مَرقُس 6:2 - کتاب مقدس به زبان تالشی شمالی

² وختی مقدّس شنبه روز بَه، عیسی عبادتگاه کا دَمَنده تعلیم دوعِه. وِر کَسِن چَیی گفون دَرَسِه کا مات و مبهوت بینَه و بَواتین: «اِم مِرد اِم چییون کیا کا یاد گِتَشه؟ اِم چِه حکمتی یَه که اَیی آدوعَه بییَه؟ و اِمِن چِه معجزه اونی اِستینه که چَیی دَسی نَه اَنجام بَبی؟

کتاب مقدس به زبان تالشي - گویش مرکزی

² وقتی موقَدَسَه شَنبَه روج آرَستَه، عیسی عیبادَتگا کا دَمَندَ آموج دوعِه. خَیلییِن عیسی گَفون دَرَستِه خونِه حَیرون آبَه بین. اَیِن اَواجینَه: «اِم مِرد گردِ اِم چییون کِرَم جِگاکا آموتَشَه؟ اِم چِه حیکمَتیَه کن بَی عَطا بَیه؟ و اِمِن چِه مُعِجیزَ اِنینَه کن چَی بالینَه اَنجوم بَبی؟

مَرقُس 6:2 Iomraidhean Croise

مَتّی 4:23

عیسی جلیلی ولایتی گِردی،گَردی و یهودییون عبادتگاه اون کا دَرس بَدای و خِدا پاُتشایی شادَه خَوَری اِعلام بَکَردی و مردمی هَر جورَه درد و مرضی شفا بَدای.

مَتّی 7:28

وختی عیسی اِم گفون تمون آکَردِشَه، مردم چَیی تعلیمون کا مات آبَه بینَه،

مَرقُس 1:39

بَس عیسی راه دَلَکه و شَه جَلیلی ولایَتی اِم سَر تا اَ سَری را. عیسی چَوون عبادتگاه اون کا تعلیم بَدای و دیوون آدَمون کا بِرون بَرکَری.

مَرقُس 10:1

عیسی کَفَرناحومی نَه شَه بِرون و شَه یهودیه نواحی و اُردن رِواری اَ طرفی را. جماعت هَنی چَیی دور جمع آبینَه، و عیسی اِشتَن همیشگی یَه عادتی شیوار، اَوون تعلیم بَدای.

انجیل لوقا 2:47

هر کسی چَیی گفون دَرَسی، چَیی فهمی کا و چَیی جَواوونی کا که بَدای، تعجب بَکَردی.

انجیل لوقا 4:15

عیسی یهودییون عبادتگاه اون کا دَرس بَدای، و گِرد مردم اَیی کا تعریف بَکَردین.

یوحنا 6:42

اَوِن واتِشونَه: «مَگم اِم مِرد، عیسی، یوسفی زوعَه نییَه که اَمَه چَیی دَده نَنه آزونَم؟ بَس چِنتَه حِسَه بَواتی، ”آسِمونی کا اومَیمه“؟»

یوحنا 7:15

یهودییِن تعجب کَردِشونَه، دَفَرسین: «اِم مِرد که تعلیم گِتَه نیشَه، چِنتَه بَشای اِنتَه رَه دانِشی بِداره؟»