مَرقُس 3:8 - کتاب مقدس به زبان تالشی شمالی

⁸ اورشلیمی شهری کا، اَدومیَه ولایَتی کا، اُردن رِواری اَ وَری کا و صور و صیدونی منطقه اون دور و بَری کا، راه دَلَکینه عیسی دومله. وختی اَ یالَه جماعت عیسی گِرد کارون خَوَری دَرَسِشونَه، اومینَه چَیی وَر.

کتاب مقدس به زبان تالشي - گویش مرکزی

⁸ شهر اورشَلیمیکا، وِلَتِه اَدومیَه کا، اوردونی رباری اَوَریکا و منطَقه اِنِه صور وصیدونی اَطرافیکا، عیسی دوملَه رادَگِنستین. اَ یالَه جَماعت وقتی گِردِ عیسی کارِنشون دَرَستَه چَی وَر آمین.

مَرقُس 3:8 Iomraidhean Croise

مَتّی 11:21

عیسی واتِشه: «وای بَر شِمَه، اِی خورَزینی اَهالی! وای بَر شِمَه، اِی بِیت‌صِیدا اَهالی! چوم اَگم معجزه اونی كه شِمَه کا اَنجام بَه، صور و صیدونی شهرون کا اَنجام بِبی، اَ شهرون مردم خیلی زمان پیش کیل دَکَرین و خاکِستری کا نِشین و توبَه کَرین.

مَتّی 4:25

وِرَه جماعتی جلیلی ولایت و دِكاپولیسی مَنطقه کا، اورشلیمی شهر و یهودیه ولایت و اُردنی رِواری اَ طرفی کا، عیسی دومله راه دَلَکینَه.

مَرقُس 7:24

عیسی اوآ نَه اومَه بِرون و شَه صور و صِیدونی منطقه اون را. عیسی دَشَه ایلَه کَ ایی دیلَه؛ و نِپیستِشه کسی خَوَر دار بِبو که اَ اوآکا یَه. امّا هَنی نِشاستِشه اِشتَن نِین آکَرِه.

مَرقُس 7:31

دومله عیسی صوری منطقه کا آگَردَه و صِیدونی راه نَه جلیلی دریاچه طرفی را شَه. اَ، دِکاپولیسی منطقه کا دَوییَری.

انجیل لوقا 6:17

عیسی اَوون نَه کوه کا اومَه جیر و هَمواره زَمینی کا مَندَه. وِرَه جماعتی چَیی شاگِردِنون کا و وِرَه مردمی، گِرد یهودیه ولایت، اورشلیمی شهر و صور و صیدونی ساحلی یَه شهرون کا، اوآکا مَندَه بینَه.