مَرقُس 5:2 - کتاب مقدس به زبان تالشی شمالی

² هِنتَه که عیسی لوتکا کا ویرمَه، ایلَه مِردی که پلیده روح گیرفتار بَه، قبرستونی کا بِرون اومَه و عیسی نَه دیمادیس بَه.

کتاب مقدس به زبان تالشي - گویش مرکزی

² هِنتَه کن عیسی لاتیکَکا ویرمَه، ایلَه مِردی کن شَیطونیَه روحی بَی ویلاخِنیَش بَه، قَوراسونیکا بِرِن بَرمَه و عیسی نَه سَراسَر بَه.

مَرقُس 5:2 Iomraidhean Croise

مَرقُس 1:23

اَ موقع، چَوون عبادتگاه کا مِردی بَه که روح پلیدِش اِستبَه. اَ خِلِع بَکَردی:

مَرقُس 1:26

اَ موقع پلیده روح اَ مِردَکی بَرک تکان دوشَه و ناره‌کَشون اَ مِردی کا بِرون اومَه.

مَرقُس 3:30

عیسی اِم گف اِمی واسی بَه که بَواتین: «عیسی پلیدَه روح هِستِشَه.»

مَرقُس 3:9

جماعتی وِر بییِه واسی، عیسی اِشتَن شاگِردون نَه واتِشه اَیی را لوتکایی حاضیر آکَرِن، تا نبادا مردم هَر طرفی نَه اَیی فشار بواَرِن.

مَرقُس 4:1

هَنی عیسی دریاچه کناری کا دَمَنده تعلیم دوعِه. یالَه جماعتی عیسی دوری گِتَشون بَه اِنتَه که ناچار بَه لوتکایی دَنِشه که دریاچه کا بَه و اوآکا نِشتَه، و گِرد جماعت دریاچه وَری کا، خِشکی کا بینَه.

مَرقُس 4:36

اَوِن جماعتی وَری نَه شینَه و عیسی هَ لوتکایی نَه که اَیی کا بَه، اِشتَن نَه بَردِشونَه. چَن گِله دییَر لوتکا نی اَئی نَه شینَه.

مَرقُس 5:21

عیسی هَنی لوتکا نَه شَه آوی اَ طرفی را. دریاچه کَناری کا، وِرَه جماعتی چَیی دوری کا جمع آبینَه.

مَرقُس 5:3

اَ مِرد قَبرِستونی کا زندگی بَکَردی و دِ کسی نیمشَای حتی زِنجیری نَه نی اَیی دَوِندی.

مَرقُس 5:8

چوم عیسی اَیی نَه بَواتی: «اِی پلیده روح، اِم مِردی کا بِرون بِری!»

مَرقُس 7:25

ایلَه ژِنی که چَیی روکَ کِلَه پلیدَه روح داری، وختی عیسی درباره دَرَسِشَه، اَلبَحَل اومَه و عیسی پا دَلَکه.

انجیل لوقا 8:27

هِنتَه که عیسی اِشتَن پا نوشه ساحِلی کا، ایلَه تور و دیوونه مِردی نَه دیمادیس بَه که اَ شهری شِن بَه. وِر وخت بَه که اَ مِرد نِه خَلا دَکَردَش بَه و نِه کَیی کا زندگی کَردَش بَه، بَلکَم قَبرستونی کا بَمَندی.

انجیل لوقا 9:42

هَتَه که اَ زوعَه بومَی، دیو اَیی زَمین ژَندِشَه و تَشنج دَرفَندِشه. امّا عیسی اَ پَلیده روح را زِرَه گِتِشه و اَ زوعَه شَفا دوشَه و اَیی آگاردِنیشه چَیی دَده.