نامَه فیلیپی کلیسا را 1:1 - کتاب مقدس به زبان تالشی شمالی

¹ پولُس و تیموتائوسی طرفی کا، که مسیحْ عیسی نوکری نَه: گِردِ مقدّسون را مسیحْ عیسی کا که فیلیپی شهری کا اینه، ناظِرِن و شَماسِن:

کتاب مقدس به زبان تالشي - گویش مرکزی

¹ پولوس و تیموتائوس، کن مسیح عیسی وَزییَرین، طَرَفیکا، بَه گِردِ شهر فیلیپیَه موقدَسِن کن مَسیح عیسی کاینَه، ناظیرِن و شَمّاسِن:

نامَه فیلیپی کلیسا را 1:1 Iomraidhean Croise

مَرقُس 13:34

اَ روزی اومِه، ایلَه مِردی شیوارَه که کارا بَشی سفر. اَ موقع که کَ نَه بَشی، اِشتَن کَ اِختیاری آدَه اِشتَن نوکَرون دَس و هَر کمیله ایلَه وظیفه‌ آدَه و بَره پا نی دستور بَدای که آگا بومونِه.

یوحنا 12:26

اَگم کسی مِن خدمت بِکَرِه، بَسی چِمِن دومله با؛ و جِگایی که اَز اِستیمَه، چِمِن خِدمتگذار نی اوآ کا بَبی. کسی که مِن خدمت بِکَرِه، دَده اَیی اَرج و قوبر بَدای.

رَسولون اَعمال 1:20

«مزامیری کتابی کا نیویشته بییَه: «”چَیی کَ خَراوَه بِبو و کسی اَیی کا زندگی مَکَرِه،“ و: «”چَیی مقام و منصبی ایی نفر دییَر ویِگِرِه.“

رَسولون اَعمال 20:28

شِمَه حَواس جَمع بِبو. شِمَه حواس گِردِ رَمَه اونی کا بِبو که روح القدس شِمَه چَوون نظارت کَردِه را اِنتخاب کَردَشه. خِدا کلیسا را که اِشتَن خونی نَه اَیی خِرییَشه، شوونَتی بِکَرَه.

رَسولون اَعمال 9:13

امّا حَنانیا جَواو دوشَه: «خِداوندا، وِر کَسون کا اِم مِردی درباره دَرَسَمَه که اِشتِه مقدسون اورشلیمی کا اَذیت آزار کَردَشه.

رومی کلیسارا نامه 1:1

پولُسی طرفی کا، مسیحْ عیسی نوکر، که رسالتی را دعوت بییَه و خِدا اِنجیلی را وَقف بییَه؛

رومی کلیسارا نامه 1:7

گِردِ کسونی را که رومی شهری کا اینه که خِدا اَوون نه خِشَه و دعوت بَیینه تا مقدّسون کا بِبون: فیض و صُلح و سلامتی چَمَه دَدَه، خِدا و عیسایِ مسیحِ خِداوندی طرفی کا، شِمَه را با.

اوّلین نامَه قورَنتیانیرا 16:10

وختی تیموتائوس اومَه، اَیینه جوری رفتار بِکَرَه که شِمَه دیلَه کا هیچ نِگرانی مَدارِه. چوم که اَ نی چِمِن شیوار خِداوندی کاری اَنجام بَدای؛

دوومین نامه قرنتیانیرا 1:1

پولُسی طرفی کا که خِدا پیسته نَه، مسیح عیسی رسولَه، و چَمَه بِرا کا تیموتائوس، خِدا کلیسا را قُرِنتُسی شهری کا، و گِردِ مقدسون را، اَخائیه ولایتی سَرتاسری کا:

نامه غلاطیَه کلیسارا 1:10

یعنی حِسَه از مردمی تائیدی دومله کاایمَه یا خِدا تائید؟ یا تَقَّلا بَکَردیم که مردمی راضی آکَرِم؟ اَگم هِنتَه مردمی راضی آکَردِه دومله کا بیمَه، مَسیح خادم نِبیم.

نامه غلاطیَه کلیسارا 3:26

چوم که مسیحْ عیسی کا، شِمَه گِرد، ایمانی واسطه نَه، خِدا زوعَه اِن اِستیرونه.

نامه غلاطیَه کلیسارا 3:28

دِ نِه یَهودی مَعنی هِستِشه نِه یونانی، نِه نوکَر نِه آزاد، نِه مِرد نِه ژِن، چوم شِمَه گِرد مسیحْ عیسی کا ایلَه ایرونه.

