبان تالشی شمالی

¹⁷ امّا اَ اوّلین دَسته چِم و هَم چِمی واسی مسیح موعظه بَکَردین، نِه چاکَه نیّتی نَه، چوم خَیال بَکَردین که اِم کاری نَه زیندانی کا مِن عذاب بَداین.

کتاب مقدس به زبان تالشي - گویش مرکزی

¹⁷ اَمّا اَیِن زِرَ دوعِه خونِه مَسیح موعیظَه بکَن، نِه چاکَه نِییَّتینه، اِم خَیالینَه کن زیندانی دِلَکا بَمن عذاب دَرِن.

نامَه فیلیپی کلیسا را 1:17 Iomraidhean Croise

انجیل لوقا 21:14

بَس اِمی چاک شِمَه یادی کا بِدارَه که نارنارِه فیکر مَکَرَه که چِنتَه بَسی جواو بِدییَه.

رَسولون اَعمال 22:1

«اِی بِرا اِن و اِی دَده اِن، چِمِن دفاعیۀ ای که حِسَه شِمَه نَه بَواتیم، گوش بِدییَه.»

رَسولون اَعمال 26:1

آگْریپاسِ پاُتشا پولسی نَه واتِشه: «اِجازَه هِستِرَه اِشتَن کا دفاع بِکَری و گف بِژَنی.» اَ موقع پولس اِشتَن دَسی دراز آکَردِشه و اِنتَه شروع کَردِشه اِشتَن کا دفاع کَردِه، واتِشه:

رَسولون اَعمال 26:24

وختی پولس اِم گَفون نَه اِشتَن کا دفاع بَکَردی، فِستوس خِلِع ژَندِشَه: «پولس، تِه اِشتِه عقلی از دَس دوعَه رَه! وِرَه زونِستِه، تِه تور آکَردَشَه.»

رومی کلیسارا نامه 2:8

امّا خودخواهَ آدَمون را و کسونی را که حقیقتی کا اِطاعت نِکَرِن، بَلکَم ناراستی کا اِطاعت بَکَردین، غیض و غَضَبی ویکَرِه.

نامَه فیلیپی کلیسا را 1:18

بَس چِه؟ مهم اِمَه که هَر جوری یَه، مسیح اِعلام بِبو، چِه دُرست نیَّتی نَه، چِه نادُرستَ نیَّتی نَه! اَز اِمی واسی شادی بَکَردیم، ها، و هَنی شادی بَکَردیم،

نامَه فیلیپی کلیسا را 1:7

از اِم حَقی هِستِمَه که شِمَه گِردی دربارَه اِم اِحساسی بِدارِم، چیرا که چِمِن دیلی دیلَه کا جِگا هِستِرونه، چوم شِمَه گِرد مِنه خِدا فیضی کا شریکی رونه، هَم چِمِن زیندان دَلَکِه کا، و هَم اِنجیلی دفاع کَردِه کا و چَیی حقیقتی ثابت کَردِه کا.

نامَه فیلیپی کلیسا را 2:3

هیچ کاری مَنم مَنم و چِم هَم چِمی نَه مَکَرَه، بَلکَم فروتنی نَه خَلکی اِشتَن کا چاکتَر بِزونه.

اوّلین نامَه تیموتائوسیرا 2:7

چوم که اَز اِمی واسی مُعَین بیمَه تا غیر یهودیون را ایلَه تعلیم دَهنده و ایلَه رسول و ایلَه ایمانی معلّم حقیقتی کا بِبوم- حقیقتی بَواتیم و دوروع نِواجِم.

دِوُّمین نامَه تیموتائوسیرا 2:9

چِمی واسی یَه که ایلَه جِنایتکاری شیوار زنجیری کا ایمَه و کارا عذاب کَشِم، امّا خِدا کلام زنجیری کا نییَه.

دِوُّمین نامَه تیموتائوسیرا 4:16

چِمِن اوّلین دفاع کا، هیچکس چِمِن پِشت نِبَه، بَلکَم گِرد مِن ول آکَردِشونه. نَبادا اِم چَوون حساب نوعَه بِبو.