مَرقُس 4:1 - کتاب مقدس به زبان تالشی شمالی

¹ هَنی عیسی دریاچه کناری کا دَمَنده تعلیم دوعِه. یالَه جماعتی عیسی دوری گِتَشون بَه اِنتَه که ناچار بَه لوتکایی دَنِشه که دریاچه کا بَه و اوآکا نِشتَه، و گِرد جماعت دریاچه وَری کا، خِشکی کا بینَه.

کتاب مقدس به زبان تالشي - گویش مرکزی

¹ اییکَرَ دییَر عیسی دَیراچَه کَناریکا، دَمَندَ آموج دوعِه و یالَه جَماعَتی عیسی دووری گَتَشون بَه اَنَ کن ناچاریرا لاتیکَه ایکا دَنِشتَه کن دَیراچَکا بَه و چَی سَریکا نِشتَه، و جَماعت گرد دَیراچَه کَناریکا، خشکیکا بین.

مَرقُس 4:1 Iomraidhean Croise

مَرقُس 2:13

عیسی هَنی شَه دریاچه کَنار. گِردِ جماعت کارا بومَین چَیی وَر و عیسی اَوون تعلیم بَدای.

مَرقُس 3:7

دومله عیسی اِشتَن شاگِردون نَه شَه دریاچه کَنار. یالَه جماعتی جلیلی ولایَتی کا، یهودیه ولایَتی کا،

مَرقُس 3:9

جماعتی وِر بییِه واسی، عیسی اِشتَن شاگِردون نَه واتِشه اَیی را لوتکایی حاضیر آکَرِن، تا نبادا مردم هَر طرفی نَه اَیی فشار بواَرِن.

مَرقُس 4:36

اَوِن جماعتی وَری نَه شینَه و عیسی هَ لوتکایی نَه که اَیی کا بَه، اِشتَن نَه بَردِشونَه. چَن گِله دییَر لوتکا نی اَئی نَه شینَه.

مَرقُس 5:2

هِنتَه که عیسی لوتکا کا ویرمَه، ایلَه مِردی که پلیده روح گیرفتار بَه، قبرستونی کا بِرون اومَه و عیسی نَه دیمادیس بَه.

مَرقُس 5:21

عیسی هَنی لوتکا نَه شَه آوی اَ طرفی را. دریاچه کَناری کا، وِرَه جماعتی چَیی دوری کا جمع آبینَه.