مَرقُس 2:1 - کتاب مقدس به زبان تالشی شمالی

¹ چَن روزه پَش، وختی عیسی هَنی اومَه کَفَرناحومی شهری را، مردم خَوَردار بینَه که عیسی کَ کا مَندَه.

کتاب مقدس به زبان تالشي - گویش مرکزی

¹ چَن روجی بَه دوملَه، وَقتی عیسی شهر کَفَرناحومیرا ویگَردِستَه، مردوم خَبَردار آبین کن عیسی کَکارَ.

مَرقُس 2:1 Iomraidhean Croise

مَتّی 4:13

دومله عیسی، ناصره شهری ترک کَردِشَه، اوآنَه شَه کَفَرناحومی شهری را و اوآکا مَنده. کَفَرناحوم، جلیلی دریاچه کناری کا و زِبولون و نَفتالی نواحی کا بَه.

مَتّی 9:1

عیسی لوتکا دَنِشته و شَه دریاچه اَ طرف، اِشتَن شهری را.

مَرقُس 1:45

امّا اَ مِرد شَه بِرون، دَمَندَه آزادی نَه اِم اِتِفاقی درباره گَف ژَندِشَه و چَیی خَوَری پخش آکَردِشه. اِمی واسی عیسی دِ نیمَشای آشکارا بِشی شهری را، بَلکَم شهری بِرونی خَلوتَ جِگا اون کا بَمَندی و مَردم گِرد جِگا اون کا بومَین عیسی وَر.

مَرقُس 2:2

وِرَه گروهی جمع آبینَه، اِنتَه که حتی بَری پیشی کا نی دِ جِگا نِبَه، و عیسی خِدا کلامی اَوون را تعلیم بَدای.

مَرقُس 3:20

دومله عیسی شَه کَ و هَنی جماعتی جمع آبینَه، جوری که عیسی و چَیی شاگِردِن حتی نیمَشاین غذا بَرین.

مَرقُس 7:17

وختی عیسی مردمی وَری نَه شَه کَ، چَیی شاگِردِن اِم مَثَّلی معنی اَیی کا دَفَرسِشونَه.

مَرقُس 7:24

عیسی اوآ نَه اومَه بِرون و شَه صور و صِیدونی منطقه اون را. عیسی دَشَه ایلَه کَ ایی دیلَه؛ و نِپیستِشه کسی خَوَر دار بِبو که اَ اوآکا یَه. امّا هَنی نِشاستِشه اِشتَن نِین آکَرِه.

مَرقُس 9:28

وختی عیسی شَه کَ، چَیی شاگِردِن خَلوتَکی اَیی کا دَفَرسِشونَه: «چیرا اَمَه نِشاستِمونَه اَ روح بَرکَرَم؟»

انجیل لوقا 4:23

عیسی اَوون نَه واتِشه: «بیدون شَک چِمِن درباره اِم مَثَّلی بَواتیرون که ”اِی طَبیب اِشتَن شَفا بِده! اَ چییونی که دَرَسَمونَه تِه کَفَرناحومی شهری کا اَنجام دوعَرَه، اییا اِشتِه شهری کا نی اَنجام بِده.“‌»

انجیل لوقا 5:18

ایی دفعه چَن گِله مِرد اومینَه که ایلَه اِفلیجی چَیی دوشَکی نَه کارا بواَردین. اَوِن تَقَّلا بَکَردین اَیی بِبَرین کَ دیلَه و عیسی پیشی کا بِنَن.

یوحنا 4:47

وختی اِم مِرد دَرَسِشَه عیسی یهودیه نَه اومَه بِه جَلیل، شَه عیسی وَر و مِنَّت کَردِشه که با و چَیی زوعَه شفا بِده، چوم چَیی زوعَه کارا مِریستِه.

رَسولون اَعمال 2:6

وختی اِم سَس اومَه، جماعتی که جمع آبَه بینَه، مات و مبهوت بینَه، چوم هَر کَمیله دَرَسین که اَوِن، چَوون اِشتَن زَوونی نَه گَف ژَنِن.