نامَه فیلیپی کلیسا را 1:10 - کتاب مقدس به زبان تالشی شمالی

¹⁰ تا بِشایَه اَ چیی که چاکتَرَه قبول بِکَرَه و مسیح روزی کا، پاک و بی‌عیب بِبییَه،

کتاب مقدس به زبان تالشي - گویش مرکزی

¹⁰ تا بِشاعَه اَ چیی ایی کن چاکترَ قبول بکرَ و مَسیح روجیکا پاجا و بی عَیب ببَه،

نامَه فیلیپی کلیسا را 1:10 Iomraidhean Croise

مَتّی 16:23

امّا عیسی آگَردَه پطرسی نَه واتِشه: «بَه مِن کا دور آبو اِی شیطان! تِه چِمِن راه مانع ایش تا مَشام چِمِن کارون اَنجام بِدَم، چوم اِشتِه فیکرِن اِنسانی اینَه، نِه خِدایی یَه فیکر.»

مَتّی 26:33

پطرس جَواو دوشَه: «حتی اَگم گِرد تِه تَنخا بَرزِن، اَز هَرگز تِه تَنخا نییَرزِم.»

یوحنا 1:47

عیسی ویندِشه نَتَنائیل چَیی طَرفی را بومَی، چَیی درباره واتِشه: «دَیِسه، ایلَه اسرائیلی حقیقی که اَیی کا هیچ مَکر و حیله ای نییَه!»

یوحنا 3:20

چوم هَر کسی که بَده کارون اَنجام بَدای نوری کا بیزارَه و نوری وَر نا، نَبادا چَیی کارِن آشکار آبون.

رَسولون اَعمال 24:16

اِمی واسی، همیشه تَقَّلا بَکَردیم تا خِدا و مردمی پیشی کا راحَتَه وجدانی نَه زندگی بِکَرِم.

رومی کلیسارا نامه 12:2

و دِ اِم دنیا شیوار مَبییه، بَلکَم شِمَه فیکری تازه آبییِه نَه عوض آبییَه. اَ موقع بَشایرون خِدا اِراده بِفَهمَه؛ خِدا دیلی باب و کاملَ اِراده.

رومی کلیسارا نامه 12:9

محبت بَسی خالِص بِبو. بَدی کا دوری بِکَرَه و مُحکم دَچیکَه اَ چیی که چاکَه.

رومی کلیسارا نامه 16:17

اِی بِرااِن، پیستِمَه شِمَه کا خواهیشت بِکَرِم اَ کسونی ویرا بِبییَه که جِدایی باعیث بَبین و شِمَه راه کا سَد بَناین و تعلیمی نَه که شِمَه یاد گِتَرونه، مخالفت بَکَردین؛ اَوون کا دوری بِکَرَه،

رومی کلیسارا نامه 2:18

و چَیی اِراده بَزنیش و چوم شریعتی کا تعلیم گِتَرَه، چاکترین چییون اِنتخاب بَکَردیش،

رومی کلیسارا نامه 7:16

امّا اَگم اَ چیی که نِپیستِمَه، اَنجام بَدایم، بَس قبول بَکَردیم که شریعت چاکَه.

رومی کلیسارا نامه 7:22

چوم اَز چِمِن باطنی دیلَه کا خِدا شریعتی کا کیف بَکَردیم،

رومی کلیسارا نامه 8:7

چوم که اَ آدَمی که اِشتَن فیکری جِسمی را بَنای خِدا نَه دِشمَنی بَکَردی، چیرا که خِدا شریعتی کا اِطاعت نِکَرِه و نیمَشا نی بِکَرِه،

اوّلین نامَه قورَنتیانیرا 1:8

اَ، تا آخِر شِمَه پابَرجا غَم بَردی، تا چَمَه خِداوند عیسایِ مسیح روزی کا بی تقصیر بِبییَه.

اوّلین نامَه قورَنتیانیرا 10:32

هیچ‌کسی ناراحت مَکَرَه، چِه یهودیون، چِه یونانیون و چِه خِدا کلیسا،

اوّلین نامَه قورَنتیانیرا 8:13

اِمی واسی، اَگم غذا چِمِن بِرا لَغزشی باعیث بِبو، هَرگز گوشت نییَرِم، نبادا که چَیی لَغزشی باعیث و بانی بِبوم.

دوومین نامه قرنتیانیرا 1:12

چوم چَمَه اِفتخار، چَمَه وجدانَه که گواهی بَدای، که اِم دنیا کا اَمَه رو راستی و صاف و صادقی نَه که خِدا کا یَه رفتار کَردِمونه، نِه آدَمی حِکمَتی نَه، بَلکَم خِدا فیضی نَه رفتار کَردَمونه مخصوصن شِمَه نَه.