نامَه اَفسوسی کلیسارا 1:1

پولُسی طرفی کا کِه خِدا پیستَه نَه مسیحْ عیسی رسول اِستَه، مقدّسینی را که اَفِسُسی شهری کا مَندینه، کسونی را که مسیحْ عیسی کا وَفاداری نَه:

نامَه اَفسوسی کلیسارا 1:15

اِمی واسی هَتَه که از نی شِمَه تعریفی دَرَسِمَه که چِه ایمانی بِه عیسایِ خِداوند اِستِرونه و شِمَه محبتی بِه گِردِ مقدّسون دَرَسِمَه،

نامَه اَفسوسی کلیسارا 6:24

چَیی فیض گِردِ کسونی نَه بِبو که چَمَه خِداوند عیسایِ مسیح نَه، اَ محبتی نَه خِشی نَه که از بِین نِشو.

نامَه فیلیپی کلیسا را 2:19

خِداوند عیسی کا اُمید هِستِمه که هِم زودییون تیموتائوسی ویسا آکَرِم شِمَه وَر تا شِمَه اَحوالاتی کا خَوَر دار بِبوم و چِمِن دیل‌ شاد آبو.

نامَه فیلیپی کلیسا را 2:5

هَ فیکرونی بِدارَه که مسیحْ عیسی داری:

نامَه فیلیپی کلیسا را 3:12

نِه اِم که تا حِسَه اِمون چِمِن شِن کَردَمَه یا کامل آبَیمَه، بَلکَم اِشتَن بَشیم ناری را تا اَیی بِه دَس بواَرِم چوم که مسیحْ عیسی مِن اِشتَن شِن کَردَشه.

نامَه فیلیپی کلیسا را 3:3

چوم خَتنَه بییَه، اَمَه ایمونه که خِدا روح نَه پرستش بَکَردیمون، و مسیح عیسی کا فخر بَکَردیمون و چَمَه تَکیَه جِسمی سَر نییَه-

نامَه فیلیپی کلیسا را 3:8

راس راسی، از گِردِ چییون اِمی واسی که چِمِن خِداوند مسیحْ عیسی آزونستِه را، گِردِ چییون کا کَفاتَرَه، ضَرر بَزنیم. چَیی واسی نی گِردِ چییون از دَس دوعَمَه و اِمون گِردی هیچ بَزنیم تا چِمِن نفع مَسیح بِبو،

اوّلین نامَه تَسالونیکی کلیسا را 1:1

پولُس و سیلاس و تیموتائوسی طرفی کا، تَسالونیکی شهری کلیسا را که خِدای دَده و چَمَه خِداوندْ عیسای مسیح کا اِستینه: فیض و صُلح و سلامتی شِمَه را با.

اوّلین نامَه تَسالونیکی کلیسا را 2:2

بَلکَم هَر چَن پیشتَری، فیلیپی شهری کا عذاب کَشِمونه و اَمَه نَه بَدی کَردِشونه جوری که خجالت آور بَه، هَتَه که بَزنیرون، امّا اَمَه، چَمَه خِدا کمکی نَه جرئَت کَردِمونه تا خِدا اِنجیلی وِرَه مُخالفون دیلَه کا شِمَه را اِعلام بِکَرَم.

دوّمین نامَه تَسالونیکی کلیسا را 1:1

پولُس و سیلاس و تیموتائوسی طرفی کا، تَسالونیکی شهری کلیسا را، که چَمَه دَده خِدا و خِداوندْ عیسایِ مسیح کا اِستینَه:

دوّمین نامَه تَسالونیکی کلیسا را 1:10

هَتَه که اَ، اَ روزی کا بومَی اِشتَن ایماندارون دیلَه کا جلال بَگَتی، و گِردِ کسونی دیلَه کا که اَیی ایمان وَردَشونه، مات بَبین و شِمَه نی اَوون نَه بَبیرون، چیرا که چَمَه شهادتی ایمان وَردَرونه.

اوّلین نامَه تیموتائوسیرا 1:2

تیموتائوسی را، چِمِن حقیقی یَه زوعَه ایمانی کا: فیض و رَحمت و صُلح و سلامتی خِدای دَده طرفی کا و چَمَه خِداوند مسیحْ عیسی کا شِمه را با.

اوّلین نامَه تیموتائوسیرا 3:8

اِنتَه نی شَماسِن بَسی باوَقار بِبون، دِ دیم مَبون، شَراوی گیریفتار مَبون، نادُرستَ سودی را حِرص مَژَنِن.

