مَرقُس 4:2 - کتاب مقدس به زبان تالشی شمالی

² عیسی مَثَّلون نَه، وِرَه چیون اَوون آموتِشه. اَ اِشتَن تعلیمی کا اَوون نَه واتِشه:

کتاب مقدس به زبان تالشي - گویش مرکزی

² عیسی مَثَلونَّه، وِرَ چییون اَوون آموج اَدَریَه. اَ اِشتَن آموجیکا اَیِنِش واتَه:

مَرقُس 4:2 Iomraidhean Croise

مَتّی 13:10

اَ موقع عیسی شاگِردِن اومینَه چَیی وَر، دَفَرسِشونَه: «چیرا مَردمی را مَثَّلون نَه گَف ژَنی؟»

مَتّی 13:3

دومله عیسی مَثَّلون نَه وِرَه چییونی اَوون را واتِشه. اَ واتِشه: «ایی روز ایلَه کَشاوَرز دونَه پِشَنده را شَه بِرون.

مَتّی 7:28

وختی عیسی اِم گفون تمون آکَردِشَه، مردم چَیی تعلیمون کا مات آبَه بینَه،

مَرقُس 10:1

عیسی کَفَرناحومی نَه شَه بِرون و شَه یهودیه نواحی و اُردن رِواری اَ طرفی را. جماعت هَنی چَیی دور جمع آبینَه، و عیسی اِشتَن همیشگی یَه عادتی شیوار، اَوون تعلیم بَدای.

مَرقُس 12:1

دومله عیسی دَمَنده مَثَّلون نَه اَوون نَه گَف ژندِشه و واتِشه: «ایلَه مِردی بَه که ایلَه اَنگِرَه باغی وَج آکَردِشه و چَیی دوری حَصار دَچیندِشه. اَ، باغی دیلَه کا ایلَه چاچَه وَج آکَردِشه اَنگِری لِه آکَردِه را و ایلَه برجی وَج آکَردِشه نگهبانی دوعِه را. دومله باغی اِجاره دوشَه چَن گِلَه باغَوونون و اِشتَن شَه ایلَه دییَر مملکتی را.

مَرقُس 12:38

بَس عیسی اِشتَن تعلیمی کا واتِشه: «توراتی معلمون کا دوری بِکَرَه که اَوِن خِشی نَه بِلندَه اَبا اون نَه راه بِشون و خِشی نَه مردم، کوچه بازارون کا اَوون را سلام بِکَرن،

مَرقُس 3:23

عیسی اَوون دَخوندِشه اِشتَن وَر و اَوون را مَثَّلونی وَردِشه و واتِشه: «چِنتَه ممکنَه که شیطان، شیطانی بِرون بَرکَرِه؟

مَرقُس 4:11

عیسی اَوون نَه واتِشه: «خِدا پاُتشایی سِرّ شِمَه آدوعَه بییَه، امّا بِرونی مردمی را، گِرد چییِن مَثَّلون نَه واتَه بَبی؛

مَرقُس 4:3

«گوش بِدییَه! ایلَه کَشاوَرز دونه پِشَنده را شَه مزرعه.

یوحنا 18:19

اَ موقع کاهن اَعظم عیسی کا، چَیی شاگِردون و چَیی تعلیمون درباره دَفرسِشه.