مَرقُس 4:11 - کتاب مقدس به زبان تالشی شمالی

¹¹ عیسی اَوون نَه واتِشه: «خِدا پاُتشایی سِرّ شِمَه آدوعَه بییَه، امّا بِرونی مردمی را، گِرد چییِن مَثَّلون نَه واتَه بَبی؛

کتاب مقدس به زبان تالشي - گویش مرکزی

¹¹ عیسی اَیِنِش واتَه: «خدا پادیشاهی راز بَه شِمَه عَطا آبَه یَه، ولی بِرنی آدَمونرا، گِردِ چییِون میثالونَّه واتِه بَبی؛

مَرقُس 4:11 Iomraidhean Croise

مَتّی 11:25

هَ موقع عیسی واتِشه: «اِی دَده، اِی آسِمون و زمینی خِداوند، تِه شُکور بَواتیم كه اِم چییون، دانایون و عاقل آدَمون کا نِین آکَردَرَه و خِردَنون را آشکار آکَردَرَه.

مَتّی 13:16

«امّا خَسَه بِبو شِمَه چِمون چوم که بَویندین و شِمَه گوشون چوم که دَرَسِن.

مَتّی 16:17

عیسی واتِشه: «اِی شَمعون، یونا زوعَه! خَسَه تِه بِبو! چوم اِنسان، اِمی بَه تِرا آشکار آکَردَه نیشَه، بَلکَم چِمِن آسِمونی یَه دَده اِمی بَه تِرا آشکار آکَردِشه.

مَرقُس 3:23

عیسی اَوون دَخوندِشه اِشتَن وَر و اَوون را مَثَّلونی وَردِشه و واتِشه: «چِنتَه ممکنَه که شیطان، شیطانی بِرون بَرکَرِه؟

مَرقُس 4:10

وختی که عیسی تنخا بَه، اَ دونزَه گِله شاگِرد و کسونی که چَیی دور و وَری کا بینَه، مَثَّلون درباره اَیی کا سوال دَفَرسِشونَه.

مَرقُس 4:2

عیسی مَثَّلون نَه، وِرَه چیون اَوون آموتِشه. اَ اِشتَن تعلیمی کا اَوون نَه واتِشه:

انجیل لوقا 8:10

عیسی واتِشه: «خِدا پاُتشایی سِرّون دَرک کَردِه شِمَه آدوعَه بییَه، امّا خَلکی نَه مَثَّلون نَه گَف ژَنِم، تا: «”دَیسِن امّا چیی مَوینِن؛ دَرَسِن امّا چیی مَفَهمِن.“

اوّلین نامَه قورَنتیانیرا 4:7

چوم کی تِه ایی جور دییَر بَویندی؟ چِه چی هِستِره که بَه تِن آدوعَه بَه نییَه؟ بَس اَگم بَه تِن آدوعَه بییَه، چیرا جوری اِفتخار بَکَردیش که اِنگاری اِنتَه نییَه؟

دوومین نامه قرنتیانیرا 4:6

چوم هَ خِدایی که واتِشَه: «نور تاریکی دیلَه کا دَتاوِه،» اِشتَن نوری چَمَه دیلون کا دَتاوِستِشه تا خِدا جلالی آزونِستِه نَه مسیح دیمی کا، اَمَه نورانی آکَرِه.

نامَه اَفسوسی کلیسارا 1:9

اَ اِشتَن اِراده سِرّی بَمون آزونیشَه. بینا بَر اِشتَنِش پیستَه که مسیح کا آشکار آکَردِشه.

نامَه کُولُسی کلیسا را 4:5

کلیسا بِرونی مردمی نَه حکیمونه رَفتار بِکَرَه و هَر فُرصَتی کا چاک اِستفادَه بِکَرَه.

اوّلین نامَه تَسالونیکی کلیسا را 4:12

تا کسونی پیشی کا که کلیسا بِرونی کا اینَه دُرستی نَه زندگی بِکَرَه و هیچکسی محتاج مَبییَه.

اوّلین نامَه تیموتائوسیرا 3:7

بِعَلاوَه، اَ بَسی کلیسا بِرونی مردمی دیلَه کا نی خوشنوم بِبو تا رِسوا مَبو و اِبلیسی تَلَه کا مَدَلَکِه.

یوحنا اوّلین نامَه 5:20

هِنته نی بَزنیمون که خدا زوعَه اومَه و بَمون فهم آدوعَشه تا اَیی که حقیقتَه آزونَم، و اَمَه اَیی کا ایمونه که حقیقتَه، یعنی چَیی زوعَه، عیسی مسیح کا. اَ، خِدای حقیقی و اَبَدی یَه زندگی اِستَه.