نامَه تیتوسیرا 1:1

پولُسی طرفی کا، خِدا نوکر و عیسایِ مسیح رسول، که تعیین بیمَه تا خِدا اِنتخاب بییَه اون ایمانی تقویت بِکَرِم و اَ حقیقتی که دینداری نَه مطابقَه بوآجِم،

نامَه تیتوسیرا 1:7

چوم که ایلَه ناظر که خِدا مُباشِرَه، چَیی زندگی کا نَبی چیی بِبو که چَیی واسی سرکوفت بَرِه. اَ نَبی مغرور بِبو یا تِند اَخلاق یا عَرقَ هَر بِبو یا زورگو بِبو یا پولی را حرص بِژَنِه،

نامَه فیلیمونیرا 1:1

پولُسی طرفی کا، مسیحْ عیسی زندانی، و چَمَه بِرا تیموتائوس، چَمَه عزیزَه همکار فیلیمونی را،

نامَه، عِبرانیه نَتاجَه مسیحیونرا 13:23

بِزونَه که چَمَه بِرا تیموتائوس آزاد آبییَه. اَگم اَ، زو با، اَیی نَه بومَیم و شِمَه بَویندیم.

یعقوبی نامَه 1:1

یعقوبی طَرفی کا، خِدا و عیسایِ مسیحِ خِداوندی نوکر، دونزَه گِله قبیله را که دییَر جِگا اون کا وِلا اینه. سلام!

پطروسی اوّلین نامَه 2:25

چوم که شِمَه گوسَندونی شیوار بیرونَه که اِشتَن راه ژون آکَردَشون بَه، امّا حِسَه آگَردِستَه ایرونَه شِمَه شوونَه و جانون ناظری طرفی را.

پطروسی دومین نامه 1:1

شَمعون پطرسی طرفی نَه، عیسایِ مَسیح رسول و نوکر، کسونی را که خِدا عدالتی واسطه نَه و چَمَه نجات دَهنده عیسایِ مسیح، ایمانی چَمَه ایمانی شیوار چَوون نصیب بَه:

یهودا نامه 1:1

یهودا طرفی کا، عیسی مسیح نوکر و یعقوبی بِرا، کسونی را که دعوت بَیینه و خِدای دَده کا عزیزگِرامی اینه، و کسونی که عیسایِ مسیح واسی حفظ بَیینه:

یوحنا موکاشیفَه 1:1

عیسایِ مسیح مکاشفه، که خِدا اَیی آدوشَه تا اَ چیونی که بَسی هِم زودیون اِتِفاق دَلَکِه، اِشتَن نوکَرون نیشون بِدَه. اَ، اِمی اِشتَن ملائیکه ویسا آکَردِه نَه، اِشتَن نوکر یوحنا را، آشکار آکَردِشَه.

یوحنا موکاشیفَه 1:20

اَ هفت گِله ستاره، که چِمِن راستَه دَسی کا ویندِرَه و اَ هفت گِله طِلا چِراپوعَه سِرّ اِمَه: اَ هفت گِله ستاره، اَ هفت گِله کلیسا ملائیکه اِنی نَه، و اَ هفت گِله چراپوعَه، هَ هفت گِله کلیسا.

یوحنا موکاشیفَه 19:10

دومله چَیی پا پیشی کا بَلَکیمَه تا اَئی پرستش بِکَرِم. امّا اَ مِنَه واتِشه: «اِنتَه مَکَه! چوم که از، تِه و اِشتِه بِرااون نَه که عیسی شهادتی دوعِه مُحکم دَچیکَه ای نَه، هَم خِدمَتی ایمَه. خِدا پرستش بِکَه!» چوم عیسی شهادتی دوعِه، نبوّتی روحَه.

یوحنا موکاشیفَه 2:12

«پِرگامومی کلیسا ملائیکه را بینیویس: «اَ که دِ دَمَه تیجَه شمشیری هِستِشَه، اِنتَه بَواتی:

یوحنا موکاشیفَه 2:8

«اِسمیرنا کلیسا ملائیکه را بینیویس: «اَ که اوّلَ و اَ که آخِرَه، اَ که مَردَه و زِندَه آبَه، اِنتَه بَواتی:

یوحنا موکاشیفَه 22:9

امّا ملائیکه مِنَه واتِشه: «اَتَه مَکَه! از نی اِشتِه شیوار و اِشتِه بِرا اون شیوار، یعنی پیغمبرون، و کسونی که اِم کتابی کلامی انجام بَداین، همخِدمتیمَه. خِدا پرستِش بِکَه.»