دوومین نامه قرنتیانیرا 2:17

چوم که اَمَه اَ آدَمون شیوار نیمونه که منفعتی را خِدا کلامی خِرَشِن، بَلکَم اَمَه خِدا چِمی پیشی کا، مسیح کا گف ژَنَم. اَ آدَمونی شیوار که خالِصَه نیَّتون دارِن و خِدا طرفی کا ایینه.

دوومین نامه قرنتیانیرا 6:3

اَمَه هیچ سِنگی هیچکسی راه کا فِرآنِدییَم، تا چَمَه خِدمتی کا هیچ عیبی مَبو،

دوومین نامه قرنتیانیرا 8:8

از اِمی شِمَه را حکم نِکَرِم، بَلکَم پیستِمَه دییَرون غیرتی واسطه نَه ثابت بِکَرِم که شِمَه محبت بیدون دِدیمی یَه.

نامه غلاطیَه کلیسارا 5:11

ولی اِی بِرااِن، اَگم اَز حَلا خَتنَه کَردِه موعظه بَکَردیم، چیرا دِ اَذیت آزار بَویندیم؟ بَس اَگم اَتَه بَکَردیم دِ صلیبی پیغوم بِه کسی بَر نییَری.

نامَه اَفسوسی کلیسارا 4:15

بَلکَم حقیقتی واتِه محبتی نَه، هَر لحاظی کا چَیی قَدَر که سَر اِستَه، یعنی مسیح، رُشد بَکَردیمون.

نامَه اَفسوسی کلیسارا 5:10

تَقَّلا بِکَرَه بِفهمَه که چِه چیی خِداوندی راضی بَکَردی.

نامَه اَفسوسی کلیسارا 5:27

تا کلیسا اَ شکوهی نَه که هِستِشَه بواَرِه اِشتَن وَر، بیدون هیچ لک و چین و چروکی یا هَر چیی دییَری، تا کلیسا مقدّس و بی‌عیب بِبو.

نامَه اَفسوسی کلیسارا 6:24

چَیی فیض گِردِ کسونی نَه بِبو که چَمَه خِداوند عیسایِ مسیح نَه، اَ محبتی نَه خِشی نَه که از بِین نِشو.

نامَه فیلیپی کلیسا را 1:16

اِم دوّمین دَسته مُحبتی کا اِنتَه بَکَردین، چوم بَزنین که از اِنجیلی کا دفاع کَردِه واسی اییاکا نوعَه بَه ایمَه.

نامَه فیلیپی کلیسا را 1:6

و از مُطمئِنیمَه اَ که شِمَه دیلَه کا چاکَه کاری شروع کَردَشه، تا مسیح عیسی آگَردِستِه روز، اَیی کامل آکَرِه.

نامَه فیلیپی کلیسا را 2:16

زِندگی کلامی مُحکم غَم بَرَه تا مسیح آگَردِستَه روزی کا فَخر بِکَرِم که بیخودی ویریتَه نیمَه و بیخودی زحمت کَشَه نیمَه.

اوّلین نامَه تَسالونیکی کلیسا را 3:13

و شِمَه دیلون پابَرجا بِکَرِه، تا چَمَه خِداوند عیسی اومِه موقع اِشتَن گِردِ اِشتَن مقدّسون نَه، خِدا و چَمَه آسمونی یَه دَده پیشی کا، بی عیب و مقدّس بِبییَه.

اوّلین نامَه تَسالونیکی کلیسا را 5:21

بَلکَم گِردِ چییون آزمایش بِکَرَه؛ و اَ چیی که چاکَه، محکم دَچیکه.

اوّلین نامَه تَسالونیکی کلیسا را 5:23

حِسَه، خِدای صُلح و سلامتی، اِشتَن شِمَه تمام کمال تقدیس بِکَرِه، و شِمَه روح و جان و بَدَن تا چَمَه خِداوند عیسایِ مسیح اومِه موقع، بی‌عیب بومونِه.

یوحنا اوّلین نامَه 4:1

اِی عَزیزِن، هَر روحی باوَر مَکَرَه، بَلکَم روحون آزمایش بِکَرَه که خِدا کا اینه یا نِه. چوم وِر دروعَه پیغمبرونی دنیا کا اِستینه.

یوحنا موکاشیفَه 2:2

اِشتِه کارون بَزنیم و اِشتِه مقاومت و عذابون کا خَوَر داریمَه و بَزنیم که نیمَشای شَرورَه آدَمون تاو بواَری بَلکَم کسونی که اِشتَن رسول بَزنین ولی نینَه، اَوون اِمتحان کردَرَه و فَهمِستَرَه دروعَه واجی نَه.